يعطيكم الف عافيه على ردودكم وعلى اذان فجر ربي يسعدكم ويتتم فرحتكم ويرزقكم من حيث لاتحتسبون الله يتقبل ان شاء الله.

اختي بحرينيه ولكن ياريت لو تطرشين لي صيغه الرساله مع اني ابي اوااجهه لان استخدمت اسلوب الرساله من قبل لكن علي استفيد منها وان شا ءالله بفاتحه بالموضوع وارد عليكم بس ابي تساعدوني ايش اقوله او كيف ابدا لاني بجيب الفاتوره وبجيب التلفون واواجهه عشان مايكون فيها لف ولادوران اعينـــــــــــــــــــــــــوني

نص الرسالة كالآتي:

حياتي..
يا أغلى انسان في الوجود..
ياحبي الأول والأخير..
يا أبو ولدي..
إنت حبي وروحي وحياتي والهوا اللي أتنفسه..
لو قلت أحبك.. مقصرة في حقك..
لو أقول أعزك.. ماتكفي..
لو أقول أعشقك.. شوي في حقك..
إنت باختصار دنيتي كلها..

حبيبي..
إذا شفت علي شي.. قول..
إذا أنا قصرت في حقك.. صارحني..
إذا حاط بخاطرك علي.. فضفض..
وأنا أوعدك..
أوعدك..
إذا غلطانة أعتذر لك وأبوس رجولك..
و ما أكرر غلطتي مرة ثانية..

لكن..
إنك من وراي تروح تكلم بنات..
هذا الشي أنا ما أتقبله..
ولا أي زوجة ترضى به..
أنا ساكتة عنك ومستحملة الهم اللي بقلبي.. وكل يوم أقول..
بيصحى من غفلته..
وبيشوف غلطته..
وبيندم..

لكني.. أشوفك كل يوم تتمادى..
وعدتني من قبل تترك هالشي..
ورجعت له..
أشلون تبي تكون بيني وبينك الثقة؟؟
أشلون تبي حياتنا تستمر ونعيش مع بعض للأبد
وإنت ماتخلص لي..
ولا تفكر في مشاعري..

حياتي..
أحبك وأموت فيك..
وماودي اخسرك وأخرب بيتي بسبب حركات المراهقة..
أرجوك..
إذا خايف بيتنا ينهدم..
أترك سوالفك..
وأستغفر ربك..
وحافظ على بيتك وزوجتك وأبنك..



مرة أخيرة أقول...
مــــــــا ودي أخسرك..


.....................
(ياريت تحطين صورة من الفاتورة مع الرسالة..عشان مايطلع أعذار ويتهرب..
وسامحيني إذا الكلام مب مناسب.)

يسلمووو حيااااااتي الرساله حلوه ومعبره..والاحلى انها بالعاميه طبعا لازم ازيد عليها بهارات وملح ومثل ماقلتي بحط صوره من الفاتوره وكرت التلفون عشان ينصدم بس انا ابيه يتصل على الارقام اللي موجوده بالكرت قدامي عشان مافي مجال يمسح شي او ينكر والا ايش رايج ؟ او اواجهه وجها لوجه عشان مافي مجال للتبرير والف والدوران مايدل على ضعفي وخوفي هو اللي غلطان والبراهين قدااامه

وينك اخواااااااااااااااااني وخواااااااااااااااااااااااتي لهدرجه انا مااهمكم ولا احد رد علي ابي بس تردون علي وتعطوني رايكم:

اكتب له رساله مثل ماقلت الاخت بحرينيه ولكن واحط نسخه من الفاتوره

او اواجهه وهذا اللي افضله بس ماعرف اشلون ابداا


وينكم ووين رددودكم ولو اني مااثق فيكم وبحلولكم لما كتبت لكم

خلاص.. خاطرج تواجهينه واجهيه..
بس نصيحة.. إذا أنتي من النوع العصبي اللي ينفعل بسرعة ويفقد أعصابه..
لا تواجهينه..
مادام عندك أدلة على التهم اللي بتواجهينه بها..
خلك راااااااااااااايقة وهااااااادئة وكلميه بوضوح من غير لف ودوران.. وخلك قوية.. يعني لا تحسسينه إنك بتقولين له شي بس لا يزعل عليكي..
لا تهددينه بشي..
قولي له أنا باقول لك شي بس مابي أسمع منك ردود أو أعذار..
أسمع كلامي للنهاية وفكر فيه..
ومابغي جواب ألحين..
بيني له انك جادة وواثقة..

الله يعينك ويوفقك..

لا تهددينه بشي..
قولي له أنا باقول لك شي بس مابي أسمع منك ردود أو أعذار..
أسمع كلامي للنهاية وفكر فيه..


وبعدين؟؟ كملي اقوله حصلت الفاتوره والا كيف ابدا الموضوع نفسه ايش رايك ابدا نفس رسالتك

وكيف ماااهدده؟


ادري سندرتج وعورت راسج بس كلامي مقنع ويريح ومنج نستفيد انا لسه متزوجه يعني ماصار لي كثير ويعطيج العافيه على المساعده وربي يسعدج ويصلحج ويصلح لج زوجج ويهديه ومايشوف في حياته الا انتي قولي امين

اختي الغاليه

اول شي احب اقوله لك معظم الازواج مثل زوجك مرينا بمثل تجربتك

والحمدالله علي كل حال ا نتهينا انتي عليك الصبر والدعاء له بالهدايه

وكلميه وواجهيه بالامر ولارقام كلها وقولي انك كلمتي البنات وعرفتي انهم بنات

وحطي الفاتوره له وعسي الله يهديه يارب ويصلحه

وعلي فكره هذي فتره وتزول بأذن الله يعني ماراح يستمر بيمل من ها الشي

انتي عليك تقومي بواجباتك ناحيته حتي ما يلقي له العذر في اللي يسويه

__________________

آسفة حبيبتي ماشفت موضوعج إلا الحين..
أنا حاضرة..
مثل ماقالت جارة القمر..
كلميه بهدوء..
قولي له أنا عارفة هالشي من زماااان بس ساكتة وعندي الدليل ( الفاتورة ) والشريحة..
وأنا سكت قلت يمكن الله يهديك وتندم من نفسك من غير ما أكلمك..
بس إنت مش راضي تترك هالسوالف..
أنا مابغي من تتأسف وتتعذر.. ولا أبغي أسمع حجج ..
كل اللي أبغيه منك إنك تترك هالسوالف وماترجع لها..


بس..أكرر.. كلميه بهدوء من غير عصبية..
ولا تهديد بأنك راح تعملي كذا وكذا أو توصلين الموضوع لحد..

والله يوفقج......

تسلمين حبيبتي .. ان شاء الله بتصرف وبرد عليج واقولج ايش اللي صار