ياخي كل واحد لازم نعطيه فرصة في الحياة
خليها تتدخل انترنت يمكن تبي مواضيع لمدرستها
وهددها باالفاتورة انها ماتزيد عند حد معين والا تفصلوا
وشوف
اذا كانت عاقلة او طائشة
تحياتي

__________________
لافرق بين عربي ولا اعجمي الا بالتقوى

الاخ سعودي 2000
تصرفاتك بالنسبه لزوجتك فيها نوع من الانانيه والسيطره ويمكن عدم الثقه وانا اقول لك واضح انها من النوع العنيد وتحب تجرب كل شي بنفسها وخاصه انها تشتغل يعني لها مجتمعها الخاص ،، وبصراحه ماادري كم عمرها عشان احكم على طريقه تفكيرها بس عموما كونك انك منعتها من النت في البيت فانت ماتضمن انها ماراح تدخل في المدرسه او في مكان ثاني هذا اول شي !! لان اللي يبي يسوي شي راح يسويه ومافي شي يمنعه !! اهم شي في الزواج الثقه ! فلا تبين لها شكك اللي ماله اساس من الصحه ! لانه راح يسب لكم مشاكل ! وراح تتعبون نفسيا !
"ان بعض الظن اثم "

ثاني شي ودي افسر لك ليش قلت لك ان تصرفاتك فيها انانيه
لانك زي ماقلت كنت مدمن انترنت !! وبنفس الوقت تقول انك ماتقصر معاها وتجلس وتتكلمون بالله متى؟؟ كم ساعه باقيه من اليوم اذا انت تداوم وبالبيت يا نايم او على النت ؟ مااظن الوقت يكفي !! لكن الحمدلله انك تغيرت وصرت اخف من اول !! "فهي ماظلمتك لما قالت لك انك ماتعطيهم الوقت الكافي "

عموما اظن انك و لليوم هذا وانت متعلق بالنت ومنت قادر تستغني عنه ! فليه تلومها اذا هي تبي تستخدمه؟؟ يجوز زوجتك صار لها نفس الانبهار اللي صار لك اول ما دخلت النت !!وماهي عارفه اشياء كثيره عنه !! وبعدين تستكثر الفاتوره اذا جت وهي تستخدم النت وماكنت تستكثرها على نفسك لما كنت تجلس 6 ساعات والفاتوره كانت اغلى؟ ومدام رضيت تشتري لها جهاز خاص فيها فشي اكيد انها تبي تجرب النت من جهازها لانها تبي تاخذ راحتها ! اعتقد كذا ! ويمكن نوع من العناد ! عموما

لاتزعل من صراحتي ،،
الحل براي انك تجلس معاها مره ثانيه ! وتحاولون توصلون لحل يرضي الطرفين! اولا تحذرها من ادمان النت ومن مواقع التشات ! وتوضح لها كل شي وتعطيها الثقه ! وتحدد لها ساعات معينه للاستخدام في حدود مصروفكم ! وبنفس الوقت تشاركها باهتماماتها ! وتساعدها في البحث مثلا!! يعني تكون قريب منها وهي برضو قريبه منك!

خخخخ كل واحد يراقب الثاني بطريقه غير مباشره

الله يوفقكم واعذرني على صراحتي

__________________

لاإاله الا أنت سبحانك إني كنت من الظالمين

لا ضرر ولا ضرار لا تكن لينا فتعصر ولا صلبا فاكسر اليوم الوقت تغير عن السابق اعطها حقها بقدر المستطاع وهي كبيرة ومدرسة وفاهمة ثق فيها

__________________
وكل مرادي أن أرى العرب وحدة *** يحف ذراها الشعب وهو سعيد

انا ارى انه لو لها وجهة نظر اسمعها ............وشوف
ولو بس كذا بدون مبرر مقنع ،لا.
.ولا ارى لوجود خطي انترنت في بيت واحد ولزوجين ادنى مبرر ...

