أشكرك أخ شاااب..وإذا كانت مواضيعي مميزة فمشاركتك وآراءك وجميع أعضاء المنتدى مايكسبها التميز..لكن بنظرك ماالذي يجعل الرجل في بعض الأحيان اشتراط عمل المرأة كمعلمة مثلآ؟وهل إذا تزوج الرجل بإمرأة موظفة بناءآ على رغبته سيتفهم وضعها ويتقبل مدى توفيقها بين البيت والعمل مهما كانت نسبة التوفيق؟

أتفق مع أخوي شااااب...

الوظيفه للمرأه مو بس فلوووس.. المرأه تعمل عشان تحقق ذاتها وتنجز بحياتها.وتزاول شي تعبت وسهرت عليه طول دراستها..

وبعد من الناحيه الأجتماعيه..يكون له وسط أجتماعي تتفاعل معه..وتعرف وش يدور حولها..بدل جلسة البيت الي تجيب الضيق والهم..
شريطة أنها تقدر توازن بين عملها وبين وواجبات بيتها..

أدعولي ربي يرزقني بالتعيين..

معليش السؤال لرجال وأنا دخلت عرض^_^

مشكورره أختي موضوع قيم..

أعتقد ان بعض الرجال إذا أشترط معلمه كونه شرطه هذا قصده إذا تزوج موظفه يفضل معلمه لقلة دوامها

يعني فتره محدوده تخرج بخروج زوجها لعمله وتعود قبله أتوقع هذا هو الشرط وبأمكانها تجهيز الغداء قبل

مجيئه وأما كونه يريد معلمه أو موظفه لأجل مرتبها فأنا لا أحبها وكل له وجهت نظره ......شااااب

__________________
لا تكن عبد مملوك كن حر حتى ولو كان الثمن روحك

السلام عليكم

انا ماراح اتكلم من خيال راح اتكلم من واقع جربته

طليقتي معلمة يوم كانت على ذمتي ماستفدت من وظيفتها الا القرادة ولدي طفل منها انا اصرف عليه وعلاجه على حسابي وكم مرة ترسلي رسالئل ابتزاز ولدك كسر وسوى وتبي فلوس

الشاهد انا استنتجت ان المرأه الغير موظفة افضل واحسن وهذا شرط اساسي لي عند الزواج

واختلاف الراي لايفسد للود قضية

تحياتي

__________________
لا تحزن على اللبن المسكوب

طبيعي المرأه الموظفة مثقفه و و و ! بس مو شرط الموظفة فقط ! حتى المتعلمه وقاعده ف بيت زوجهآ
أتححدى أن اللي تكون موظفه مهتمه ببيتها وزوجها ونفسسسسسها واولادها ووظيفتهآ ! ماهي حديد هي !
انا عن نفسي أحب المرأه المتعلمه واللي في بيت زوجها بعضهم يقولك لا ايش اقعد انظف واكنس وأربي ليه كذا البنات حاطين الحياه ف بالهم ! الرجل الصح اللي يشوف مرته تعبانه كذا يعوضها وبعدين لو الحريم ينظفون ويسون كل شي لبيتهم ولأزواجهم لله بتأخذ أجر التعب اللي تتعبه , من وجهة نظري المرأه المحتاجه هي اللي تتوظف غير كذا جلسة البيت حلوووه أحلى شي لما الرجال يدخل البيت يلقى مرته مو جايه من شغلها تعبانه لا قاعده تستناه سواء بطبخ بتنظيف بمظهرها بكل شي وفي ازواج عادي عنده تتوظف وتجيب شغاله

وانتي مدرسه نصيحه مني لك لا تهمليييييين بيتتك لو م قدرتي توفقي بين الاثنين اسحبي من الوظيفه كله الا بيتك

والله يوفقكك

اخوي وحنا ندور له كان يبي موظفة وهو راتبة كويس وسكن بيت ملك بس مايبي وحدة جالسه بالبيت وفاضية يبي يكون وقتهت ونومها منظم ويبي عشان يكونون مرتاحين مادياً
يوم تزوج مااشوف انه مستغل الراتب بالعكس هو اللي يصرف*

السلام عليكمم ورحمة الله وبركاته

في الحقيقه لا أفكر لا في موظفه ولا غير موظفه

شكراً لك

__________________
استغفر الله الذي لا إله إلا هو الحي القيوم وأتوب إليه

اي والله الله يعينها بس خليها تجي الحين وبعدين ربك يحلها
وبالنسبه لكلامي انا اقصد ان اللي يشترط انها معلمه هو اللي يحب الدراهم وانا الحمدلله احب الدراهم بس مااشترطت شي واهم شي تكون طيبه وسنعه ودينه
ولافرقت معي موظفه غير موظفه حتى الاكل ماابيها تطبخ يعني لو ماتوظفت بتقعد تتبطح طول النهار ومو بعيده ادخل البيت يوم القاها منهبله من الطفش
وفيه واحد من الربع اشترط على اهله يزوجونه معلمه عاد ابو الشباب بخيييييل المهم يوم تزوج اكتشف انها تشتغل في روضه حقت احتياجات خاصه وراتبها الف وخمس ومسكين كل يوم يمصع بها مشوار للمدرسه ويوم حسب خسايره طلعت المشاوير لحالها الفين وشوي وضاق صدره وخلاها تفصل وكويس ماطلقها بعد لاني اعرفه جلده
وواحد زوجته معيده في جامعه خارج الرياض وراتبه 8000 والله واعلم كم راتب زوجته وكل ما جا قبل نهاية الشهر يدق علي يدور سلف
يعني فيه ناس وين ماتطقها عويا فالواحد مايتعب نفسه على امور زي كذا والرزق على الله وكلن يجي برزقه معه
اه ياكثر كلامي اليوم

احسن واحد انت

ما يهمني تكون موظفة
وان كانت موظفة لتشغل نفسها فقط


للعلم خطيبتي طبيبه

__________________
اللهم أسالك رضاك والجنة لي ولوالدي ياااااااااااب
http://www.66n.com/forums/showthread.php?t=235869