الله يصلح لك زوجتك ويرزقك بالذرية الصالحه

الرجاء الالتزام بمسار الموضوع

الإشراف

__________________
## مهم ##
هل تتعرضين للابتزاز في الانترنت؟


هنا من ينقذك

زوجتك ما شاء الله متفانية ومخلصة وخااام يعني تتصرف بطبيعتها الصرفة لكن تحتاج للتوعية وصدقني ستصبح لك إن شاء الله مثل ما تحب وأكثر .


ونصيحة لك من الآن لا تدع أطفالك مهما يكن ولو للحظة وحدة في يد خادمات إلا في حالة أن تكون مربية متخصصة ومؤهلة ، فأنت تسمع وترى بالتأكيد مصائب الخادمات التي تتكاثر يوما بعد يوم هذا وبعض الحالات في العيادات يندى لها الجبين بسبب تحرشات الخادمات بالأطفال وتعليمهم سلوكيات خادشة للحياء واستغلالهم جسديا .. فبما أنكم مقتدرين ولله الحمد فدع المنزل للخادمة والتربية لزوجتك فقط ..

الله يجيب العيال
ان شاءالله شكرا على الرابط وبرسله لها

انا حاسه انها ودها تبين لك انها حرمة سنعه وتقدر تشيل البيت وغير كذا يمكن فعلا ماتحب الخدم معها يحبسون حريتها..اتوقع مع الوقت بتمل وتتعب..

مو قصه تبي تبين لي
هي فعلا ماتحبهم
وتعتمد على الاجهزه كثير
وبما اننا قليلين اكل ووقتنا برى
تشوف مالهم داعي
بس انا ارتاح بوجودهم
احب البيت يلمع نظيف والاكل اذا طلبته على مستوى
غير هذا امينات ووحده منهم معانا من كنت بالروضه
مايستحقون تطردهم

عدم محبتها لوجود الشغالات ..
موب معناها ان ماودها ترتاح..

زوجتك تشبهني في عدم محبة الخادمات إطلاقاً..
من الجرائم اللي أشوفها بعيني منهم.
.
جلست 10 سنين أو 20 سنه عندكم والله صدقني مايفرق..
وإياك تأمن أطفالك على خادمة..

لكن شغل المنزل تقدر تخليه على خادمة..
الشر اللي لابد منه .


وإن كنت لايوجد لديك أطفال، إما أن تسكن في بيت صغير أو شقه بحيث يسهل تنظيفه وما تزمل منه زوجتك..
الى حين يأتيك أطفال وتكثرون اطلع لبيت أكبر..

وان كنت عازم على خادمه.. من رأيي تجلس مع زوجتك وتخبرها : تصدقين جلساتي معك ماصارت مثل أول..
افتقدك كثير..
أشعر اني صرت أجلس معك قلييل مقارنة بالسابق..
عاذرك لأشغال المنزل..
لكن لو حبيتي أجيب خادمه وحده علشان ماتزعجك تقوم بالتنظيف و الترتيب والطبخ وأنتي تصيرين راعية البيت همك نفسك و راحتك و تزينك .

كلمها بدون شد وعصبية ..

زوجتك تفكيرها غربي

عمليه ومستقله

يناسبها نظام الشقق اصغر واريح وعملي اكثر

البيت الكبير لاسره صغيره وطلباتها محدوده مش مناسب لكم

__________________
وهل من مصير اخر ؟

طيب شوف حل وسط وجيب خادمة وحدة من الثلاث ..
أنتو اثنين ويخدمونكم ثلاث ؟؟ ماصارت هاذي .. لها حق الحرمة تتضايق..
وشي ثاني يمكن إنت كنت تقارن بين طبخها وطبخ الخادمة .. أو تنظيفها وتنظيف الخادمة ..
وعشان كذا هي تمللت وطردتهم ..

مو معقوله اترك البيت ونروح لشقه صغيره
الطباخه ماترضى تنظف شغلتها بس تطبخ
علشان كذا لازم معاها وحده للتنظيف
فعلا تفكيرها غربي
وماتثق بالناس بسهوله
تقول ماارتاح ولا اثق فيهم
وهي بيتوتيه
زوجتي الحمدلله جميله جدا وجذابه
لكن ليست انيقه ولا اجتماعيه
تبي تعيش مثل الناس العاديه
لدرجه امي ماعاد تعزمها عندها تقول لبسها يفشل
اخذها السوق واعطيها مصروف ماتقتنع
تبغى زارا واتش اند ام
شسوي فيها قولوا لي