أشوف تعامله طبيعي معك هي ردة فعل لقرار بلغتيه به ورحتي لبيت أهلك تشوفي اذا تقدري تستمري معه او لا
زوجك يحبك وانت تعرفي هالشي لكن كعذاب له قررتي تطلعي لبيت أهلك
لا تظني ان مش متألم دام الضعف منه ويمكن يشوف تأثرك لما تشوفي الاطفال وكاتم بقلبه ورحتي قلتي له خلني اروح بيت اهلي بشوف لو اقدر ولما اتصلتي به قلتي ما استغني عنك رجعني طبيعي يرد عليك بهالرد

__________________
يا رب خاتمة حســنة ، وزلفى ، وحسن مآب ..

السلام عليكم اختي الصراحة هذا موضوع صعب اتخاذ القرار فيه وانالايعجبني من يصدر أحكام علي الناس ومايحس بشعورهم هو أصعب حاجة المرأة تتزوج ولايكون لديها أولاد قد ترضي اليوم خاصة إذا كان زوجها يدلعها لكن بمجرد أن تري أطفال الناس تتأثر شئ فوق الطاقة اختي انا اريد ان أنبهك اذا كان زوجك جيد معك ومتدين وفوق هذا مادام عندو حيوانات منوية هناك أمل كبير أن تنجبوا بالحقن المجهري وأيضا أنت موضفة يعنى ماديا يمكنكم أكثر ونفسيا عملك يشغلك علي الأقل بنسبة ولو قليلة ويصبرك يعني معطياتك تدعوك لاتخاذ قرار الصبر مع الزوج واستخيري فرج الله كربك

جزاكم الله خير على الردود
طيب أبغى منكم نصيحة الحين انا من بعد ماطلعت لبيت اهلي وجلست تقريبا اقل من أسبوع رجعت كلمته على أني راح ارجع وزي ماقلت لكم أغلق سماعه الهاتف بوجهي وقال انا مولعبه عندك وخلاص المهم الحين لي ثلاث شهور ماكلم ولا ارسل مسج ..
كيف تنصحوني هل ادق عليه ؟؟
او اتركة لحد هو مايتواصل معي لأَنِّي احس أني جالسه افرض نفسي عليه ؟؟وشئ ثاني انا بينت له أني ماابغى انفصل عنه وهو ولا معبرني..
بخصوص اللي يقول خلي اخوك يتواصل انا وحيده ماعندي خوات ولا اخوان والوالد متوفي ..
الصراحة لااخفيكم أني متعبه جدا الطلاق صعب لما يكون بسب الإنجاب خاصه لما تكون حياتك الحمدلله مافيه مشاكل الاهذه المشكلة يكون القرار صعب وقاتل 😭

حبيبتي اتصلي عليه واعرفي راسك من رجليك
التعليق محرم بالاسلام
اما امساك بمعروف او تسريح باحسان

خلال ثلاث شهور المفروض تكون وضحت الصورة عندك..

اذا قررتي ترجعي له فيا أختي انتبهي ترجعي وبعدين تصدميه مرة ثانية وتطلبي الطلاق..

انت حرة تبغي عيال او زوجك.. انا عندي ثلاث أطفال بس ابوهم مافيه خير وتطلقنا.. طيب عندي اطفال بس حياتي من جهة ثانية اختربت لو كان ابن حلال والله ما اكسر خاطره كرمال شي مو بايده.. صفات زوجك سواء سلبية او ايجابية هي الي لازم يرتكز عليها قرارك.

احنا ما نعلم الغيب، ومانعرف الله شو كاتب لنا من أرزاق،، يعني ممكن تجيبي طفل مع زوجك، وممكن تتزوجي غيرو وتجيبي طفل بس ماترتاحي مع أبوه، فيه كثير فرضيات للمستقبل كله في علم الله بس الأكيد والي لا خلاف فيه انك راح تخسري زوجك في حال فضلتي الانجاب عليه.

اذا رجعتيله لاتلعبي فيه.

فيه أحد الاخوات هنا طلبت الطلاق لنفس اسبابك.. ورجعت لزوجها ورجعت مرة ثانية طلبت الطلاق الرجل انكسر وساءت نفسيته والتحق بالجيش وناوي يستشهد من كثر ما كره الدنيا.. وهي ندمانة وضميرها معذبها وكانت ناوية تتزوج ورجعت فسخت العقد او هيك شي مو متذكرة القصة..

