اعرف وحده سجلت كثييير ولمن زعلت قطعتها ورمتها عليه وصارت مشكله غير المشكله نفسها هي زعلانه منه وتقول مايستحق الرومنسيات وافتكار الجميل وهو زعل لانها اساأت له واعتبرها قله حيا لمن رمتها في وجهه
هههههههههههه حواء وآدم مشكله مالها حل |
صوري وسجلي وكثري منها يانوف والله انها ذكريات ما تتنتسى
وفي المستقبل لها طعم خاص انا صراحة اصور لحد الآن اصور واسجل كل شئ طلعاتنا وجلساتنا وسهراتنا بالجوال واحطها بميموري ومحتفظة فيها وقت نشتاق لها احطها بالجوال واوصلها بالتلفزيون ونجلس نتفر ج عليها فيه مقاطع مسجلتها بالساعات وفيه اكثر من 2000 صورة مرة رحنا نتمشى البحر واستأجرنا شاليه وجلسنا فيه والعيال كان وقتهم بالنهار يتسبحون بالمسبح واصورهم وفي اليل هم ينامون والدور لنا انا وابو الشباب اضبط الجوال واحطه في مكان ثابت واشغل كاميرت الفديو باتجاه المسبح ونصور كل شئ لاكن والله مرة بغيت انجلط صار لنا موقف ما انساه ومستحيل انساه ما حيييت رحنا البحر واستأجرنا شاليه وصورنا صور خاصة وتسجيل خاص لنا انا وزوجي هو مافيه اشياء كبيرة مرة التسجيل بس يكفي ان الواحد بلبس السباحة فضيحة لحالها في التصوير المهم صورنا وانتهينا ونمنا والصباح صحينا وتجهزنا وطلعنا نجيب لنا فطور وزوجي اخذ جوالي معاه كنا مستعجلين وماحطيته بالشنطة زوجي اخذجوالي وجواله مع بعض وحطها في جيب الثوب وصلنا السوق ونزل زوجي يجيب فطور ولما جاب الفطور وحطه في السيارة وبغينا نمشي شفته يطبب على جيوبه اقول له وش فيك يقول لي شفتي الجوالات وين حطيتها وانا هاه هاه وش قلت خلاص حسيت نبض قلبي بيوقف وجسمي كله حسيت فيه بروده واقول له الله لايسامحك الله لايسامحك تبغى تفضحنا انت تبغى تجنني وش سويت الجوال صورنا وتسجيلنا انا وياك فيه الجوال فينه انزل دور له وماباقي الا شوية وانزل انا ادور عليه كان يقول استني اشوف هاذا جوالي انا انت جوالك ماحصلته انا خلاص ياربي سترك لاتفضحنا يارب استرنا على الأرض ويوم العرض وسبحان الله زوجي فتح باب السيارة الا وهو على الحافة اللي عند المرتبة اللي هو جالس عليها يعني طاح لما ركب السيارة ياالله كأني انولدت من جديد هاذاك اليوم وبطلت اسجل واحطها بالجوال لو سجلت احطها بميمو كارت واحتفظ فيها لما نزلت في زوجي دعاء عليه كان يقول لي طيب انا موجود معاك بالتصوير مافيها شئ زوج وزوجته يصورون ذكريات وطاح منهم التصوير اقول له ايوه وبكرة الا واحنا مفضوحين قدام عباد الله كلهم يقول ماعليك من كلام الناس والناس اهم شئ إحنا عارفين انفسنا ماسوينا غلط متزوجين بالحلال فقع مرارتي وانا اقول له بكرة ينتشر التصوير بين الناس ويشوفونا وننفضح وين نودي وجيهنا من اللي نعرفهم قال والله هاذي مشكلة اوالحمدالله ربنا ستر وما انفضحنا ونصيحتي حتى للي يصورون يخزنونها على ذاكرة ويحتفظون فيها وكمان لو سافروا عن منازلهم لا يخلونها بالبيت لأنه يمكن يتعرض البيت لسرقة وتنسرق هالأشياء الخاصة مع اللي في البيت وبعدين يبتزون فيها صاحبها او ينشرونها على المواقع العنكبوتية وحينها الذكريات تبقى حسرات انتبهوا زين على صوركم وتسجيلاتكم اللي بالجوالات والسيديهات وحفظ الله سائر المسلمين والمسلمات عيون نوف الف مبروك وبارك الله لكما وبارك عليكما وجمع بينكم بخير ومنه المال ومنك العيال ان شاء الله واتمنى لك حياة سعيدة يملؤها الحب والمودة والأمن والإستقرار يارب . |
الحمدالله على سلامة الصور ... ضحكة من قلبي زوجك بارد ههههه الله يحفظكم لبعض مشكورهــ على النصيحة أعجبتني جدا بنت الحكمي أحبك في الله ... لأنك طيبه وحكيمة ... أقبليني أخت وصديقة لك الله يجزاك خير ويوفقك لكل خير |
حبيبتي مافي اجمل من الذكريات اسأليني انا كل ذكريات خطوبتنا مسجله وتخيلي الا الان نقعد انا وزوجي ونطالعها ونتذكر ونضحك من جد روووعه وسبحان الله وقتها نتذكر الحدث بادق ادق تفاصيله طبعا طريقه التصوير عن طريق الجوال وبعدين نسختها ع cd ونسخه على الفلاش ميموري وكلها حاطتها بدفتر كبير يجمع صورنا فتره الخطوبه والزواج ورحلاتنا وسفرنا حتى شهادات الدراسه حاطينها وكرت الدعوه حق زواجنا وحق الملكه طبعا منسقتها بطريقه كثير ناايس وحاطه ملصقات وعبارات طابعتها من النت طبعا عندي وقت فرااغ فحبيت ابدع فيه بما انه للذكري وتخيلي كل شوي زوجي يقولي يلا هاتي خلينا نطالعه لانه فعلا شكله خطيير ويشد الانتباه اي سؤال حاضرين للطيبين000موفقه
|
ياجماعة ممكن تفهمونى التسجيل يكون تصوير فقط لو تصوير وكتابه همينه ,,؟؟لان شفتكم تحجون عن دفتر ,ياريت لو تردون عليه ظرورى ,عجبتنى الفكرة كولش
|
هلا أختي مطرية
الناس بالعادهــ تحتفظ بالذكريات في البوم صور وشريط فيديو انا افكر اسوي شي جديد وهو اني اكتبها بالتفصيل واجملها بالصور شو رايج؟ |
هلا بيكى حبيبتى
فكرتك حلوة بكل تأكيد لو عندك هالطاقة وموهبة الكتابة انى بحس مراح اكدر اكتب التفاصيل أفكر أصور كل اللحظات من أولها لاخرها وأحطها على ميمورى ,بس أمانه لو قررت تسوى الدفتر صورى شكل الدفتر وطريقة تنسيقك ألها يمكن أغير رأى وأقلدك بس أكو نقطه ثانيه حبيبتى,ماتشوفين الدفتر ممكن يخرب مع مرور الرمن بسهولة ؟؟ بعكس الشريط |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|