مرحبا اختي سيدة الموقف انتي من الاعضاء اللي تعجبني ردودهم ودايم كلامك كله حكمه وحتى ردك انتي ابكاني بنسبه لسؤالك انا مامعي الا ابتداي الله يغفر لبوي ويرحمه وموتا المسلمين لو خلاني اكمل مكان هدا حالي بس الحمدلله على كل حال وجزاك الله خير

حبيبتي الله هو خير معين وخير من يشتكى أليه سبحانه

الله يفرج همك عاجلاً غير آجل ويسخر لك زوجك

حاولي أنتي توقفينه عند حده مو شرط تدخلين أحد من أهلك بطريقة تعاملك معه بعد مايغلط عليك

__________________
أشتقت لكم جداً 💔

لا املك لكي سوا الدعاء
الله يفرج همك ويبعد عنك كل مكروه
ويحنن عليكي قلب زوجك
ويرزقك من حيث لا تدري
ويفرج عليكي كربك
امين يا رب العالمين

__________________

اختي احب زوجي الله يسعدك كيف اتعامل معه اليوم دق علي مكنت ابي ارد كلم ولدي قال اعطني امك ورديت وربي مايقول لي الا الله يعزك ويعز القري الا ياحمار مارديت عليه ابي اعرف كيف اتعامل معه وعلى فكره هو لما مااكلمه يسحبني ويطلعني من البيت حتى مره الساعه 2من الليل طردني واخد اعيالي وجلست عند الباب لين فتح لي وربي وانا برا كنت ادعي ربي واستغفر لين فتح لي وربي عقب كلامه حاسه انه بيطلقني قريب بس مدري وش اسوي ووين اروح تكفين قوللي كيف اتعامل معه عشان مايطلقني الله يسعدك وجزاك الله خير اختي حبيبي دوما امين الله يسمع منك جزاك الله خير

بإذن الله يرد كيده في نحره ..
هو ايش معاه شهادة وظيفته كويسة !!
والله ماراح يقدر يتحمل عيالك ولاشئ هذا رجل منتهي
يعني انتي نار زوجك ولاّ اخوانك!!
ياختي قوي قلبك واذا أصبحتي اقري المعوذات عليه وحتى لما تمسي وفصلاتك ادعي الله انه يحميك منه ..
الله يهون عليك. *

__________________

مرحبا اختي لمسة هو يدرس بلجامعه انتساب وموظف وظيفته مره زينه ويشتغل في اعمال حره اقرا المعودات دايم واستودع نفسي واعيالي الله جزاك الله خير

حبيبتي ... خليكي متساهلة معاه ... اللي مثله ممكن يتصرف بأي تصرف فلا تستفزيه وتجاهلي كلامه لانه ما يقصده

أشك انه فعلا طلقك من قبل .. بس يقول هالكلام حتى يخوفك .. اذا قال لك بطلقك .. قولي له في رب كريم .. انا متوكلة على الله واللي يطلع من نفسك وتشوفه يناسب عيالك سويه

لا تظهري له انه أهلك واخوانك مو متحملين أختك وانها تعاني عندهم ... بالعكس ظلي قولي له عن مواقف حلوة يسوونها لها حتى لو من تأليفك .. وقولي له انهم يحبونك ويحبوا أولادك ... قولي هذا الكلام في سياق حديثكم وكأنه سرد لأخبار أهلك ولا تقوليه وكأنك تتحديه فيهم أو وهو معصب ... لا ... اذا سأل عن أهلك تقولي له أخبارهم الحلوة .. وقصدي من هذا الكلام انه يحس انه لك سند ينحسب حسابه .
حاولي قدر الامكان تعملي لك دخل خاص فيك ... تطريز أو خياطة . أو طبخ أشياء تفرزيها وتبيعيها .

__________________

اهلين اختي Betaواللهاني ماابين له شي بس هو يشوف بعينه ويسمع وختي دايم افهم انها مبصوطه عند اهلي بس فيه اشياء احيان لما يكون عند اهلي يشوفها ويسمعها حتى والله اني محبه يروح لهلي بس ماابين له وفيه نسيت اقوله في موضوعي انا كنت مطلقه وعشت عند اهلي تقريبن سنتين وماانجبت من زوجي السابق انحرمت من الامومه سنين كويله بس الحين ولله الحمد عندي اطفال الله يخليهم لي ويصلحهم وجزاك الله خير ونبسبه للاعمال اللي دكرتيها اخاف منه لو يعرف وش يسوي

الله يعين ... رب كريم ما ينسى أحد

بالنسبة للأعمال قوليله بشكل عادي وثقة بنفسك

تعرفي ... ترى شعوره بضعفك وبقلة ثقتك بنفسك تزيد من المشكلة مثل استفزازك له بالضبط ..

حاولي يشعر بثقتك بنفسك .. تقدري تجيبي فلوس تخبيها للمستقبل .. ليش يمانع ؟؟

مجرد محاولتك بترفع أسهمك عنده وتخليه يفهم انك مو ضعيفة ... لكن أهم شي تقولي اقتراحك بكل ثقة وهدوء ويكون شعورك بداخلك بأنه طلبك أمر عادي وطبيعي ..

واذا رفض لا تلحي ولا تثيري غضبه .. خلاص .. المسج وصلت

__________________

Beta2اهلين اختي انا قبل كدا طلبت منه اجيب اشياء وابيعها وفهمته عشان مايغضب ان اربحها تكون للمستقبل بس ثار وغضب وقال انا رجال البيت وسكتت والله يااختي اني احاول ارضيه بكل الطرق ومااستفزه ابد هو على طول معصب واتجنب المشاكل الله يعين وجزاك الله كل خير حبيتي ماقصرتي الله يسعدك دنيا واخره