ان كانت جديدة على هذا العالم فلا تدعها تخوضه لوحدها فقد تغرق فكأنه البحر فيه الدرر وفيه ماليس من ملاقاته نجاة الا أن يشاء الله ....
حديثي لزوجتك ........

انا زوجة مثلك ،ووالله اني اجد متعه وانا اشارك زوجي تصفح الانترنت ونتناقش في بعض مايعرض على صفحاته لا اجدها وانا اتصفحه اوحدي
أحس بالملل، وإن قضيت عليه وقتي فبمجرد ما يجلس عليه زوجي أبدأ في طرح ما قراته عليه ومناقشته فيه وإن كان هناك مرئيات أريته أو أخبار أخبرته . لأني لا اجد متعه في أن احفظها لأنفسي .
هداك الله ولو لم يكن في هذا الا طاعة لزوجك فكفى ...
ودمت

اسعد اللَّه مسائكم....
اخي سعودي 2000
الحياة الزوجيه مشاركه بين اثنين...
وسؤالي لك هل كنت تطلب مشاركتها لك وانت على النت؟!!!
ام انك كنت لا تهتم بمشاركتها وتفاعلها معك !!

وان صدق احساسي..فهذا رد فعل انتقامي من زوجتك...وتريد ان تتطلع على عالم الانترنت
وعن بعد ..وبدونك...

الحل يا اخي هو ان تشاركها هذا العالم ...وان تعطيها مساحه للحوار حوله...وان تناقشها
وتناديها اذا شدك موضوع معين لتقرأه معك..

واخيراً ..
ثق بزوجتك....وثقافتها...وعقلها...وستكون طوع امرك...
وفقكم اللَّه لما يحبه ويرضاه.

السلام عليكم

انا ما احس انها مشكله عويصه هي شرت جهاز وخلصت وتبي تجرب النت واكيد هي مو فاهمه فيه كثير

عطها الفرصه تدخل النت وتجرب ومن جهازها ومن نفس الخط لانه مو معقوله 2 تدخلون النت في نفس الوقت وهي عموما بما انه عندكم عيال فلها وقت معين تدخل فيه مهما ادمنت وراها مسوليات تقومها منه

فدخلت من جهازك او من جهازها ما تفرق ..اذا انتى تشك فيها وهذى شي طبيعي بسب اصرارها ما اتوقع انها تعرف تمسح الهستري
ولو تعلمت من صديقاتها بتم وقت الين تتمكن منه انتى هنا تابعها من دون ما تجرحها ولا تخونها عطها الثقه وعذرا للي مو عاجبه كلامي لكن المتابعه والمراقبه عن بعد لاهل البيت بدايه من الام الى الخادم هذا حق من حقوق الزوج يمارسه على اهل بيته حفاضا عليه


ولك الحق تشترط وحاول توصل شروطك بلين واذا الوضع مو عاجبك تقدر تسحب الصلاحيه الي عطيتها لها واهم شي وجهة في استخدام النت المنتدايات الحلوه واكيد انتى تعرف اهتماماتها دلها ...وشجعها اطلب منها انها تدخل لك منتدى معين وتجمع لك اشياء في مجلد انتى تبيها صدقني اذا انتى حرصت انها تاخذ منك معلومات النت ما دورت من معلومه من غيرك انتى اغنها عن سوال غيرك وبترتاح
...انا بقولك شروط زوجي ..

1\ ما ادخل النت وهو عندي ولاهو نايم

2\ما ادخل مواقع اباحيه ..ولا دردشه ..

