لين طحت بوااحد ماقول الا عسى الله يغفرلي هالانسان فرض نفسة بالقوة بحكم انة مراقب ..يقدر يدخل بالخاص وهو مسكر ...وكان ياكثر مايمدح ومن هالكلام كم شهر وهو بها الحال .. ولية هو بالذات والله مدري والظاهر البركة بالحبوب لانة تخلي الوااحد جري ومايهاب اي شي ... طلبتة يبعد واني مانفع لة .. اصر المهم سالفة اطويلة من التميلح والنصح مرات والتودد ..قلت اشتبي ..قال ضيفين بالمسن ...قلت يالله بضيفة شالمشكلة وخصوصا اني من تعذيب الضمير وعدم اقتناعي بالشات قررت اتركة بدون رجعه ضفتة ..يوم بدى يتكلم الا هو انسان غير كان محترم هناك اشغيرة اهني الولد رايح فيها 160 درجة غير ...طبعا بعد كم يوم سويت لة دليت وبعدها مليت ورديتة وقلت سوالف باحترام بليز ....يمل ويطلع ..وانا امل بين فترة والثانية وارجع شات على هالحال ..
كنت دايما اتكلم مع نفسي ...اشبلاج يانفسي طول عمرج قوية بمراهقتج ماسويتها تسويها الحين ..واقعد اتذكر سوالف بايام مراهقتي واشلون كنت اشوف بنات حولي يطيحون وانا انصح بهم وكنت صامدة عمرة مالان راسي اشمعنى الحين لية ...واقعد ابكي على حالي ))))
انا هالشكل ...وين الناصحة وين اللي كلن يحترم الرياجيل قبل الحريم وين هذا كلة ....المهم كنت اقطع الشات ومرات اقطع هالشخص ولين اقطعة على قولتة يتعب مرات كان يكسر خاطري بديت احس بقلبي بدى يلين ...اهني خفت وربي خفت اول عادي كنت قوية الحين وشبلاي .... وماتقولون حب لا والله لو جينا للحب مابة حب بس محتاجة عاطفة وكلام ...عرفت مشكلتي تميت فترة شهور معاة ....ودخلنا ببعض السوالف الغلط ..عسى ربي يغفر لي كنت اتعذب كرهت نفسي وكرهتة ومرات كنت اقول يارب مايتولع بي ...مرات احس انة تولع ومرات كنت اشك ... المهم كنت اتخبط بين خوفي من الله وبين مشاكلي وهالانسان اللي يقال لة زوج بالاكراة وبين هلي اللي جابريني ...بحكم كلام الناس واشبيقولون ومابيقولون .....استفتيت قلبي وربي قلبي :: قال ماحبة لاتعبين عمرج ولاتخدعين الولد وتخدعين نفسج انا محتاج للحب بس مب هالطريقة وهالاسلوب مابي ...انتي قاعدة تغصبيني على شي مابية وتوهمين نفسج مثلما اوهمتي نفسج بداية الزواج بحيج لولد عمج ...وبعدين انا اخاف من ربي ...والله كل يوم هالاحاسيس شغالة ...كل يوم وضميري يعذبني ...ربي عمرة ماقصر فيني اشلون انا اللي الكل يحبني ويحترمي اوصل لها المواااصيل انا اللي كنت انصح البنات يصير فيني هالشكل ...
وقفت وقفة صادقة مع نفسي ....وكنت اجس نبض هالشخص اللي بالمسن بين فترة والثانية ...وعرفت انة فية خير وكانوا واااجد في الشات يحترمونة بنات وشباب بس اهو هل كان فعلا يحبني ؟؟؟؟ معاد يهمني كل اللي اعرفة انة.. زاااد كرهي لنفسي ولاني راضية عن نفسي(((( واكون صريحة اكثر ...عرفتة انة مايفرق معاة يبي الحرام عادي... كنت اقول ماتخاف الله ..قال بلى بس فترة ..والله بحطج بعيون ...وربي كان يقول كلام يذوب الصخر اللي اهو صخر لايذوب ... وانا ياكرهي ياكرهي ياكرهي ..للحرام . مرات كان يعجبني كلامة ومرات كنت اخاف واحسة كذاب ولين ابعد اعود بس علشان اسمع كلامة ..كان يقسم انة يحبني ويدعي على نفسة بالموت لو فارقتة قلت لة انت تعرف اني لازلت على ذمة رجال صح مابية بس بعد ضميري يعذبني لخيانتة كان يقول عادي بس لاتفارقيني قلت بكون صريحة معاك توقع باي يوم بجي وقولك فراق انا مب راضية عن نفــــــــــــــــــــــــــــــــــــــــــــــــ ــــسي . وهو يحاول يقنع فيني وبحطج بعيوني ومن هالكلام ...والله مرات كنت افكر بكلامة اتعذب ومرات ارد واقفل قلبي كنت متقلبة ....سنة تقريبا وانا معاة اقطع واعود احاسب نفسي واعود ...طبعا الشات نفس الشي ))))
ياشباب خافـــــــــــــــــــــــــــــــوا ربـــــــــــــــــــــــــــكم ... الحريم كتلة من العواطف وانتوا كاملين بعقولوكم خافوا الله احنا مانقــــــــــــــــــــــصنا الا من سبة العاطفة وانتوا ماكمـــــــــــلتوا الا لان ربي عزوجل خففها فيكم ......اتقوا الله عزوجل واعــــــــــلم اخي قبل ان تغرر بفتاة انة كما تدين تدان ...وان كنت صادق بمشاعرك اطرق الابواب .
