لاحول ولاقوة الا بالله ،، ماعتقد انها بحالتها الطبيعية ! انزين وماعليه كتبت البيت باسمها على بالها بتاخذه معاها للقبر؟! ياريتك تقول لها هالجملة جود ترجع لها العاطفة على اولادها المساكين ... الحمدلله الله عوضهم بك وربي يقويك على تربيتهم تربية صالحة ويرفعون راسك بمراكزهم بالمستقبل ان شاء الله ،،

اخي الكريم دام امهم ما تبغيهم اذن خلهم يتركونها فترة ولا يتواصلون معاها وبتشوف بعدين لما تحس بالاستغراب انهم خلاص ماعادوا مهتمين بمواصلتها هي اللي راح تسال ،، ممكن رده فعلها هاذي لانها عارفة ان مهما هي طردتهم انت راح تخليهم يواصلوها بالتالي ضامنه ظ

مو مستغربه لأني شفت الأفضع من زوجتك

هي كذا من بداية الزواج ولا تأثير أحد عليها؟؟

هل بيتك شريته قبل تطلب الطلاق أو كنت في مرحلة شراء بيت؟

وضع أهلها المادي كيف؟ وهل معروف عنهم إنهم من أصحاب المشاكل؟

أكيد في تفسيرات لتصرفها مانامت وصحت ولقت نفسها فجأه كذا

الله يكون بعونك ويخليك لأولادك

بالفعل طليقتي غير البشر قلبها قاسي قساوة غير طبيعيه وغير كذا رفعت علي قضيه في المحكمه تبي البيت وكلمت كذا محامي بس علشان تاخذ البيت طبعا كل افعالها لم تنفذ لان من خبث افعالها الي تفكر فيها افعال شيطانيه كيف الي مثلها عايش ومتربيه من اولادها وغير كذا اهلها مساعدينها على افعالها . فيه مره من المرات ارسلت رساله تبي اولادها المهم وديتهم لها على الساعه سبه باليل بعد ثلاث ساعات الساعه عشره رمت الاولاد بالشارع وكلمتني بنتي تقولي احنا امنا طردتنا وجيتهم وقسم بالله انهم مشتتين في الشارع وامها واهلها في البيت ... اي ام هذه

طليقتك تتصرف بطريقة انتقامية تنتقم منك،،ضاربة بمشاعر وتفسية أبنائها عرض الحائط
ماذا فعلت بها؟!
ولماذا ردة فعلها عنيفة!
يا أخي راجع نفسك قبل أن تحاسبها،فنحن نستنكر تصرفاتها ولكن لم نسمع منها وأنت لم توافينا بأي تفاصيل،
ربما تسرد ماترغبه،وتخفي ماتريد اخفاؤه!

ثم ما هو الهدف من طرحك!
تبحث عن حل ام تستدر عطف القراء وتريد منا أن نجمع بشنيع صنيع طليقتك!؟

انا لا اريد عطف القراء بما حدث لي ولكن مستغرب من بعض الامهات الي مثلها >> اين هم من حديث الرسول صلى الله عليه وسلم < الجنه تحت اقدام الأمهات > واذا مو ليس لهم اي مسئوليه لماذا يتزوجون ويرمون اولادهم

وش نوعية مشاكلك معها ؟!
والله العظيم لو اني مكانك لاعرس وادخل هالبيت اللي بيجلطها حرمه غيرها
خاصة ان عيالها ما يبونها
دور لك بنت كبيرة بالثلاثين عاقلة وفاهمه ترعاك وعيالك وانساها اعتبرها ماتت والله ان تركض وراك
اول مرة بحياتي اشجع على الزواج لان زوجتك ما تستاهل من يحنها او يرحمها ويكفي عيالها ما يبونها
زوجتك ينفع فيها المثل اللي يقول" طق النسا بالنسا ولا تطقهن بالعصا"
الله لا يعيدها من حرمه

والله ياخوي باسم انا بعد مستغربة من جذي اقول انسانة مو طبيعية !! فعلا الفلوس تعمي النفوس ..
نااس تدور الاجر بالايتاام ونااس ترمي اطفالها في سبيل شنو ؟! سبيل شي زااائل هني المشكلة ،، الله يهديها ويصلحها قبل مايفوت الفوت ،،،

والله العظيم اني ماقلت قصتي فقط اريد حلا سويت جيع الحلول والمستحيلات لكي اجمع امهم مع الاولاد لكون دون فائده في رمضان في اواخر العشر كنت برسلهم لها ورفضت وفي اول يوم العيد وايضا رفضت ... كيف الحل مع هذه الام .. انا لا احب قطيعه الرحم لكن كيف بأم ترمي اولادها بهذه السهوله عندي للرجال المتزوجين ... هل دخلت مع زوجتك في غرفه الوالده وهي تضع مولودها .. نعم انا كنت بجمب زوجتي في كل ولاده ادخل معاها غرفه الولاده وبالاخير هذا هو جزاء الاحسان

أدب ولدك إن كان تبغيه يشفيك لو زعلت أمه لا تخليه يالاك
إما سمج واستمسجك عند شانيك ويغيض من فعله صديقك وشرواك
وإلا بعد جهله ترى أنه بياذيك واستسعفه من بعد مرباه يالاك

تزوج لعل الله يرزقك زوجة صالحة

إذا إهي مالها قلب وقاسية وضاربة بمشاعر أبنائها الحائط

أنت لاتكون شريكها ولاتعبث بنفسيتهم !

توديهم لها وإنت عارف إنها بتطردهم ؟

مفكر كل هذا مايأثر على نفسيتهم يكفيهم إنها تخلت عنهم ،

أعرف إنك تكره قطع الأرحام وترغب بتحنين قلبها على أولادها لكن وصلك جوابها ألف مرة المرا

ماتبيهم خلاص خل التواصل بالتلفون من الأبناء مباشرة مع والدتهم "لله" يسألون عنها بين فترة والثانية وبس

أما إنت تزوج وعيش حياتك والله بيرزقك باللي تكون أحن من أمهم عليهم إن شاءالله

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين