أرى... أن تعطي لولدتك إحترامها وكلمتها
فطالما قالت لكِ أن التفاهم سيكون معها... فلتتركي ذلك لها حالياً ... ولتصبري أسبوع زيادة.

فإن لم يبادر... فأجعلي أخوك يتصل عليه ويستطلع الأمر... فربما أنه زهق كل مرة يأتي ويبادر... فأراد هذه المرة أن تكون من طرفكم... عشان ماتعوديها وتقولي ودني عند أهلي. والله أعلم

أعانك الله

صح كلامك ..
بس انه اخويا يتصل عليه ما أتوقع اخويا لايحسن التصرف ولا الكلام ..
بنتظر للجمعه بيكون مر شهر بالتمام .. بعدها ان شاء الله القى حل منكم هنا بالمنتدى ..
شكرًا لك ..

ماني مقتنعه بحكاية الأنماط ..
بس زوجي دائماً اقوله حبيبي الشرير خف عليا وكان يضحك ويقول ماني شرير بس جالس أعلمك الحياة صح ..
والله اني طيبه وحنونه وطولة لساني عصبيتي مو طول الوقت الا ما يصير موقف يستفزني ويعصبني..
من لما اتزوجته ما غير صورة العرض بالواتس أب وكنت اقوله مو حلو شكلك فيها غيرها ... والفترة اللي فاتت قلت له اذا طولت شعر دقنك انا ما البس قصير ولا عريان ابداااا وطوله هالفتره واليوم مزبط دقنه مع ستايله الجديد وحاطها صورة عرض هالشي بكاني وخلاني لا شعوريا أكلم الصوره بصوت واطي ولولا اني تمالكت نفسي وقمت صَلَّيْتَ وبكيت ع سجادتي كان كتبت له فقدتك قد الدنيا

كم عمرك يامنفردة؟
وكم عمر زوجك؟

-



ماعندي خبر بقصتك
اذا ماعليك امر تحطين روابط لمواضيعك السابقة
عشان نقدر نرد عليك

__________________
استغفر الله وأتوب إليه

كم شهر وادخل بالثلاثين
عمره 44

الموضوع بحثت عنه بالصفحات الاولى ما لقيته
يمكن علشان طلبت انه يُغلق حذفوه.. مدري والله فينه .

منفردة ..
في الزواج ما في شي اسمه غلطان وغلطانه وكرامة ..الخ
بما انه خطأك تكرر اكثر من مرة
فالمفروض المبادرة تجي من طرفك انتي ..
لانه هو حتى لو رجع لك بس بيكون شايل في قلبه عليك
وعشاان ما تحسي باحراج
خلي طرف حكيم من صوبك يكلمه ويستفسر عن الوضع
ويكون طرف للصلح

__________________

ما عندي أقارب بنفس مدينتنا ..
واخويا ما ينفع يكلمه أساسا لما عرف بالموضوع بالصدفة بدال ما يروح له ويكلمه ويسمع منه
قال لامي مشو الموضوع ع أساس انا ما ادري ... بس اخويا حاله خاصه
حتى انا يا جمانه بقلبي أشياء جرحتني ... الواحد لازم يتكلم .. يناقش.. يشوف ايش له وايش عليه مو كذا هجر وجفا وشي يوجع القلب اكثر ..
الطرف اللي بيصلح بيننا شي حلو بس مين يكون .. امي مغلطتني بس زعلانه منه ع حركته قدامها واستحي أقولها خلي احد يصلح بيننا حتقول انتِ تسوي مشاكل بعدين تجي تبكي ...

طيب منفردة قلت زوجي يجي يراضيني حتى لو كنت زعلانه
هالمره جاء دورك تبادري ..مو كل مره يكون هو المبادر

الشئ الثاني كيف الوحم معاك ؟ اذكرك سابقا طلبت من زوجك البقاء عند اهلك طوال فتره الوحم ..جتك هالفرصه ريحي وارتاحي

وغير كذا اختك غلطانه .. صدقيني هو يحبك ويتمنى لك الخير بس حاب يقرصك شوي واكيد انه مثلك ميت من الشوق بس يكابر...هذولا هم الرجال بهم صبر عجيب في سبيل المكابره