المهم قعدت مع نفسي قلت ادري اني لو تطلقت مستحيل ياخذني الولد تفكيرة شين بذيك الامور حتى لو كان فية خير ...احسبة كذلك وحسيبة الله ...
قلت لازم اتغير وارجع مثل اول احترم نفسي واخاف ربي ....كانت اول خطوة تركت الشات تركتة تماما بلا رجعة الحمد لله فترة وتوعدت على فراق الشات ...اهااا باقي الاخ قمت امهد لة والمح اني بفارقة كان مرات يعصب ومرات يترجى وانا اصـــــــــــــــــــــــــر ويحلف انة يبكي ....معاد يهمني رضى ربي فوق كل شي ...وبصراحة احترمة اية احبة حب حقيقي لا ...بس والله دايما ادعي ربي يتوب علية ويغفر لة ويكفيني شرة ..
والله ياخوان تركتة من سنة حتى شعور بالحنين مافية ...من كثر مادعيت صد الله قلبي عنة بس لاذكرتة ادعي لة .....واقول يارب انة ماتولع ولا اخذة بذنبي مع اني يشهد الله بالبداية كنت اصدة اهو اللي فرض نفسة علي ...اثناء تركي لة بكم شهر كنت ابغى الهي نفسي باي شي بس علشان ماشتاق لسوالفة ..
مرة دشيت شات من فترة طويلة مادشين ومب نفس الشات شات اول مرة ادخلة ودخلت نصف الليل وبلقب غير كنت اقرى ...واتذكر هالشخص وشوي اصيح وشوي ابكي على حالي ... ورغبتي اللي لازالت تلاحقني في الطلاق ...وشي داخلي يقول يافلانة ماراح ترتاحين الا لين تطلقين ويخف الضغط عليج وتنسين كل هالمصايب اللي بسبتها دخلتي بمتاهات وتتركين عنج الاستعباط ولعب اليهال ..ولازالت عيوني معلقة بالشاشة والشات طالع ونازل شات ماعرفة مالي بة حد ومب مشهورة عندهم ولا احد مهتم فيني خصوصا لين يكون الشخص جديد ميلاقي اهتمام الابعد مايخذون علية ...
والله الذي لا الله الا هو اني سرحت بحزن شديد مايعلم فية الا ربي وكنت متوقفة عن المشاركة اصلا دخلتة وانا ناوية بس اقرى بدون ماشارك وحطيت ببالي اليوم وبس ..ماوعيت الا دخل شخص على الخاص والله ماعرفة زالشات هذا جديد علي واالنك نيم حقي غير اللي اددش بة في الشات ذاك ..
قال اختي في الله ...قلت نعم تفضل ..
قال :: ماعرف ليج طاحت عيني من الشات كلة على اسمج ...احسج جديدة قلت اية مادخل اهني ..
اشتبي ...قال : شدني النك نيم ومب عارف ليش لكن حبيت ادعي لج بنصف هالليل وانا عارف انج انسانة فيج خير ...وقال دعاء طويل انا نفسي استغربت ...والله استغربت اشلون واحد مايعرفني ولا النك نيم يدل على الحزن كان اسم فقط ...دعاء ان الله يغفر لي ويرفع عني الحزن ويوفقني في حياتي واخرتي ويكتب لي الخير مع من يوفقني الله معاة ...ماتذكر باقي الدعاء ..بس كل اللي اتذكرة اهو ان دعاة طويل وهو يكتب الدعاء وانا وربي ابكي مثلما ابكي الحين وانا اكتب ...وعيوني امتلت دموع كنت امسحها علشان بس اقدر اشوف شاللي يكتبة .
