بسم الله الرحمن الرحيم السلام عليكم ورحمة الله وبركاته اليوم كان عندنا بالبيت انجاز عظيم وهو قدوم الوالد والوالده ( الله يطول باعمارهم )) على الفطور ,,, وكنت متشقق من الفرحه لانه الوضع كان هادي ,, وفطرنا وسوالف بين الوالده والمدام بكل هدووء ,,, ندخل بالموضوع ,,, الوالده الله يهداها قبل لتطلع من عندنا (( لانها يحليلها ما تحب تصلي غير بحجرتها ساروا قبل صلاة العشاء)) حذفت قنبله على المدام قررت حلوة لبن أنه يوم الاثنين يكون الفطور على حرمي المصون ,, وفي بيت الوالد ,, طلبت من زوجتي تي من وقت عشان تعدل الفطور ,,, وطبعاً من غير أي مساعده ,, ما عدا بشكاره وحده وهي اللي عارفه أغراض المطبخ ولا مالها علاقه لا بتقطيع ولا بطبخ ,, كله على المدام ,,,, طبعاً الوالده لاحظت تغيير ملامح زوجتي واستنكارها لهذا الطلب الشنيع ,,, لكن الوالده ما قصرت قالت لها احن بكملين اسبوعين برمضان وكل حريم عيالي طبخوا لنا برمضان ,, وقالوا لها باجي دور على حرمة ولدج خالد :21 (( الله يهداهم فتانات )) ,,, دخلت بالموضوع بالعرض قبل ليقلب هواشه من بينهم ,, وضربت صدر لوالده وقلت لها تم فالج طيب ,, ولكن بشرط أكون انا وياها ((( فلسفتي بتضيعني )) وافقت الوالده المسكينه وقالت اترياكم يوم الاثنين ,,,, تصدقون عاد أصلي تراويح وأنا أفكر شو بنطبخ ,, ولا بعد حضرتي قلت لوالده فالج طيب ترا بعد لو تبين بنسويلج الحلا وبيني وبين نفسي أقول يتحمدون ربهم لو حصلوا شيء ياكلونه على الفطور عقب ما رديت من صلاه سألت المدام وكلي ثقه ,, ها شو رايج شو بنسويلهم حزتها ياتني قنبله ثانيه (( منو قايلك تجاوب عني ,, تحمل واطبخ انت )) ولكنها طلعت كريمه قالت اذا بسوي لهم شيء بسويلهم سلطة فواكه (( انجاز بصراحه )) تخيلت الوالد والوالده وأخواني وحريمهم يأكلون سلطة فواكه فقط لحين ابغي مساعدتكم بذات خواتنا طباخات ساعه كم المفروض ندش المطبخ أنا حاط بالي عقب صلاة العصر نتوجه لمطبخ الوالده ؟؟؟ عاد احن عندنا ما يملي عينهم غير طاولة الاكل تكون مليانه (( والله مساكين )) ترى لا احد يقول اعتذر ,, لاني اكتشفت من أخوي أنهم من أول رمضان وهم يفطرون بيت الوالد يتيمعون وهم حريمهم ,, وكل يوم على وحده الفطور ,,, وكنت انا وزوجتي مب في الحسبه شكلنا ولاحد ياب طارينا وعبرنا |
مُساعدتك للآخرين وإن نسوا ؛ خيرٌ لا ينساهُ .. الله ♥ !
هههههههههههه
معليش ابوخليفه اسلوبك موتني ضضضحك ياخي من جد ورطه, بس تدري ... الخدامه اللي بتدخل معاكم هي اللي دربوها على الطبخ من اليوووم , وخلوها تطبخ وانت وزوجتك تقطعون سلطة فاكهه ورطه الا قصدك هم ورطوا عمرهم يوم بيعتمدون علينا سؤال: ألحين اللي عليكم كل الفطور أو الطبق الرئيسي فقط؟ الوالده جي واقفه بنص صاله وتأشر لزوجتي ترى الفطور عليكم من الالف للياء ((شغل حموات باين عدل )) وبعدين شف العضو (المتفائل بالله) مسوي مجبوس خله يعلمك الطريقه |
ههههههه أبو خليفة.... مين داعي عليك هذا رمضان.... مصيبة وطاحت على راسك..... المشكله انه الوالده واثقه كل ثقه وهي تطلب ,, أنا قايل من قبل في أحد يدعي علي وكل دعوه أخس عن ثانيه:( أنا رأيي تشتري كيس كبير وتهرب فيه طباخ أو طباخين ذو حجم صغير وسهل حملهم ينقذوك من المشكل الذي انت فيها..... وإذا دخلت المطبخ أغلق الباب جيدا وضع خارجه لافته ممنوع الدخول منطقة عسكرية.... من كل عقلك أنت تفكر أنك تطبخ انت ولجين للعائلة الكريمة كلها.... ولوحدكم...... احد قايلهم يطلبون هالشيء ,,, هي من لحين تتوعد وتهدد أنها لن تدخل ولن تحضر العزيمه بكبرها صعب هاذي.... تذكر أخر مره طبخت فيها انت ولجين.... هو كان طبق سلطة فواكه.... وأكلته من الأرض أرى أخي أبو خليفة تكتب ورقة إعتذار للوالدة الكريمة مع تبرير كامل وصريح أحسن... بان لجين ما عمرها طبخت... وتاخذ لك كلمتين من الوالدة أحسن من أنك تتبهدل أما كل العائلة.... يعني إختر أقل الأضرار..... صدقني لجين مستحيل تتحمل مسؤولية مثل هذه.... وستجد نفسك أمام النار لوحدك.... ما طب بيت الوالد اذا ما سارت وياي وخلهم يدورلي بمسك خط دبي واللي يقولون لك تعلم وحمل من الأنترنت... أقول هذه عزيمة للعائلة كل.... وليست وجبت سوندويتش.... شوفلك طريقة تهرب الأكل أو تجيب معك طباخك الخاص.... أي حل أخر لايمكن ولا تفكر فيه ويعتبر محاولة فاشلة.... ولا تنتظر لجين هي من الأن زعلانه وستكون مشاهدة يوم الطبخ.... ننتظر أحر من الجمر يوم العزيمة.... |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|