رد : هل أنا غلطان
السلام عليكم ورحمة الله تعالى وبركاته
اي والله ياخوي غلطت ، زوجتك اوخيتها جاية من بعيد ، وحابة تقعد معاها ومع اهلها في اول يوم جية لها ، واللقاء الاول مع الاهل له طعم ونكهة ثانية على عكس باقي الايام ، ومافيها والله شي اليا وديتها وسمحت خاطرها وكسبت اجرها ، فهي اولاً واخراً زوجتك وشريكة حياتك وأقرب الناس لك.
ورسالتك لها قاسية جداً ، والزوجة بالذات اذا حست ان زوجها مايعطيها اهمية ولا يحسسها بوجودها معة بتتعب وتتكدر وماتحس بالأمان معة ، وهالشعور اليا صار داخلها والله بيتعبها وبتعبك شخصياً ويدخل عليكم مشاكل انت بغنى عنها.
رح لها وسمح خاطرها واعترف بخطأك ، وخلك لين وقت الهين ، فوالله امرك مايستاهل حتى ان تصير فيه مشكلة او سوء تفاهم ، وقد ماتقدر في المستقبل خلك دبلوماسي بالتعامل مع زوجتك بحيث انك اتحاشى المشاكل معها قد ماتقدر!! ترى الحكمة تقيك شر المشاكل ، ومو صحيح انكم اتخاصمون او اتزاعلون على توافة الامور ، فيه بعض الحاجات محتاجة منك أنك اطوفها ما ادقق فيها ولا اتحسس منها.
موفق.
__________________
استغفر الله واتوب إليه
التعديل الأخير تم بواسطة المتفائل بالله ; 08-08-2012 الساعة 04:18 PM