حبيبتي ليش معصبه هوني علئ نفسج والله ربج كريم و راح يفرجها و خلي املج بالله كبير ,انا دائما اسمع ان الحرمه لازم الواحد ياخذها علئ كبر عقلها ,انا اقولك خذي زوجك علئ كبر عقله و لا تهتمين ,ترئ شيطان يزين للانسان كل شي و انتي الحين معصبه و نفسيتج تعبانه , والله شاهد يا اختي انا ما الي اي مصلحه غير اني اشوفك مرتاحه بحياتك و اشوف ريم الطيبه المرحه ترجع لنا ,بعدج حبيبتي باول حياتج و بعد العمر طويل ان شاء الله ,بس يبي انج تصبرين و تتحملين و حاولي تتفاهمين مع زوجج بهدوء مثلا بوقت يكون هادئه و مرتاح استغليها بس من غير شكاوي او بجي ,سويها عتاب بحب ,والله احب افيدج و ما ابي لج ضرر ,واعذريني يمكن كلامي ما يعجبج

يبدو لي زوجك صغير بالعمر 0000000000 كم عمره بالضبط ؟؟

أخ كاره الرياضيات ما هو صغير بالعمر


عمره 28 سنه


وانا عمري 18 وكم شهر

__________________

انا فقدت الصبر وزهقت هالعيشه


الأخ أبو الشباب امس طول اليوم مايكلمني وحاطني جدار بالبيت ومع ذلك قلت معليش يا بنت خليه على راحته



مع انه انا ما زعلته بس قلت له بكل هدوء وش اللي يضايقني من تصرفاته معي



وأمس الليل الساعه 11 انفجر البركان وانقلب من انسان الى وحش قام يصارخ علي


وقال انتي ماعمرك قريتي كتب دينيه عن حكم غضب الزوج ولا عمرك شفتي برنامج ديني


انا هنا جتني حاله غضب شديده قلت انت تنصحني اني اقرأء كتب دينيه !!! انصح نفسك قبل لاتنصحني


اذا زعلت مني على طول تروح تسوي مثل المراهقين وتدخل شات وتجلس فيه بالساعات وانا كنت أظن انه يعمل


أشغاله على الكمبيوتر



وشفته بالصدفه فاتح صفحه الشات ولما حس اني شفته قام سكر الصفحه على طول



يوم قلت له انصح نفسك قبل وشوف وش حكم الشات أول بعدين انصحني بكتب دينيه وانت 24 ساعه تحط على قنوات

الاغاني والفيدو كليبات



تدرون وش قال لي؟؟؟؟؟؟؟؟



قال لي اسكتي وانطمي انتي من تكونين أصلا انتي ( كلبه بنت كلاب )






وش ردكم على الموضوع وش الحل معه وانا أدري يمكن المراقبين بالمنتدى يحذفون الكلمه اللي كتبتها


بس أتمنى ما يتم حذفها حتى الأعضاء والعضوات يعرفون حجم المعاناه اللي انا فيها ولا يقولون كلميه بكل هدوء

__________________

اختي الغاليه، اللي متأكده منه ان الكلام اللي قاله لك اقصد الكلبه ولكي الكرامه ليست من قلبه،كان في حال غضب، نصيحتي ان تفعلي ما امرك به من قراءة كتب دينيه ولا تشعرينه بانك تراقبينه لأن الرجال لا يحبون ذلك، عامليه بحب واطيعيه واصبريوادعي ربك ان يسخرزوجك لكي

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

الله يعينك..
يا حبيبتي واضح إن أنتي بعد عصبية..
المفروض لما تشوفينه معصب ماتردين عليه..
بس قولي له إن شاء الله..
ولما يهدا تقولين له عن اللي بخاطرك..
إنتي حامل.. حاسبي على عمرك وعلى اللي ببطنك..

الكلمة اللي قالها كبيرة بصراحة..
بس يمكن هو مايقصدها وطلعت منه في لحظة غضب..

شوفي..
أنا لما أتزاعل مع زوجي تدرين شاسوي؟؟
ما أرد عليه وأتناقش وأحنا في قمة الغضب..
أسكت عنه..
وبعد فترة .. طبعا هو ماد بوزه ومايكلمني..
لما يروح على السرير ينام..
طبعا يصد..
أنا أقترب منه وأحاوطه بذراعي وانام..
ما أقول لك إني أعملها من زود الحب..
احيانا أكون زعلانة عليه أكثر من زعله علي..
بس دااايما أعملها.. لأني مابيه ينام وهو غضبان علي بعدين تلعني الملائكة للصبح..

وبتشوفين الصبح إن الأمور هدأت شوي..

اختي الغاليه

انصحك بعدم التصادم مع زوجك في هذه الفتره فانتي يالغاليه بداية حمل وحم وما ادراك ما الوحم والنفسيه الزفت وبعدين خطر عليك وعلى الجنين اهتمي بنفسك وتغذيتك وحاولي انك تتغاظين


قد يكون مضايق من شي ومتنرفز عشان كذا لا تاخذين كلامه وهو في هذه الحاله بعض الرجال يطلق مو يقول هالكلام بس

مشيها يابنت الحلال فهو زوجك وابو الي بطنك والغالي والله يسر امرك ويسعدك وياما سمعنا اكثر بس ما نحاسب لانهم طلعوا من طورهم مو ذنبهم

أنتوا فاهمين الغضب خطأ،، الملائكة ماتلعن إلا المرأة اللي تمتنع عن الفراش مش أي غضب،،
هو لازم يتثقف دينيا وكلمته مش بسيطة بصراحة!!

والله هذا هم الرجاجيل مايحسون بحال المرة .. ياخويتي ريحي بالج ولا تفتكرين ومثل ماقالت الاخت البحرينية انتي حامل ولاتضايقين نفسج عشان كلمه بوقت غضب ..صلي وادعي عسى الله يصلحه ويعتدل..ونصيحة مني لاتعصبين اذا عصب قعدي معاه بالغرفه وبعد مايكمل جيبي له عصير ليمون وحطيه بطاولته عشان تقتلينه من الاحساس بالذنب ويشوف نفسه بعدين..