بسم الله الرحمن الرحيم
السلام عليكم و رحمة الله و بركاته
آسفة على عدم ردي عليكم اخواني و اخواتي الكرام لان المنتدى له فترة ما يفتح عندي لو تدرون اش كثر تكدرت و زادة حالتي سوء لما ما فتح المنتدى
وكل يوم اجرب افتحه اكثر من مرة بدون فايدة و اليوم فرحت لما شفته فتح
مشكور اخوي badr بدر و رومنس بس مشكلة ان السكن غالي ما يقدر زوجي يوفر ثمن الاجار و عنده ضغط شوي عليه قروض بنكيه اخذها على شان الزواج و يبغاله خمس سنوات على الاقل و يخلص و الشركة ما يعطون سكن
انا لي عم متزوج و ساكن هناك و العام الماضي اول ما تزوجت بشهرين سافر عمي مع عائلته شهر و عطانا مفتاح بيته و ذهبت مع زوجي و 2 من خواتي و 2 من خواته على شان يسلوني لانه يشتغل 12 ساعة و شفتات و استانسنا واجد
و بعد اخته الكبيرة متزوجة و ساكنة هناك بس ما اقدر اروح عندها بيتهم صغير و زوجها يضايق اذا زارهم احد
و مشكور اخوي moon_night على نصايحك الحلوة بس زوجي من النوع اللي ما يحب المكياج دائما يقول انا احب اشوفك طبيعيه بدون مكياج انا احيانا احط مكياج بس خفيف على شان التغيير و الحين ما اقدر اصبغ لاني حامل و شعري طويل جدا و ابغى اقصه عشان اغير شكل بس هو مو راضي يحب الطويل المفتول .، و بالنسبة الى هواية زوجي هي الانترنت و الافلام و هذول اشاركه فيهم من هواياتي بس لعبة السوني البلاي استيشن يحب اللعب الفردية و اذا ابتدى يلعب في لعبة يكون في عالم ثاني ما يحس باللي حواليه و فيه لعبة جماعيه يلعبها مع ربعة في الديوانية يسمونها (الأوكي ) و احجارها تشبه الدومينو بس بالارقام و اذا قلت له علمني اياها و العب معاك يقول ما تصلح لازم اكثر من لاعبين
مشكور اخوي اسير الاحزان على مشاركتك
و مشكور اخوي ocean على النصائح
و فعلا اخوي كيكي ويكى نحن متقاربان في السن و متقاربان في الحالة الاجتماعية والمالية و هو طيب القلب و انا عمري 21 و هو 26 و مشكور على النصائح
و مشكورة اختي توت بري على مشاركتك
مشكورين اخواني و اخواتي الاعضاء على مشاركتكم
مع تحياتي ام النوري