دعاء والله بعد دعاة حسيت براحة ... بس يوم انتهى قلت جزاك الله كل خير ...وبحكم دخولي ذاك الشات صرت خبرة في اساليب بعض الشباب الصالح منهم والطالح ...قلت خلصنا من الدعاء شالمقصود من وراة
قال لوجة الله لااكثر ولا اقل ادري انج مستغربة ...ومعاج حق انا نفسي مستغرب ..قلت اتمنى ماهو علشان تطري على شخصك الطابع الديني ترى ماتنفع معي هالحركات ولا غيرها ..
قال : ادري قلت لج والله من ورى القصد ...قلت ليش قلت هالدعاء ..قال لانج تستاهلينة ...وعموما اخية انتبهي على نفسي واطلعي من هالمكان ...قلت انا زايرة وهذي اول مرة ادخل اهني وطالعة واوعدك معاد راح ادخل مرة ثانية ...وسلم واختفى ...دورتة بقوايم الشات كلها ....كنة فص ملح وذاب وانتظرت فترة علة يعود واكتشف انة مثل غيرة مسوي فية دين لكن هيهات ...وطلعت ولازالت هالسالفة لين اليوم تطري على ببالي ....بس جزااااااااااااااااة الله كل خير حسيت اني فعلا كنت بذاك الحزة محتاجة للدعاء ...وعموما صار لي فترة طويلة من الشات والشخص اللي كان معاي بالمسن وبعدها عاهدت ربي معاد اعيدها ...نهائيا وعلى فكرة اكتشفت اني لاحبيتة ولا قلبي اصلا حباة والسالفة كانت بس كلام للكلام والحاجة للكلام الحلو ...حتى ماتعبت ولا صار فيني شي بس ضيقة باول اسابيع وبعدين عادي احمد الله عزوجل ان الامورررررررررر ماتعدت الشات والمسن عسى ربي يغفر لي خطيئتي يوم الدين
21-04-2010, 12:10 AM
.
بالشهر قبــــــــــــــــــــل الاخيــــــــــــــــــــــــــر كانت الوالدة تجي تبات عندي بس بالنادرررر مب دايما يعني لازم اقعد اترجى فيها 
الا وبذاك الـــــــــــــصراخ وركيض لين عند امي.... وهو رجلة والريح وماسمعت امي الا طقة بـــــــــــــــــــــــاب الشــــــــــــــــارع..
)))) 
قال : مدري لية يختي احس المادة ذي غطاء وان المخفي اعظم ... قلت :: لا اهي المادة وبس وهو رجل فية خير ... بس والله يخوي معاد ابية ...
طبعا اهو يسوق وانا احس اني بقطار الموووت ...ويدة ترتفع وصوتة مرتفع ....ويدافع ....هذا توني ماقلت لة بسالفت طلبة لها باللبس توني اقولة سالفة اللي صار يوم امي عندي ...قلت لة شوف حبيبي انا سترتك وانت فضحت عمرك امي الحين درت بكل شي بدون حتى ماخبرها ولعلمك الزلعة اللي قبل واللي قبل وربي ماعمرهم دروا بشي حتى امي بس هالمرة الشغالة خبرتها بكل شي وانت كملت الموضوع وتاكدت يوم باتت عندنا ...قام يدافع ويقول 
وانا عيوني على الشارع غدت كذا ...واحس اني في سفينة نوح بالسعودية ....ولا قطار الموت هههههههههههههههه واقول دامها خاربه خاربة خلني اكمل .....وقلت لة :: لا وبعد تقول انك طلبت منها تلبس لك كيت وكيت ....وهو جن والناس اللي يمرون بالسيارات حولنى اكيد يدرون ان فية مصيبة من يدة اللي طالعة ونازلة وشوي كان يهوي بيدة صوبي يبي يطقني ويخنقني ...
كنت اخاف ادمنها واصبح اسيرة لها ...كانت تعطيني مرح زيادة فوق مرحي ..وكنت اقرى الاستغراب بعيون امي كنة تقول معقول كل هالمشاكل ...عندها ولاقية سعادتها ...ههههههههههههههههههههه مايدرون باللي ابلعة ..
مب تبوني اقعد عندة تحملوا ....طول عمري انجبر على شغلات مابيها ارفضها لكن ....ماقول الا حسبي الله ونعم الوكيل ...
...وانا مستغربة ...وقام يعبر عن حبة وانة ميت علي حتى رغبته زادت وانا والله ماغير اقلب بعيوني لدرجة اني شكيت اني مسوية له سحر ولا شي 
ضوابط المشاركة
العرض العادي
