ما لك الا الصبر و الاحتساب والاستغفار والدعاء له

فهناك رجال وليس الكل من ورق لا يقدرون المسؤليه

والله يصبرك ويسعدك اللهم امين

يا أختى المهم مش فى اللى بيعمله جوزك الأهم ردة فعلك انتى على عمايله يعنى لما عرفتى انه فى اجازه لمدة 12 يوم وماعبركيش عملتى معاه ايه؟؟؟؟؟؟؟؟؟؟؟؟؟؟؟؟ وازاى لحد دلوقتى ساكته انه ما يكونش لكى بيت لوحدك لما ينزل اجازه ينزل فيه .
خلى لك ولأهلك وقفه معاه والا هياخد على الطناش طول حياته

__________________

http://www.66n.com/forums/showthread.php?t=194675

السلام علكم ورحمة الله,

اختي الغاليه اولا اريدك ان تستعيذي بالله من الشيطان الرجيم لاني اخاف عليكي من الشيطان ووساوسه ومن غياب زوجك عنكي,

من الواضح ان هناك سر في حياة زوجك ومن رأيي لابد ان تكون لك وقفه صارمه معاه تقوليله انا مراتك وهذه ابنتك ان لم تكن تعلم من قبل فهذه هي الحقيقه وصبري عليك كان من اجلك ومن اجل مستقبلك لكن تصل الى درجة انك تهملني ولا تزورني وقت الولاده اريد منك تفسيرا الان لما يحدث بيننا هل انت تريدني كزوجه ام لا, كوني قويه ولكن باحترام وكوني صارمه هذا ليس وضع طبيعي وهذا ليس زوجا حبيبتي اهم شيء الهدوء والصرامه في الكلام اما اذا تماطل في الكلام او تهور او تعصب فليس لكي سوى اهلك لابد وقتها ان يتدخلو ويعرفون سبب بعده عنك والله معكي ليعينك فهو تعالى فوق الجميع ولكن ان شعرت انك زوجه على الهامش وبعد تجربة كل الحلول فالانفصال خيرا لك لان هذا الوضع يمكن ان تقعي بسببه في الخطأ او الفتنه لانك لا تري زوجا امامك او زوجك فقط على الورق والله يعوضك ويصبر قلبك

__________________

بنت بلدى

أولا ربنا يخلى بنوتك فهى خير متاع الدنيا
الله يحفظها يارب

أختى الكريمه بصراحه ومنغير زعل انتى اصلا ماتجوزتيش
والدك للأسف أخطئ فى حقك عندما اعطاكى لرجل لم يئمن لكِ مسكن
فإين مهرك ياأختى ؟
وإين عشك الزوجى فهل يمكن بناء أســـــــــره صحيحه فى الهواء !!
رجل فى غربه
عن أســـــــــرته وأهل بيته ( زوجته وأولاده ) ..
لم يئمن لأسرته مسكن
ولم يئمن لها راحه نفسيه فزوجها تمر عليها ليالى لا تعرف اين هو
يأتى بلده دون أخبارها
وعند العوده للغربه يزورها لتوديعها فقط

فهل هذا يسمى زواج
فإين التغير
وجود طفله بينكم
فإين بيتها واباها ؟!

أختى لا يصح إلا الصحيح والدك من أخطئ فى حقك فــــــ من حقك الان وحق طفلتك أخذ حقك
.
.
.

منــــــ والدك فهو من اعطاكى لرجل لا تعرفى عنه سوا أسمه وسكنه ووظيفته وعينك
تشوفه بعد مرور 12 شهر 3 أيام
وفى حضنك طفله منه

والدك الان لابد وليس بهدووووء بل بشكل جدى
يجلس مع زوجك ويطالبه بحقوق بنته وزوجته اللى هى انتى
او يوفر لكِ السفر معه والمعيش بأستقرار

لانك ولاأنتى زوجه ولا أنتى مطلقه

لاحول ولاقوة إلا بالله
فهل هذا الوضع يرضى زوجك واهله فهل هذا من العدل
بر والده ونسيان زوجته وطفلته

أختى الوقفه الاولى مع والدك فهو السبب للأسف ,,

__________________

شكرآ لك كرامله



فعلاsa33 ,انا اللى غلطت لانى سكت فاتمادى فى الغلط





ربيع الحياة استفدت من كلامك وفعلا لما ياتى هذه المرة وماكان فى تغيير هطلب الطلاق ولو انى طلبته بعد ماتغير بهذه الطريقه وبدون سبب مقنع

