اللهم امين
شاكره لك ردك
المشكلة هذي ماهي جديدة في حياتي 4 سنوات وانا اعاني
دائما استغرب من ظهور هالمشاكل !! واقول اكيد فيه سبب
وبديت اراقب تصرفاتي واراقب نفسي وبنفس الوقت اراقبه هو عشان اعرف السبب

لما فهمت من اكثر من موقف انه يتضايق من شخصيتي او يتضايق من الاشياء اللي ذكرتها في موضوعي مع العلم انه عمري ماحسسته ولا حتى حسيت انه اقل مني !!
وكثير مرات اطلب منه مساعدتي يعني عمري ماسويت له اقنور او دليت او ماله اهمية في النهايه انا انثى واحتاج رجل

لكن ي اخوي بديت اخفف من شخصيتي وبديت اتغابى عشان يحس انه هو افضل مني

لكنه يضيق علي اكثر واكثر و يتمسخر علي احيانا !! واتقبل واسكت وامشي !!

لكن مو عارفه الى متى ؟ او ايش فيه حلول اخرى عشان اصلح الوضع !!

انا اعشق القراءة وخليني اعطيك نبذة من اللي في مكتبتي الجميلة
اقرا روايات بوليسية / اقرا للدكتور غازي القصيبي / اقرا للدكتور علي الوردي / سلمان العودة / فهد العودة / احلام مستغانمي / وكثير كتب غيرها

بالنسبه لسؤالك الثاني مايرفض ولكن اذا ساعدته يتضايق واحيانا تتكنسل السفرة !!

مرحباً أختي

سأقول رأيي والله أعلم

لابد أن تتناقشي مع زوجك وتشرحي له طبيعة شخصيتك

فهو لابد أن يعرف الفرق بين أنك ذكية وشاطرة وفهلوية وتستطيعين تدبر الأمور وتخليصها .. وبين أنك شخصية تريد السيطرة والإستقلالية وفرض الرأي

وحاولي دائماً أن تفهميه أن ماتقومي به مجرد مساعدة له وإعانه وليس عناد أو فرض رأي أو لقافة

أما بالنسبة للغيرة فلا نستطيع الحكم عليه فيها إلا لو سمعنا رأيه لماذا يفعل ذلك


والله أعلم

الاحظ في عدد كبير من الرجال انه المرأة الواثقة المستقله تكون مخيفة للرجال وكانها مصدر تهديد ماأعرف ليه !!!
وهادي شخصيتك كذا صعب تغيرينها لكن الاسلم ان تبعدي نفسك عنه يعني ماتعرضي مساعدتك عليه تحتفظي بارأيك لنفسك ومادام أنه بس يتضايق بدوم مايعلق تجاهليه اما انه يتمسخر عليك او يقلل قيمتك فهنا تقدري تتناقشي معاه انه تتقبلني وتحترمني كامرأة لها رأي وكيان مستقل زي ماانا احترمك واتقبلك
الغيرة اذا سبق وناقشتيه فيها وانه بهادي التصرفات يخنقك ممكن تجربي تمثلي عليه الغيرة بنفس اسلوبه عشان ممكن يحس ويستوعب

__________________
مادمت تنوي الخير..فأنت بخير

يا أختي بقلك هي من الاخير وبحكم رجال كثير صادفتهم بنفس شخصية زوجك

اذا كان كل ماذكرتيه صحيح وواقعي فزوجك يعاني من فقد الثقة بنفسه فكيف يعطيك الثقة وهو فاقدها ? وفاقد الشئ لا يعطيه
وبالتالي لايريد لك ان تكوني افضل منه فهو رجل وانت امرأة ففي قناعته لابد ان يكون الرجل افضل من المرأة ويريد ان يكون كل شئ بيده
حتى في قراءة الكتب والعلم والفائدة يحسدك عليها ?!!!

ابحثي عن طرق زيادة الثقة عند زوجك

وأما شخصيتك فلا تلغيها ابدا وواصلي على القراءة وتطوير نفسك وخذيه معك في طريق العلم بمعنى اذا انتهيتي من قراءة كتاب اعرضي عليه ان يقرأه وان الكتاب الفلاني يتكلم عن كذا واستفدت منه كذا

ويارب يصلح زوجك ويزيد من ثقته بنفسه

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

__________________

رَّبِّ اغْفِرْ لِي خَطِيئَتِي يَوْمَ الدِّينِ

انا بصراحة ي اخواتي واخواني مادري شقول ومادري شسوي !!
لان الحياة مشاركة وهو مايبيني اشاركه بآي شي وحتى لما يسولف عن موضوع ويشوف اني فاهمه فيه يتضايق ويسوي مشكلة !!

وبالنسبة للاخ اللي اقترح اني اتناقش معه , مادري شقول بس ملايين المرات اللي اتناقش فيها معاه واحب اسمع كل كلامه ومااقاطعه عشان يفرغ اللي عنده ويسمعني بس للاسف مايسمعني ابدا ولا يتقبل مني ابدا !!
حتى لو سمعني يحاول يطلع نفسه براءه بآي شكل من الاشكال !

يعني ي جماعة من الاخير انا جربت كثير من الحلول اللي تخليه يفهم اني مو احسن منه وترفع ثقته بنفسه

المشكلة والشي الغريب انه مثلا بعض اخوانه يعتمدوا عليه او فيه مواقف تبين انه انسان يحسن التصرف ويعرف شلون يتصرف واصحابه بعد
ويجي يقولي عن مشاكل صايره بالعمل معاه ويقولي شلون تصرف وبالعكس مدحته واقوله ماشاءالله عليك شي جميل ومن هالكلام !!

لكن لما يسمعني انا اقول موقف مثلا او اني اساعد اخته او امه .. اعرف اتصرف واتدبر اموري يستنكر هالشي مني !! ويتضايق !!

حتى ابسط نشاطاتي مايخليني اسويها !!

ساعات بصراحه اقول يمكن مغصوب علي ! لانه مقصر معي جدا سواء بالكلام الحلو وادري انه الرجل مايتكلم ولكن يفعل وتقبلت هالموضوع

فيه اشياء اخرى عميقة بس مااحب اتطرق لها !

بصراحة انا افكر بالانفصال بما انه مارح نتوافق ابد وخصوصا انه 4 سنوات على هالحال
ومااتوقع انه هو الزوج المناسب لي ولا انا الزوجة المناسبه له ومافي بيننا اطفال احس الطلاق افضل الحلول !

سبق وان قرآت الكتاب لكن زوجي جنني ههههههه الحمدلله على كل حال
لذلك ي اخي العزيز كما ذكرت مسبقا صرت استغبي معه وحتى لو كنت عارفه هالشي اطلب منه المساعدة بشكل متوازن ...
يعني احيانا يجي هو يطلب الرآي ثم يتضايق !! يارب صبرك !
وللعلم احيانا يجي يطلب مساعدة او رآي واقوله ماعرف !!

مشكلتي حب المساعدة حتى امه وخواته احب اساعدهم لو بغوا شي مني وماشاءالله اهله طيبين جدا معي !!

وانا اعرف كما ذكرت انه عنده مشاكل بالثقة ولا باس تقبلت ذلك وعملت تماما بما قلت .. ماحبيت اني امثل دور الضحية او اكون بهذه الدائرة لذلك عملت على ذلك لكن النتيجة سلبية

بالنسبه للكتب ابد ماتشغلني عنه لكن ساعات هو يروح لمكتبه لان عنده شغل ف اتركه براحته يركز ويشتغل وبين فترة وفترة اروح عنده اقوله كلام حلو واسآله اذا يحب اسوي له شي
وانا في هذا الوقت اقرا كتب او مواضيع بالنت او افتح افلام وثائقية وباقي الوقت معا بعض
اما النقاش فتوقفت تماما اني اقوله عن اي شي لانه حسيت انه مو مهتم ولا يفضل لذلك قطعت هالعادة !!

شاكره لك ردك
وشكرا لنصيحتك الاخيرة

اختي اقري رد اخوي ابو كنان نفس الكلام اللي كنت باقوله لك

__________________

شكرا لك اختي