فعلاً الواحد ما يفهمه إلا اللي يمر بنفس وضعه

أنا ما أطلع إلا لما يكون في دوامه الليلي (من 15 إلى 23) و أكن مجهزه كل شي بالبيت قبل أطلع و آخذ العيال معاي، ما هو عاجبه

أو اني أطلع لما يكون في إجازته و عارفه إنه مشغول ببحوثاته و دروس الجامعه، فاخذ العيال عشان ما يزعجوه و هو بنفسه أحياناً يقترح إني أخلي العيال معه شوي قبل ما يناموا،، كمان ماهو عاجبه

أو إنه البنات يجوا عندي مع عيالهم وقت غيابه و نتونس مع بعض و يروحوا قبل ما يجي،،، برضو ماهو عاجبه

و البنات أساساً مشغولات، اللي تشتغل و اللي تدرس و إللي عندها 4 عيال و ما تقدر تطلع لحالها معاهم فتطلب اننا نزورها أحسن
فما نجتمع غير مره إلى مرتين في الأسبوع

والله يا مسز داني،، أساساً أنا عندي مشكله اني ما أعرف ازعل، يا دوب دقايق و أنسى و أتكلم مع الشخص اللي زعلانه منه

ما أحب ازعل، أحب أتناقش معاه عن السبب
يقول اطلعي و إتونسي و أنا أحب اشوفك فرحانه، بس أشوف تصرفاته عكس كدا

أشكرك حبيبتي

أنا كمان حسيت إنه هذا ألسبب، ماهو متعود أحد يشاركه فيني

كل وقتي كان له و للعيال، و ما نطلع إلا معاه أو لحالي مع العيال للحديقه أو المكتبه أو شوبنغ و نرجع بسرعه

تكلمت معاه بهدوء و قلت إنه هذا شي لابد منه بكرا لما العيال يكبروا و يروحوا مدارسهم راح انشغل أكثر بالدراسه و الشغل

بنفس الوقت ما يعارض فكرة الدراسة أو الشغل و يقول إنه يحب المرأه الطموحه اللي لها هدف بالحياه غير بيتها

أعتقد انها بس مسألة وقت و راح يتعود على التغييرات اللي راح تحصل من فتره لفتره

أشكرك حبيبتي

أهلين بالخالة الغالية غرين

يا خاله العيال لسه صغار ما بدأوا المدارس وهما بس إثنين

بنت 4 سنوات في الحضانه و ولد سنه و 10 شهور،، و الولد إن شاء الله كمان راح يبدأ الحضانه السنه الجايه بيكون قريب الثلاث سنوات
و إن شاء الله وقتها راح أرجع على الدراسه أو آخذ كورسات لغه في البدايه

و الحمدلله هما جداً هاديين و يلعبوا بغرفتهم و متعودين على النظام و الترتيب و مش مزعجين أبداً

أنا ما عندي مانع أبداً آخذهم معاي في كل مره، بس أحياناً يكون مستمتعين باللعب مع أبوهم و ما يبغوا يروحوا و أحياناً زوجي بنفسه يطلب إني أروح بدونهم

أما في الصباح لما أودي البنت الحضانه، أروح على الحضانه المفتوحه أو مكان تجمع الأمهات و نستفيد من وقتنا بتعلم الخياطه و طبخات و إلخ و يكون ابني معاي يلعب مع العيال الثانيين بغرفة الألعاب

اتبعت طريقتك يا خاله قبل، بأني اطلب كمان نص ساعه بس لما أرجع على البيت يقول تأخرتي

أشكرك يا الغاليه

الله يحفظلك زوجك و أولادك و بيتك
و فعلاً الغربه صعبه، و مافي أصعب من البعد عن الأهل

خليكي متابعه عزيزتي

طول الأسبوع اللي فات ما طلعت و لا عزمت أي وحده البيت
و مع ذلك زوجي يسألني ليش ما طلعت؟ قلتله بدلع مشتاقتلك و ما ابغى أخليك
فقال وهو يضحك الله يعيني شكله الدور علي الحين و بتصيري لاصقه فيني
فقلت كمان بدلع أجل إذا ما لصقت فيك فمين الصك يعني؟ مالي غيرك و الله يعينك مثل ما قلت
حسيته من جد فرحان.. فالأخ طلع غيران و يبغاني لنفسه و بس :14:

الله بيعين إن شاء الله و يتعود مع الوقت مثل ما قلتوا