وعضو هنا زوجته تطلقت منه لانه ماينجب وتزوجت غيره وجابت ولدين وتطلقت وكانت ميته ترجع وهو حط موضوع يستشيرنا اذا يرجعها او يخطب وحدة ثانية وبالأخير قرر مايرجعها..

القرار قرارك بس لا تلعبي بمشاعره.. هو يبي يعاقبك وبنفس الوقت عاطيك وقت كافي للتفكير واخذ قرار نهائي..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

اختي انتي ماغلطتي يوم طلبتي الطلاق من حقك
تجيبين اطفال خاصه انك وحيدة امك ولازم لك ولها سند
حركته مراوغه يانه يعد نفسه للزواج من اخرى بدون علمك
ويجرب معها اذا مانفع رجع لك او انه يبي يضغط عليك
لين تطفشين وتطلبين الرجوع
انا اشوف انه من حقك تحلمين باطفال وتسعين الذلك
حبيبتي ارسلي له واطلبي منه انها الموضوع وادعي له ان
الله يرزقه بزوجه تسعده ويرزقك بزوج يسعدك ويرزقكم
الله بالذريه التي كنتي تتمنين انها تكون منه ولكن
الله ماراد

كذا بيكون اسلوبك لبق ومؤدب اذا الرجال يبيك صدقيني
راح يتواصل معك على طول ويطلب الصلح واذا بايع
فالخيره فيما اختره الله والله يرزقك بابرك منه

اختي شوفي موضوع الأخت
http://www.66n.com/forums/showthread.php?t=251511

http://www.66n.com/forums/showthread.php?t=253510

شوفي آخر ماحصل لها
http://www.66n.com/forums/showthread.php?t=269120
شوفي المواضيع واستخيري في الرجعه أو الطلاق لاتسوي مثل الأخت تكسرين قلبه بعد الرجعه ثم تطلبين الطلاق
الله يفرج هم زوجها وزوجك ويرزقهم الذريه الصالحه

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

السلام عليكم ..
سديم الذكريات شكرًا على الروابط...
لكن احببت ان أوضح الفروق اولا انا اكتشفت عقم زوجي بعد 6 شهور من زواجي وأول مااكتشفت ذلك كنت أمي تخيارني بين الطلاق او الصبر انا اخترت الصبر طبعا من هذا الوقت وبديت بمراحل كثيره أولها اعتمدت على ربي ..صلاه الليل ..الصدقة...الاستغفار
وبديت بنفس الوقت مرحلة العلاج مع زوجي طبعا في هذالوقت ااهل زوجي ماكانوا يعرفون وكانت ام زوجي شديده ومع ذلك والله صبرت ..لحد ماتعبت من المضايقات فأخبرت زوجي بان يخبر أمه وابوه بالموضوع طبعا بالاول مااحد صدق زوجي وقالوا ان المشكلة فيني وزوجي يتستر علي لحد ماراح ابو زوجي معنا للمستشفى واتاكد من الموضوع ..يعني واضح ان المعيايير مختلفه بيني وبين ام جوري أمة جوري كانت تحظى بحب من عائلة زوجها وهذا شي جميل ..
خلال 4سنوات جربت جميع انواع العلاج وكنت الام والأخت والصديقة والحبيبة لزوجي في وقت واحد (العسل والخلطات بأنواعها -الحميات الغذائيه -الحجامة-3عمليات حقن مجهري وكنت راح أسوي الرابعه -ذهبت للشيوخ -الممرخات كل سبل وطرق العلاج جربتها ) المشكلة بعد ماقلت لزوجي أني أبغى الطلاق وودي اجلس عند اهلي وأشوف هل اقدر على الانفصال او ارجع واصبر معك لآخر حياتي كنت أبغى ابعد فتره معينه عشان ماارجع كل فتره أكون محتارة مابين الطلاق او الذرية كنت أبغى قرار نهائي ..المصيبه ان زوجي راح قال لامه وقلت له اذا طلعت وطلقتها ترى راح ازوجك على طول لا تفكر تجلس بدون زواج بعدها وكان زوجي يقول لها غير فلأنه مستحيل ألقى مثلها مواصفات وهي تقول له وش عرفك جربت غيرها (طبعا الكلام هذا والله زوجي قال لي إياه يوم قال لي صراحة حسّيت أني مقهورة من داخل طيب ليش ماتتخيلني مثل وحدة من بناتهاالمهم قلت هذا من حقك أمك ودها تفرح بعيالك واذا ربي كتبنا لبعض بنرجع لبعض واذا ربي كتب لنا الطلاق الامر فيه خيره )
انا ماعمري جرحته والله كنت دايم معه أعطيه أمل وادخل العمليات واشارك زوجي بتكلفه العمليه كنت أخصص شي من راتبي للعمليات ..
الحمدلله على كل شي وربي يكتب اللي فيه الخير له ولي ويعوضنا الخير ...

لو مكانك ماكنت طريت الطلاق...كنت قلت قلت اي سبب عشان اروح بيت اهلي.
انا والله ما الومك عندي اطفال بس زوجي خلاص مايبه زياده وكل ما اشوف بيبي اشتاق اريد اشل بيبي.فكيف وحده ماعندها اطفال.
صلي استخارة اكثر من مرة والزمي الاستغفار.
من كلامك احس لو رجعتي لزوجك راح ترجعي تطلبي الطلاق لانه واضح حبك للاطفال.
الله يعينك وينولك اللي فبالك

---------------
اولا في خلال 3شهور كنت ارسل سنابات على شكل قصتي وكنت مخصصه هذا السناب فقط لزوجي وكنت بين فترة واُخرى ارسل مقاطع تدل على أحوالي من سفر او طلعه او غير ذلك فقط كنت أحب ان يشاركني زوجي هذه اللحظات وكنت اعرف ان عنده كبرياء مايسال عني وكنت افرح اذا شفته شاف السناب استمريت على ذلك 3شهور وكنت ارسل سنابات بشكل منقطع يعني تقريبا كل أسبوعين مقطع الان متحسفه مرة وخفت ان زوجي مايدري ان مخصصته بالسناب ويحسب أني فرحانه ومبسوطة المهم خلال الفتره هذي كله ما دق ولا ارسل شي
الان حبيت أستشيركم
هل التصرف السابق خطا او يمكن يفهمه بشكل خطا ؟؟
ثانيا هل اروح أخذ أغراضي بدون ماارسل له رساله (علما بان مفاتيح البيت معي )وخلاص اطلب الطلاق؟؟ لن فتره ثالث شهور مو سهله كأني معلقه
او هل ارسل له قبل أخذ أغراضي رساله اشوف وش نيته ؟؟وبناء على ذلك أخذ أغراضي عشان مااكون تسرعت ؟؟؟
او هل هذا التصرف يقلل من كرامتي لأَنِّي اخر مره كلمته بينت له رغبتي بعدم الانفصال واغلق السماعه بوجهي كما ذكرت بموضوع السابق وانا محتاره ماادري وش أسوي ؟؟
ودي بطريقة تخلي كرامتي محفوظة لأَنِّي كلمته قبل وماادري وش أسوي
الفتره مو سهله يعني انا ماافهم صراحه بتفكير الرجال لأَنِّي عشت بمجتمع خالي من الذكور انا وامي فقط ماعندي اخوان والوالد متوفي واجد صعوبه جدا باتخاذ القرار وفهم تفكير ونظرة الرجل خصوص ان زوجي اذا كنت قريبه له ومعه بالبيت يكون حنون واذا كنت بعيده عنده مايسال عني وهذا الطبع سابق فيه ..
أمي الله يحفظها قالت لي خليها على ربك متى ماجاب أغراضك او ارسل لك رساله..
بس صراحة احس من داخل أني مقهور ماادري كيف الرجال يفكرون إنسانة صبرت معه 4سنوات بالحلوة والمره يعني لما امر بظروف وتطغى الأمومة على العاطفه واطلع من ألَّبيت يستاهل كل هذا الفتره زعل يعني احيانا احس ان الرجل لازم يكون متفهم لظروف زوجته النفسيه والله أني مقهورة جدا 3شهور ولا كأني مريت عليه بحياته ..
أسفه اذا كان كلامي غير مرتب وشكرا لكم ...