نعم صحيح
ووسائل التواصل الاجتماعي تكشف شغلات وايد عن البنت

اي نعم صحيح كلامج اختي

يا الله الوقت شلون يمشي بسرعه
ال 4 أشهر الي فاتت تقدمت اكثر من البنت وحده رفضت و الباجي مخطوبين.

كل الي تقدمت لهم كانوا ان شفت اب دوامهم من بعيد وراقبتهم لفتره لكن الله ما كتب اخطبها.

حقيقه تعبت وايد وبدأ اليأس يتسلل لي

كل ما اروح مول ولا سوق وأشوف المتزوجين مع اطفالهم يزيد تعبي.

وبما اني ضد الزواج التقليدي ( عن طريق الاهل ) هل تشوفون لو شفت وحده اب مكان عام ( مو اب دوامها ) وطلبت رقم تلفون اَهلها بتكون صح؟

ادري يمكن يكون شي غريب بس شالفرق بين ان اشوفها اب مكان عام او اب دوامها ؟

إذا رغبت في بنت رأيتها في مكان عام
ثم بدا لك أنّها تنفعك كزوجة, فالأفضل تتبعها لمقرّ سكنها
وتأتي أباها تطلبها من الباب,
هذا أسلم حتى لك
قد تعطيك الرقم بحسن نيّة وثقة في كلامك, ثمّ ربّما هذا يحيي الشك في قلبك نحوها عند أي موقف .

__________________

مشكلتك ماتبي تخطب الا بعد المراقبة التامة للمرة وهذا من الشكوك
مجتمعنا مافيه الا زواج تقليدي
و الحمد لله ونماذج ناجحة و فيه حالات طلاق لكنها قليلة جدا
وذلك لانه باذن الله على سنة الله ورسوله
فالمجتمع اللي يحرم الاختلاط ماله الا الزواج التقليدي و اكيد دام هذا حكم الله فما فيه الا كل خير ان شاء الله
لكن للاسف المجتمعات صار فيها تساهل و صار فيها اختلاط
الموضوع غير معقد اوكل المهمة لاهلك يختاروا من بيت سمعته طيبة و نظرة شرعية واستخارة
فانت اذا استخرت الله مما تخشى !
صغرها تصغر وعقدها تكبر
الامر بيدك بعد الله .

كلام سليم
احترت والله

حالات الطلاق قليله؟ وين هذا؟
نسبة الطلاق 60٪‏

طبعا في بنات حلال واخلاق وكل شي لكن نجاح الزواج ما يقتصر على الأخلاق والتربيه فقط. انا اتكلم على طريقة تفكير البنات

اقصد في بنات واخلاق لكن تافه و محدوده في تفكيرها. احتاج وقت مو قصير علشان اعرف اذا البنت اتناسبني ولا لا. الزواج التقليدي راح يحد من اني اعرف البنت عدل.

وش نوع المراقبه
وهل متوقع هالمراقبه هي بتعطيك تقرير شامل عن البنت
جد اتخيلك تلحق البنات وتراقبهم بالمولات و الشغل
وين قاعدين اخوي
اذا خطبت تقليدي كلم البنت اول وعطها شروطك وشوفها شوفه شرعيه
عموما اخوي بديت اشك انك بمصاب بالشك
وان تجربتك السابقه مؤثره عليك
انت اب وعندك اطفال
محتاج زوجه تقبل فيهم وترعاهم
مع شكك بالحريم بتكون المهمه جدا صعبه
مو كل بنت بترضى بشخص عنده اطفال
خل اهلك يدورون واسال زين
والي تقبل بوضعك اقعد معاها وشوفها
واترك عنك مراقبه مامراقبه
لو يخطبني واحد وادري انه مراقبني برفض
لاني بجزم انه وسواسي وشكلك
وان كان مطلق بعد بيكون انا الشك سبب طلاقه
او انه تعقد من الحريموتحول شكاك
وفي كل الحالتين مايصلح للزواج

مراقبه مو يعني لاحقها من مكان لى مكان
وين عايشين أختي الله يهداج ههههه
على العموم انا مو اب صدد اشرح
واجزمي على راحتج
شكرًا

لا تشرح لي
اقعد بينك وبين نفسك
وشوف هل تغيرت نظرتك للحريم بسبب امراه واحده
معناته انت لسه متاثر بتجربتك
والمراقبه انت الي ذكرت هالكلمه
الزواج غير تقليدي يتيح لك مجال لتراقبها قبل تخطبها
مع انه ابدا مو شرط احيانا تعاشر شخص ومع هذا تنصدم فيه
وانت ماكل شارب مسافر معاه
عموما اذا بتعقد المساله بتتعقد واذا بتهون الامور بتهون باذن الله
والله يوفقك