__________________

اما انتى حبيبتى مصريه..
فاكلامك كله صح انا ناديت ماما تقرأ معايا الكلام لانه فعلا كل كلمة صح واكيد كان غلطنا من الاول
احب اقولك ان فى الاول لما وفقو انى اتجوز من غير ماتكون الشقه خلصت على امل انه هياخدنى معاه بعد الجواز بكام شهر بس ماسفرتش مانفعش.
بعد كده سنه جابت سنه من غير ماالشقه تخلص ولحد دلوقتى لسه الشقه واقفه على موافقات من الحى لان العمارة لسه جديده عرضنا عليه يسيبها ويشوف غيرها مش راضى.
وهو دلوقتى لاعايز ييجى ولا عايز ياخدنى بحجة انه عنده ديون وانا مش مصدقه خالص لان على ايه صرفها الديون جواز بره؛؛ حلف انه مااتجوز...
سفر هو بقاله هناك 10 سنين مش معقول ماعملش حاجه
عمره ماقالى معاه ايه ومعاهوش ايه .....

عارفه انا بفرح قوى ان فى حد بيوعينى لانى فى لحظه بنسى كل اللى بيعمله وده طبعا غلط لان ده بيعتبر سكوت وتهاون يخليه يتمادى اكتر للاسف اهلى مش عارفين يتعاملو معاه ازاى هو زى الزيبق زى مابيقولو

عايزة اقولك كمان انه لما جيه بيتنا الاجازة اللى فاتت دى ماكنتش موجوده عقبال لما جيت كان مشى وانا كل ده فكراه لسه جاى من السفر وقولت طبعا اكيد هيستنى هيبقى عايز يشوف بنته
لكن للاسف....مشى وقال لاختى انه لسه جاى امبارح وانه مسافر بعد 3ايام
انا سمعت كده اتجننت لانى شهادة البنت ماكنتش اتعملت.والله ولدلوقتى ماتعملتش والبنت بقى عندها خمس شهور .المهم رحنا له انا واهلى بيت عمه الى جيه معاه يتقدمولى لان باباه اصلا مش بيحبنى لان زى ماقلت بيغير عليه والسبب التانى انه كارهنى عايزنى اقعد معاه واسيب اهلى وهو اساسا عايش لوحده والله انا كنت بروح فى الاول اقعد يومين تلاته علشان جوزى مايزعلش بس زهقت سايبه اهلى وقاعده مع حمايا مين يرضى بكده ؟؟؟رضيت بس زهقت
ياااااااه لو فضلت احكيلك مش هيكفى والله

عايزاكى بس تفكرى معايا الله يخليكى اهتمى بيا شويه على فكرة انا عندى 24 سنه ومعنديش خبرة فى الدنيا قوى انا عجبنى كلامك وحسيت انك فاهمه قوى
واخيرآ معلش طولت عليكى وشكرآ لاهتمامك ....

__________________

عايزاكى بس تفكرى معايا الله يخليكى اهتمى بيا شويه على فكرة انا عندى 24 سنه ومعنديش خبرة فى الدنيا قوى انا عجبنى كلامك وحسيت انك فاهمه قوى
واخيرآ معلش طولت عليكى وشكرآ لاهتمامك ....


لا ياحبيبتى ولا طولتى ولا حاجه انتى تؤمرينى
أولا أعرفى ياأختى ان ربك لا ياظلم أحد
وبدام نيتك هو اصلاح الحال وتربية بنتك فى بيت مستقر
وبناء حياه زوجيه سليمه فالله بإذن الله سوف ييسر كل امورك
أدعى وتوكلى على الله وافعلى ما أقوله يمكن فيه الخير لكِ

أختى ام نور ,,
زوجك أكيد يوفر لكِ مصروف شهر
هل المبلغ لحاجتك انتى والبنت فقط ؟
ام يعطى مبلغ كبير يفوووووق الحاجه ؟

ثانيا الأن نريد والدك يجلس مع زوجك
ماهو طريقة التواصل بينهم الان (نت ام تليفون)..
أتمنى انه يكون نت وبحضور عم زوجك ..
ويتم الاتفاق على ذلك

1) ارسال مبلغ كبير إلى والد زوجك وشراء شقه فى مكان مضمون غير السكن الذى يوجد عليه مشاكل
2) ارساله مبلغ أخر لشراء ما تحتاجه الشقه من اثاث وغيررره
3) باقى الكمليات تترك عندما يأتى زوجك ويقوم هو بها

لو تلاحظى انا قولت انه يرسل المال لوالده وعمه وليس انتى حتى يكون الكلام واقعى وينفذ ولا يهرب زوجك من المسؤليه بحجة ان لا يستطيع ارسال لكِ مبلغ كبير ..

