فعلاً عين العقل .. و المرأة ما تبحث خارج البيت إلا إذا كان في شي ناقص داخل البيت.. يقولون الرجل كالطفل .. بس أنا أشوف العكس ..بكلمتين حلوين تسلب قلبها و عقلها .. و للأسف أغلب الرجال عندنا عندهم هالمفهوم الخاطىء إن المرأة بعد الزواج تصبح ملكه (يمتلكها ) يعني مافي داعي يستميلها بكلمات الحب و غيره.. بس المرأة تظل محتاجة للحب والحنان حتى لو صكت ال 60 سنة .. المرأة تعيش بقلبها قبل ما تعيش بعقلها .. راجع حساباتك أخوي .. اغمرها بحنانك ..

و نرجع نقولك لا تظلمها يمكن أخوها .. أو يمكن صديقتها بس أنت فهمت غلط ..

مانبرر الخيانه بالتقصير

اولاً اشكركم على كل ردودكم التي سوف اخذها بعين الأعتبار
بالنسبة للتأكد انا متأكد 100% انه رجل غريب تعرفت عليه عن طريق اخته وقبل وقت اعتقد عدة شهور وماسنجر بس
وللأسف كل اسرار حياتنا برى البيت وبخصوص ان المرة تحتاج للحب فانا قلتلكم كنت اشوف نفس اسعد زوج في الدنيا
وهي ذحين عند اهلها وواجهتها وقامت تحلفلي انه كلام فاضي وانها بس تتسلا

شوف اخوي ترا ممكن هذا شي جديد عليها اقصد الانترنت والمسنجر ف حبت تجرب!!! 17 سنه عشرة عمر ما اظن ان شاء الله ان قصدها تخونك احسن النية عشان بيتك واطفالك.. والله يوفقكم

الله يجزاكم بالخير ويحفظكم من كل شر

وكمان اسراركم برا البيت اذا ماعندكم اولاد استخر اولا وبعدين الحريم واجد

وسبق وتكلمنا في مواضيع سابقه مافيه اي مبرر للخيانه ومافيه فرق كم صار لهم يوم او شهر

اوسنه او سنين ايش تفرق معكم انتم يلي تسالون كم صار لهم ليش بيصير لكم رد ثاني بتغير وجهة نظركم

او اجابتكم اقول الله يكون بعونك اخوي بس اتمنى انك تاكد ومادام انها قالت اتسلى خلها تسلى عند اهلها

واعيد واقول استخر ثم استخر في ارجاعها وابقول لك كلمه اخيره اذا قررت ارجاعها ومقتنع قناعه تامه فابعد

الشكوك عنك حتى لاتعيشوا في جحيم والا خلكم بعيدين والانفصال ارحم بكثير من حياة الشك واوكل امرك

الى الله وهو حسبك واصلح الله حالكم وابعد عنكم شياطين الانس والجن ...........

أخوي ( السنافي 1 ) ما هكذا تحل الأمور ... الله يهديك ... كلنا معرضون للخطأ
رجالا و نساء ولو كان حل كل مشكلة ان تترك المرأة في بيت أهلها لكان نصف
النساء في بيت أهلهن ..
أخي الكريم ( طيب مره ) ما دمت واجهتها ..و أبدت ندما فهذا ان شاء الله دليل صلاحها
و ما عليك الا اعادتها الى بيتها مع الحزم بعدم تكرار ذلك و كذلك اغرقها بالحب حتى لا تبحث
عنه خارجا
أصلح الله حالكم

__________________

الله يجزاكم بالخير الف مرة استخرت الله كثير والله يكتب الي فيه الخبر
والمشكلة في الأولاد عندنا 3 ولدين وبنت
يعني مافكرت فيهم
وانا اشوف حتى لوفيه اي سبب الوحدة ماتخون زوجها حتى لو كلام

كل انسان يغلط
مو معناها انها انسانه سيئه وماتصلح زوجة ولازم تطلقها

دائما لما الرجال يغلط نطلب من الزوجه تصبر وتسامح عشان تحافظ على اسرتها

انت فقط حسسها بالذنب وانها ممكن تخسرك بهذا التصرف
عشان تخاف وما تكررها
وما انصحك تروح تفضحها عند اهلها لان هالشي راح يكبر المشكله
ويكبر الزعل بينكم وبتحسسها بالاهانه

ياليت تتصرف بعقلانيه وحكمه وتحل المشكله بدون ماتخليها تطلع من البيت

الله يغفر لعباده فكيف احنا البشر نرفض نسامح وننسى

الله يصلح حالها ويهديها يارب وماترجع تكرر هذا الشي

بالتوفيق

وطمنا بس تنتهي مشكلتكم على خير

لا حول ولاقوة الا بالله .. الله يصلح احوال الامة ويهدي زوجتك يارب ..اخوي فعلا اذا زوجتك ماكانت تقصد شي وانت تعرف انه طول هالسنيين اخلاقها زينه .. فسامحها ولكن خلها هي تحاول ترد ثقتك اللي خسرتها ..

الله يصلح الامور يارب وطمنا عليك ..

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...