اكيد اخي انا طوال ثلاث سنين ماشاف مني الا كل خير ولا اهمل نفسي بالتزين لاني حابه نفسي كأنثى ولا ارضى يشوفني بشكل ينقص مني
وطبعا اهتمامي بنفسي مايقلل من اهتمامي فيه سواء بمأكله او ملبسه

ابني جابه عندي لانه ابدا مايقدر يتعامل معه ولايتحمله بس بعد ماكسرني واعطاني الشعور بعدم الامان معه وانه ممكن ياخذ ولدي مني بأي وقت والشعور هذا مايطاق وخلاني اشوفه انسان بلا رحمه خصوصا لما طلعت وولدي يبكي
ولاني اعاني اهماله احس ببرود ناحيته لاني اعطيته كثير ولا لقيت منه ردت فعل بس كنت اتغاضى عشان القافله تسير

لأني كثير تكلمت وتكلمت وعرفت ان الكلام معه ضايع ممكن يسايرني اللحين ويوعدني يتغير كل حاجه ولما ارجع ترجع حليمه لعادتها القديمه وهذا اللي مخليني اتردد بالكلام معه

ما تذكري له اي ايجابيات

م ادام يعتذر و يوعد معناه فيه خير


يمكن لو حس انه راح يخسرك يتغير فعلا

__________________

(انما يوفي الصابرون اجرهم بغير حساب )

انا راح ارد فقط ع سؤالك!
انت تحبينه جدا ولاتستطيعي تكملي حياتك بسعادة من دونه
لو كنت لاتحبينه كان سامحتيه!!!!!!!

اكيد له ايجابيات نفس كل البشر
لاكن طبعا عنده سلبيات بعد + اهمال

والله ما اقدر أكد هالكلام اتمنى باللي مرت ببرود مشاعر وبعد كذا رجعت مشاعرها نفس اول تطمني لاني ماني عارفه الللي امر فيه طبيعي ولا لأ للعلم صارلي مده طويله ومشاعري متغيره بس كنت اتجاهل واقول الحياة الزوجيه مو لازم حب اهم شي الاحترام لاكن يعد ماراح الاحترام بيني وبين زوجي ابش بقى ؟!

السلام عليكم ,,

أختي الكريمة ,,

أسأل الله أن يربط على قلبك ,,

يجب أن يدخل في الموضوع رجل من بيتكم , ليقف زوجك عند حده ويعلم أن خلفك رجال ,

بغض النظر عن الخطأ أي كان إن كان أصلا , من المعيب أن يمد الرجل يده على زوجته بهذا الشكل ,

كوني قوية في موقفكِ وأخبري أحد الرجال العقلاء في بيتكم بالموضوع وما تُريدينه من زوجكِ , وكوني قوية أيضا في الحفاظ على بيتكِ لأجل ابنكم , لأننا حتى لو أردنا أن نتنازل عن بعض حقوقنا لهدفٍ أسمى ومستقبل دافئ للأبناء يجب أن لا يكون التنازل عن مُسلمات رئيسية منها العيش في كرامة وعدم الإهانة فالله كرمنا ولا يحِقُ لأحدٍ أن يُهيننا , فالمرأة تريد العيش في ظِل رجل لا في ذُلِه ,

انتهى

__________________

.....................

لا تحظرينه ولا تبادرين لا بتصال ولا برساله
..................
خليه يجي ......... لبيتكم ..........

وقبلها تكوني مكلمه العاقل من اهلك باللي صار
وان حياتك معه بكفه وكرامتك بكفه
وبعد ما يجي بيتكم ويعتذر وتتصالحوا قولي بهدوء ابغا اسبوع ببيت اهلي اريح وانسى اللي صار
منها ثقل منك مو من اول ما جا رحتي معه ومنها اريح لاعصابك من اللي صار

اعطيت حلول مع انك ما طلبتي حلول ................

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

معك بكل كلمه قلتيها اشكرك على ردك الراقي أخي الكريم وهذا اللي بيصير فعلا راح يتدخل ابوي وان شاءالله ربي يكتب اللي فيه الخير