بالنسبه لكلام زوجك ان عليه ديون فليس فعل اى شيئ ليداين
ولا مسكن ولا حتى متطلبات زوجه ولا اى شيئ يفعله من اجلك
فإين مسؤليته اتجاهك واتجاه بنته !!

ان لم يرسل المبلغ لتأسيس مسكن فلابد ان والديك يطالبه بأن تسافرى لزوجك انتى وبنتك
وإن رفض يطلب منه مصروف اكبر فائض عن الحاجه حتى تستطيعى انشاء بيت واثاث بنفسك
من اجل بنتك

وايضا لا تذهبى لوالد زوجك فالرجل الذى لا يعلم ابنه
على تحمل مسئولية زوجه وطفله
فهو لا يستحق منك حتى السؤال عليه
فالله لا يرضى بالظلم وحسبى الله على هذا الزوج الذى تزوج
من أجل الكمليات والشكليات فقط
لا يعلم انه سوف يتحاسب على مايفعله
فالزوجه لها واجبات وايضا البنت اللى من ظهره

فإن كل هذا الكلام لم يفعله وتهرب
فلماذا البقاء مع ....>>>>>
ليس زوج
اشباه رجال

فكما دخلتى بالمعروف تخرجى بالمعروف لكن لا تنسى النفقه توفير مايليق لتربيت هذه البنت الذى
ليس عليها ذنب لتأتى الدنيا بدون أب يفعل المستحيل لأستقرارها وسعادتها

وايضا لا تدخلى انتى فى الكلام مع زوجك هو والدك وعمه فقط
يتصرفوا مع زوجك الذى لا يحترم كلمته ومسئوليته
والله ياأختى سوف اكررها مره أخرى
والدك للأسف فرط فيكى واعطاكى لراجل لا يخاف الله ولا يعلم انه يحاسب عليكى
حسبى الله ونعم الوكيل فمن ظلمك

__________________

دى هديه لكِ اتمنى تعجبك يارب

__________________

حبيبتى اسعدنى كلامك وبصراحه بحس انك عايشه معانيا بتتكلمى وانتى فاهمه قوى وحاسه اللى انا فيه
بس عايزة اقولك انه بقاله 3اشهر مابيبعتليش حاجه هو بس بيفضل يسالنى من باب الواجب ...وانا اقسمت انى ماهطلب منه حاجه لو مابعتليش من نفسه لان عارف البنت بتحتاج كتير ......
وكل شويه يسال بس مجرد سؤال طيب يعنى انا هجيب منين ؟؟ اهلى طبعا زى ماكانو بيصرفو الاول بيصرفو دلوقتى

اخر مرة قالى الفلوس اللى معاكى خلصت(اللى هما بقيت فلوس الولاده اللى حصرنى عليهم) قلتله لا بعديها بشويه بيقولى أمال انتى بتصرفى منين يعنى بيغنى ويرد على نفسه او بيناقض نفسه طيب ماانت عارف انها خلصت يبقى من الاول بتسال ليه خلصت ولا لا
والله يامصريه انا لما قريت كلام الردود هنا اهو بدأت ابقى قويه عن الاول واتجرأ وآخد وقفه مع نفسى لان بجد كده عمرى هيضيع مع واحد اساسا مش همه حاجه غير انه بيجمع فلوس ويبعت لابوه كل شهر وابوه يطلب منه بافترا وهو نفسه بيقولى كده بابا بياخد منى كذا وكذا لحد مازهقت وقلت خلاص اوفر انا لابوه علشان مايبقاش ضغط عليه شوفى لحد فين وبنسى كل اللى بيعمله
وياما قلتله الفلوس مش كل حاجه وكلمته بس والله مابيعتبر كلامى اى حاجه


معلش ياحبيبتى طولت عليكى
ياريت لو ممكن تبعتيلى ايميلك اكلمك عليه احسن بس مش عارفه ازاى انا بعتلك رسالة صداقه
ومش فاهمه النظام هنا ايه لانى عمرى ماطلبت صداقه من هنا شوفى بقى انتى اول صديقه ليا من هنا

__________________

واوووو جميلة قوى قوى ربنا يخليكى يارب ياحبيبتى تسلم ايديكى وعنيكى اه وعقلك كمان اللى بيفكر معايا

شكرآ ياقمر
والله احلى هديه اول مرة حد يبعتلى هديه كده فى منتدى

__________________