لو كنت مكانك لابتعدت عن هذا الطريق، دائماً يجب أن نسلك الطرق المناسبة ونأتي البيوت من أبوابها لتستقر نفوسنا ونكون متوازنين بحياتنا، ويزداد الأمر أهمية حينما يكون قرار مثل قرار الزواج الذي هو من أغلظ المواثيق، فانتبه جزاك الله خير وهداك.

__________________
ياصبحِ لاتِقبل !!
عط الليل من وقتك..

طيب يمكن ماتعجبك بشكلها...!

لاتتسرع بعواطفك وتصر الا وتخطبها وماتبي الا هي
يمكن صح مايعجبك شكلها

اول شي هالاخبار اللي تسر بالخاطر وتفرح
والشي الثاني توكل على الله وسير دق باب بيتها وقولهم الناس بالسمعه بارك الله فيكم ومايبالها كلام .. ومرة قهوتك مشرووبه حرام ماتطلع من بيتهم الا وانت خاطبها
ومااتوقع راح يقولون كيف عرفتها
لان الناس تشتري الرجاجيل وماتبيعها وترخص فيها وخطوتك يوم دقيت الباب اكبر دليل انك رجال من ظهر رجال .. بارك الله فيك ..
بالعكس بيحشمونك وبيرزونك وبيحسبولك حساب ولا بيكثرون الاساله ... واذا سالوا خل شوابك
يرمسون ويتكلمون عنك
خل الشواب تتفاهم
لاتتكلم انت اترك الشواب بيتفاهمون اكثر عن الشباب .. وباجر بتدعيلي وبتقول قالت ..

وموب مهم اذا جفتها او لا وحتى لو جفتها واقتعت فيها موب عيب ولاغلط ..
المهم انها مسكت ايدك للنهايه وكات صادقه معاك
والله يوفجكم ان شالله



همسه .. تحمل تخلي اختك تتعرف عليها تراه هاي بدايه الغلط لاادخل خواتك ولاقريباتك بموضوع البنت
لاتنسى هذا زواج باجر بتقول انا توسط الواحد مايامن نفسه عشان يامن غيره
قولهم الناس بالسمعه وجماعه معاي بالدوام يمدحون فيكم .. بس الخوف كيف بتعرف هي البنت ياخوفي يخطبون لاختها ممم انت حلها وبتنحل ان شالله
وفي حل بس موب مقنع البنت عاجبتني وجفتها ولحقت لين باب بيتها وقلت الا ابا اخطبها تراها تصير عندنا بعذر ويقتنعون الاهل عندنا حتى لو من داخلهم مايصدقون بس يمشونها

أخوي..هذا شي رائع أنكم تكللون علاقتكم بزواج ..وتنقلوها إلى أطار الحلال..

الطريقه هي:
¤~أن أختك تتعرف عليها على أساس أنها تعرفت عليها بمنتدى نسائي..وخلي أختك تتكلم عنها عند أمك كثيييييير وعن أهلها..
تقول أنا تعرفت على وحده بالنت وتتكلم عن البنت كثير وحياتها..
وأذا على العمر عادي..حنا نتعرف على بنات بالنت يكونو أكبر مننا..

¤~أذا فيه مناسبة زواج عند البنت الي تود خطبتها) مثلا زواج أخوها أختها,,, حتى لو من قرايبها خليها تعزم أختك..
وأختك بدورها تقول للوالده عاد أنت هنا دق الصدر وقول أنا بوديكم..وبكذا تتعرف الوالده على أهل البنت حتى أهل البنت يعرفونكم...

وأذا رجعتو من الزواج خلي أختك تمدحها قدامك وقدام أمك وتقول وش رايك أخطبها لك..والباقي عليك...

ما شاء الله تبارك الرحمن
الله يوفقكم يارب ويسعدكم


هناك الكثير من العقبات التي ستواجهك بالنقد على هذا الأمر
صدقني هم أنفسهم لم يكونو سعداء مع زوجاتهم ربما

أخي توكل على الله وما أجمل هذا الحب السامي النقي
كما قال عليه الصلاة والسلام
.. لا ارى للمتحابين الا النكاح ..


الطريقة :

قول ان اختك تعرفت عليها بمكان تجمع مستشفى مثلا مدرسة كلية تقابلتو او او الطرق كثييير
وربي بيسهلكم الطرق لأنكم اخترتم الطريق الصح
وفقك الله واسعدكم وييسر اموركم .

