الاخت الفاضله ،،،

دعينا نتكلم بكل صدق و بكل مصداقية ،،،

أن كنت تشتكين و انت من تأخذ 300 ريال شهريا ...

فماذا تقول التي لا تعرف السوق الا بالعيدين أو عيد الفطر فقط لا غير ..!

ماذا تقول التي لا يعطيها زوجها مصروفا َ .

ماذا تقول المرأه التي تصرف على بيتها وزوجها لا يصرف شيئا !

أختي الفاضله ...

رتبي او ضاعك ...

لا تقارني حياتك بحياة اخواتك !

فلكل رجل قدرة و احتمال و لكل رجل مال يصرفه على قدر حاجته ..

فقد يكون غيرك ثريا فتقارني حياتك فيه !

بينما لم تقارني بالتي كما قلت لا يعطيها شيئا ...

الاخت الفاضله ...

::

بالنسبة لعزيمة زوجك لا تعزميه ...
وبالنسبة للكوافيره مو لازم كل شهر و انتي عندها ...بل ياليت تتركينها للأبد ..

وبالنسبة للمكياج فما اظن انك بحاجة شهريه للتغييره فماركه واحده تكفي ابلشهور ..
بالنسبة للعطر فبدل 200 ب 100 او عطر ب 200 و الشهر الاخر بدون عطر ..

اختي الفاضله ...

احمدي الله و اشكريه ...

و حاولي ان تضبطي مصروفاتك وفقا لهذا المصروف ..

ارضي بالقليل و عيشي سعيده !

ولا تكدري خاطرك بالتفكير بالكثير و تعيشي ضائقه ..

وفقك الله ...

__________________
سبحان الله وبحمده سبحان الله العظيم

حاولي تكيفين نفسك على هالمبلغ لأني ما اتوقع انه قليل جداً ولا كثير جداً ..


يعني هل يعقل أنك شهرياً تشترين أغراض وملابس !!



يعني لو حسبتي 300 * 12 = 3600 ريال ..


مثلاً 800 ريال لعيد الفطر و800 لعيد الاضحى ويبقى لك 2000 ريال تقسمينها على المناسبات والهدايا ، ولو نقص عليك مبلغ قليل ما اتوقع انه راح يرفض ..


وبعدين لا تقارنين زوجك بأزواج أخواتك لأن كل واحد له ظروفه ومو منطق المقارنه أبداً لأنك لو قارنتي بيقارنك هو بناس أقل منك , تراك أفضل من غيرك وفيه حريم ما ينزلون السوق الا في الاعياد وقبل المناسبات المهمه بس ..


بالنسبه للصدقه مو شرط تتصدقين بمية ريال !! مثل ما قالوا الاخوان لو تتصدقين بمبلغ قليل فهو كافي يعني مثلاً 10 ريال تكفي وانا اعتقد لو تقولين له ما راح يقصر وراح يتصدق عنك وعنه ، وهذا موضوع الصدقه انتهى ..

بالنسبه لهدية امك وتجيبين لها قطعة قماش ، فمو لازم انك كل زياره تهدينها او كل شهر تهدينها ، يعني اهديها على قد ما تقدرين او بالقليل في الاعياد ..

وبالنسبه للعزيمه لا تعزمينه خلي العزيمه في البيت ومن شغل يدك وفي غرفة النوم لانها راح تكون رومنسية اكثر من المطعم ، والمطعم هو اللي يعزمك فيه إذا نوى ..


بالنسبه للكوافيره مو لازم كل يوم والثاني تروحين كوافيره ، يعني ممكن في زواج احد قريب ومهم جداً أو إذا مضطره تقصين شعر أو شغله صعب تسوينها في البيت ..


أنا اشوف ان كلامك مجرد فضفضه ويا ليت تحمدين الله على النعمه اللي انتي فيها ، ولا تجلسين تنكدين على نفسك بالتفكير في هالامر ، بعدين قد يكون زوجك يعاني من ضغوط الديون ولازم تصبرين عليه وتتحملينه مع اني اشوف من كلامك انه مو مقصر معك ابداً , وترى حبيبنا الراجحي ماخذ منا كلنا ههههههه يعني لا تسألينه مثل ما قالوا الاخوان عن الراتب نهائياً لأني اعتقد ان الاقساط والايجار والفواتير والالتزامات الاخرى ما تبقي لكم شي ..



وفقك الله

أمممممممممممم

حاولي تغيري اسلوبك بالطلب
مررة مزحة
ومررة لعبة
ومرة تمثيل
أنا ساعات استغل اشياء لو اقولك يمكن تضحكين
أحيانا تمشي وأحيانا لا

اختي شوفي اهلك مو بحاجتك اهم شي انتي ماتكونين بحاجت اهلك صدقيني دام زوجك طيب وحنون هذا اهم شي وواضح امامك شوفي قوليله مابي افلوس اذ بطلع لسوق انت تكون معي وانا اشتري وشوف كيف الاسعار وتعالي له بسلوب وطبعن انتي اكيد عارفه الزوج كيف تجيبين راسه من دون ترفعين صوتك او تستحقرين الثلاث مائه الي يعطيك واصبري دم زوجك مافيه شي غير البخل هذي في الزمن هذا اكبر نعمه عندنا عمر الفلوس ماجابت السعاده لنا ياليت زوجي هيك والله ماطلبت الطلاق منه تري ماراح تنفعك هدياك لهلك تري لو ترجعين لهلك بعيد الشر ماراح يذكرون اهلك منك هدياك خالص اهلك ماراح يشرهون عليك عرفين وضعك مانتي قادره الله يسعدنا ويسعدك ويفرج لي ولك يارب

اختي ما تعانين منه يواجه العديد من المتزوجات.
وانا اعتقد ان السبب في هذا يرجع للنشأه، فقد يكون نشا في اسرة حريصة ، وعليه يفترض ان اي شيء غير هذا هو تبذير غير مبرر.
اعتقد انك غالبا لن تستطيعي فعل شيء او تغييره.
خذي الامور ببساطة يا اختي وتعايشي مع الموقف.
ولا ضرر من التكلم معه باللين .

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..