3\ولما قلت له عن مسح الهستري حلفني اني ما امسحه ابدا

4\ان ما افتح اميل جديد من وراه ..واني ما اخفي عنه الرقم السري ولا اسمي المستعار في المنتديات
بس طلبته طلب في هذا المنتدى بالذات ما اقوله عن اسمي المستعار او اني ما اشترك فيه لانه هو الي دالني عليه وقالي دخلي وشاركي واقري

5\ما فيه شي اسمه انا عندي خصوصيه بينك وبينها هذا حقك يمكن تتضايق صحيح و تزعل بس هذا هو الصح والمشي في النور والمحافظه على ترابطكم





وفعلا سويت له كل الي يبي والله يشهد وفي بعض الاحيان القاة دايم يرد على مشاركاتي ويفرح فيها دايم ويشجعني وفي هذا المنتدى هو محترم خصوصيتي ودايم يخمن انا مين وما صادني الى الان والله يستر

بس تدري انا اتمنى يكون لي جهاز لي خاص فيني لان فيه مواضيع خاصه اقراها وودي احفضها عندي في مجلد بس استحي يشوفها فتلقاني ارسلها على بريدي بس اقول اي رساله من منتدى ما يقراها افتحها عنده اخليه يشوف بس العنوان وهو يفهم وهذا بس اول الايام وبعدين عادي من يشوف ما يفتح

وفيه نقطه يمكن زوجتك تحب تكشخ انا عندي جهاز خاص وخط خاص ووووولا اكثر ولا اقل

تنويه
ارجو ان محد من النساء تزعل من كلامي الي مو عاجبها اقولها تخيلي ان بنتك تطلب نفس الطلب منك ابي نت وابي جهاز وابي خصوصيه ....بترضين ؟؟؟؟
يمكن انا واقعيه جدا بس هذي هي الحقيقه ومامنها زعل

__________________
يحسبني يوم سلم ما سمعتة سامعة بس اتغلى علية
قلت أبثقل بس ثقلي ماأستطعتة وابتسمت وجيت لمعانق يدية
مادرى اني بكل عمري مشترية والصراحة يوم سلم ما سمعتة
كنت افكر كيف انا اسلم علية

__________________

__________________

أسأل الله العظيم..رب العرش العظيم..الذي جمعنا في دنيا فانية..

ان يجمعنا ثانية..في جنة قطوفها دانية

جزاكم الله خيرا أخواتي أخواني بإن شاركتموني في هذه المشكلة ووضعتم الحلول وسوف ابحث جميع الردود ونجد حل وسط بإذن الله والصراحة البارحة لما خليتها تقراء الردود صارح نقاش بيني وبينه وصل للزعل منها لأنها ترى أنه فعلا من حقها أني ما أمنعها عن الانترنت ابد لكن بعد من حقي أني ماأترك لها الحرية الكامله بتصفح الانترنت ابدا مهما كان ومثل مايقولون الشيطان حريص ومهب والله عدم ثقة انا اثق منها ثقة عميا كمايقولون لكن الصراحة ماودي تكون الانترنت يوم من الايام سبب في هدم بيتي وإهمال لعيالي هي ماشاء الله عليها الصراحة لم اجد منها تقصير سواء لأولادي أو لبيتي جزاه الله خير لكن ماودي الشي هذا يكون سبب في بداية لانهاية من المشاكل والله يكون بعون الجميع


اشكركم جميعا على تفاعلكم مع الموضوع

__________________

تدري الغلطه الي سويتها انك خليتها تشوف الردود

لانها في خاطرها انتى ما احترمت رايها واخذت براي ناس ما تعرفهم وفيه ناس تطالب بالمثاليه لغيرها وهي ما تسويها فشي بديهي انها تزعل هي زوجتك فاحرص انه ما يكون فيه خلاف على شي احتمال ما يصلح لها 5 اولاد مو سهله صدقني ما راح تندفع (سددو وقاربو ) وهذا طبيعي حتى لو كان رايك من الاول نفسه ما تغير ما راح تقتنع وبتكابر لكن من تجربتي

تعبت الين وافق لي استخدام النت ...فلا تخاف ابشرك زوجتك راح تصمد في محاوله الوصول لهدفها فخلها منك احسن لا تخسر الحوله

__________________
يحسبني يوم سلم ما سمعتة سامعة بس اتغلى علية
قلت أبثقل بس ثقلي ماأستطعتة وابتسمت وجيت لمعانق يدية
مادرى اني بكل عمري مشترية والصراحة يوم سلم ما سمعتة
كنت افكر كيف انا اسلم علية