وعليكم السلام ورحمة الله وبركااته

إذا كان مايصلي فهو كاافر وأنت مسلمة والمسلمة لاينكحها كاافر , ولايتم بينهم طلاق بل يكون تفريق .
اي مشكلة بينكم ممكن تنحل وممكن تأقلمي نفسك على طباع زوجك , وتقللين من المشادات الكلامية معه.

طيب شوفي أنا عندي لك أقتراح أنت أعطيه مهلة شهر , ووخليك بين النصيحة والتهديد بالترك , وفي هذه الفترة أكثري من قيام الليل والدعاء بالثلث الأخير له بالهداية, واكثري من الأستغفار وحسني علاقتك معه.

وإذا ماصلح حاله أستخيري الله وقدمي محبة الله على محبة غيره .وبما أن أهله يحبونك أخبريهم بالحقيقة قولي ولدكم مايصلي , وأنا شرعا لايجوز الجلوس معه .

الله يكتب لك الصالح ويفرج همك.

اخي او اختي\في رجاء الله,,
زوجي مكابر لما كنت اقوله قولي اذا ما تصلي خلني احسم امري ,, قالي ليش وش بتسوين يعني,,قلت ما يجوز اقعد معك لين تصلي,,قالي ضفي عفشك وانقلعي,, تخيلي ,,قلت له هذا مو حل ,,اهلي والحمدلله عندي واقدر اروح بأي وقت بس انا ابي حل,,,عصب وطلع ,,يعني لو اهدده بالترك ماراح ينفع ولا راح يعتذر لانه مكابر مرة مرة مرة,,

والى الان كل واحد ما يكلم الثاني اجيب القهوة والشاي اول ما يجي من الدوام ونقعد بدون كلام ,,ويروح ويخليني لنا 3 ايام على هالحالة وبشوف وش ربي يكتب,,,

....

أختي الكريمة:
كان الله في عونك. من وجهة نظري الخاصة أرى عمل مايلي:
1) إن كنت تعرفين بريده الالكتروني أرسلي له مقالات عن الصلاة وأهميتها وحكم تاركها.
2) أجلبي لبيتك أشرطة عن الصلاة وضعيها بالمسجل، وارفعي الصوت قليلاً من منطلق إياك أعني واسمعي ياجارة.
3) عندما يؤذن للصلاة قومي توضأئي أمامه وصلي أمامه إن أمكن.
4) في حالة تطاوله على والديك، قولي له: اتق الله يارجل، هل أنا شتمت أهلك؟ ثم أوضحي له أنك لاتقبلي أي كلمة سوء على والدك أو بقية أهلك.
5) أدي كل واجباته وما يطلبه منك كي لا يجد عليك مدخلاً وحجة للإساءة لك.
6) حاوريه بهدوء ولطف وذكريه بالآخرة.
7) قولي له: هل تتمنى أن يخرج ولدك مصلياً أم هاجراً للمساجد؟


آمل فعل ذلك بحسن نية وصبر، واستفرغي معه جميع الحلول مع التنبه لعدم الحمل، وأعطيه فرصة وأخرى، ثم أخبرينا ماذا حصل.

السلام عليكم ورحمة الله وبركاته

أختي حبيت أنبه لا يجوز الحلف كقول " أمانة عليك "

وهذه فتوى
ما حكم الحلف بالأمانة والذِمّة كقول الناس: أمانة عليك أخبرني بهذا الشيء، أو في ذمتك؟


بارك الله فيكِ

ما اعرف ايش اقول لك اختي
بس ما اتوقع انك بتقدري تطولي معاه
انا منك ما اجلس معه ابد
والولد مصيره يرجع لك خصوصا ان اهله محترمين
واستخيري الله

ما أزيد على كلام الأخوااااات
يعني مسألة الصلاة شي مب هين
والأدهى إن يكابر فيه
رغم إن هذا الأمر لا جدال فيه


مثل ما قالوا الجماعة
حاااولي معاااه بقدر المستطاع
لا تيأسي

وانتبهي إنج تحملين مرة ثانية
لا تجيبين ولد وهو نفسه ما تغير

يعني جربي إنج تطلعين معاه بروحكم
وتتناقشين معه بهدووء
تسأليه ليش ما تصلي ؟
شنو الأسباب ؟
هل كنت تصلي و تركت ولا ما تعرف تصلي من أساس ؟

قوولي له ربي ما بيوفقك طالما إنت جذي
سمعيه محاضرات عن الصلاة
و فهميه إن هو بيخسر كل شي وبيخسر حياته ونفسه
بيني له إن هالشي مب سهل
أدري إنج تحااولين حبووبة
بس شتسوووين
حاولي
و ربي يفرج عنج ياااااااااااااااااااااااارب


ودي

__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )

شكرا شكرا لكم اخواني واخواتي على ردودكم ,,

واحب ارد عليكم بأختصار,,اختي ملامح وله ,, يا حليلك ويا حليل سوالفك كلام بهدوء وحفلة كنت اسويله ,,واسولف له ,,بس اذا جيت اشكي له يقول لا تخربين الجو علينا ,,لاني مثل ما قلت ماقد طلعنا بنتيجة من نقاشنا لانه مكابر مرة ومايعترف بالخطا,واشرطة مستحيل يسمعها اصلا هو مو حق هالاشياء الحين اذا حطيت في السفر اناشيد دينية يقول فكينا من المطاوعة!!!الله يهديه يكره المطاوعة كره حتى مرة شفنا ولد صغير طالع من المسجد ماشاء الله عليه ,,قام ضحك وقال شوفي الارهابي الصغير بكره نشوفه بالاخبار!!تهاوشت معه على ذي السالفة لانه حرام سب اهل الدين ,,الله يهديه..

اخوي البليغ ,,اعرف بريدة الالكتروني واعرف الباسوورد بعد,,ارسله نصايح انا واخته الصغيرة(ملتزمة) تخيل ما يفتحها ابد ,,اللي لها 6,7 شهور يمكن سنه ما فتحها لانه يدري احنا وش نرسل له,, ومن ناحية الصلاة امامه اصلا حاطه سجادتي في غرفة جلوسنا عشان يشوفني ,,واقوله يقصر على التلفزيون عشان ينتبه اني اصلي وان هذا وقت صلاة يعني يالله صل ,,بس للاسف ,,يقول طيب طيب لين يروح وقت الصلاة,,

اختي مبادئ ,, انا مثلك احس ما راح اقدر اطول معاه ,, وامس ناقشت اختي الكبيرة بالموضوع قالت لي لاتستعجلين بس لاتحملين هالفتره ابد,, ونشوف وش ربي يكتب,,
شيخة البنات,, موضوع الصلاة صار يسبب لنا مشاكل ,, ما يرضى نتكلم فيه ابد ما يعطيني فرصة ,صرت اتكلم غصب عنه عشان يسمعني ,,حتى قلت خلاص ماعلي منه يتعذب ولا ما يتعذب طفشني,,بس المشكلة ما اصمل على رايي واذا اذن بدأت المشاكل روح صلي ,,يقول طيب طيب ,,وما عليك مني ,,بصلي برا,, والمسجد الله يخلف ما يدله,,

والله زوجك يحب النقد كثير
ويبيلك وقت تعدلينه بس ماتوصل للطلاق ابد
حاولي تزعلين لاتكلمينه فتره
بيني اعتراضك على النقد لا تطنشين اي شي فيه نقد بس لتاطولين لسانك

صح كلامك,, كأنك حاسه يا سنا,,,,