والله بصراحه انا ضد ان يدخل اخته بالموضوع
لنظرة بعيدة
ممكن اخته تنظر نظرة ليست جيدة عن البنت مستقبلاً وان جاملت اخوها وساعدته الان
وممكن حتى تتكلم بيوم من الايام عنها بسوء
وهذا كله مو في صالح البنت ابداً
انا رأيي ان تذك ان احد من زملائك خطبها امه شافتها بعرس وابوها ماوافق لسبب عمله ودلك عليها واذا هم قلهم اهل الخير دلونا عليكم او
عدك خيار اخر نوكلمت امم مسجدكم وصار يعرف احد من اقاربهم ودلك عليهم
اهم شيء ارجوك اخوي لاتدخل احد من عائلتك لها ابداً
حفاظاً على سمعة البنت عند اهلك هي بنت صالحه باين من كلامك لكن الطريقة هذه مو كل الناس تفضلها او تعجبها ونت بنظري مااخترت عن طريق غلط لا ابداً بالعكس الطريقة انا اشوفها صحيحه اذا التزمتوا حدود الشرع
وسلامتك
خبرنا عن جديدك *

اتفق معاها 100% كلامها للمستقبل مهم وايد

بارك الله فيكم اخواني على الردود

صراحه يا اخوان انا فكرت قبلكم بموضوع الأخت

لكن خفت من المستقبل

ما أبي يجي يوم احد من اهلي يسيء لها ابدا

وكلنا نعرف أن الطريقه كامله خطأ في خطأ

لذلك أنا ابيها تكون بالحلال وليس بالخطأ


ولا ابي احد من اهلي يعلم بذلك ابدا


صراحه يا اخوان


والد البنت متوفي الله يرحمه


فبعد تفكير مستمر

حصلت فكرهـ هي حلوه وشينه


هي أني اقوم بصدمها اما باب بيتهم ولكن مو صدمه بمعنى كلمة صدمه .!

لا ولكن فقط اوقف امامها وهي بتسوي نفسها تطيح وتكمل السالفه ..!!

وبعد ذلك اعتذر من اخوانها ..!!

وبعد فترهـ اتقدم لاخطبها

وإن سئلت من اين تعرفها

سوف اقول سئلت عنكم ولقيت أنكم ناس اجاويد ومن هالكلام ..!!

فما رأيكم ..!!

ههههههههههههههههههههههههههههه

ناوي تسوي فلم هندي ,,,
لا طبعا الطريقة جدا غلط
افرض اخوانها اتضايقو منك واتضاربو معاك وصارت مشكله
بعد كذا تحلم تتزوجها !!
يمكن أحد فيهم يشك انكم تعرفو بعض ؟؟؟
لانهم من منطقه ثانيه وانت رايح تصدم البنت وترجع ؟!
شيل الفكره من راسك نهائيـاااااا ..

أفضل الحلول انك تقول انها عن طريق أهل واحد من اصدقائك

قلتله ابغا اتزوج وسأل أهله ودلوك على هذول الناس
وسوي نفسك ماتعرف عنهم اي شي خلي الوالدهـ تدق وتسأل !!


او ممكن تكلم خطابة تعطيها فلوس وتتفق معاها تتعرف على البنت ..

وبعدين إنت تروح لأمك تقولها انا عندي صديقي امه تعرف وحده بنت وانا بعطيك رقم أمه وانتي اتفاهمي معاها وخذي التفاصيل ,,,

والخطابه تسوي نفسها ام صديقك وتكلم الوالدهـ وتوصفلها البنت وتعطيها كل التفاصيل ,,,

طبعا الخطابه تكون من نفس منطقة البنت
وان صديقك هذا اهله في ذيك المنطقة وهو مسكين متوظف في منطقتكم بعيد عن اهله



هذا صح فلم بس ارحم من اللي بتسويه ههههههههههههههههههههههه

واكيد فكرة الخطابه بتكون احسن من انك تدخل وحده من اخواتك خليها من بعيد لبعيد وبعد ماتسوي اللي عليها ولا عاد تعرفكم ولا تعرفونها


وممكن تدور الفكره براسك وتعدلها وتضيف عليها شي بس حبيت أفيدك ...

ويارب يتمملك على خير ويجمعكم في الحلال عاجلا غير اجل ..