كلام سما
عين العقل.. حاولي اختي تلطفي الجو...قولي له بكل صراحة البارحة كانت اعصابي تعبانة وعصبت عليك..معليش..تفهم وضعي وقبلي راسه او خده صدقيني سبكفي هذا .. لأذابة الجليد..فيبدو من تصرفاته انه نادم...فلا تكثري اللوم فهو لن يأتي و يفضفض و يكثر الهرج عن موضوع ندم عليه ... أختي ما معنى كلمة...شذي!!! وهل هي كلمة شامية!!! |
اختي... اسلوبي بيكون مب حلو في الكلام بس استحمليني...
انتي بكل بساطه و بييبها لج من الاخر "دبووووووور و يزن على خراب عشه" ما ترتاحين الا يوم تكون بينج و بينه مشكله و مخليه هدفج في الحياه العيشه في نكد و مشاكل.... و يون بتتطلقين ذيج الساعه بتندمين على تصرفاتج اللي اقل شي يقال عنها انها هبله.... ريلج اخرتها راح يمل منج و من تصرفاتج و بيطلقج و يفتك من حنتج... حساسه و غيوووووره و ما عندج ثقه بنفسج موول و محور اهتمامج شخص واحد و هو زوجج و بس... تصرفاتج كللللها غلط... و يكبر راسج يوم يرلج يعتذر منج باسلوبه اللطيف... انسان محترم و ارفع القبعه احتراما له على محاولاته المستمره في احتواء المواقف و لكن انتي وحده عقلج عقل يهال و ما تعرفين تتصرفين ابدا.... و المهم عندج انه يعتذر و بس.... معليش استحملي اسلوبي لاني صدق صدق منقهره منج... تعرفييييين هذا كله ليش ؟؟ لانج ما حملتي للحين فحاسه انج مهدده و انه ممكن يتركج في اي لحظه.... و هالشي بيصير بس مب لانج ما حملتي... لاااااا.... لانج نكديه و الطلعه في ثانيه معاج تنجلب نكد لفتره طويله.... يوووووه شو مقهوووره منج.... عبالي تعلمتي الدرس المره الماضيه بس عدتي نفس الحركات و في فتره زمنيه قصيره جدا... انت. توكم متصالحين ليييييييييش تنكدين على عمرج مره ثانيه.... اولا: ريلج مب بيبي بتراقبين نظراته طول الوقت و اذا هو ما شاف يدامج تراه يشوف من وراج و الريال ما بيمشي مغمض عيونه و الحريم كل مكان... ثانيا: لازم تتعلمين تشغلين وقتج... كوني صداقات و اطلعي مع ربيعاتج.... ادخلي دورات.... روحي حلقات تحفيظ قرآن في المركز الاسلامي... ادخلي اليوتيوب تعلمي اي شي تبينه.... المهم تطلعين من محور الزوج الوحيد اللي شاغله نفسج فيه... انا بعدني ما خلصت محاضرتي.. *ارجع من الدوام و اكتب لج كلام زياده...* * |
اختي انتي قريتي ردي عدل قبل ما تكتبين تعليقج!!!
"تعرفييييين هذا كله ليش ؟؟ لانج ما حملتي للحين فحاسه انج مهدده و انه ممكن يتركج في اي لحظه.... و هالشي بيصير بس مب لانج ما حملتي... لاااااا.... لانج نكديه و الطلعه في ثانيه معاج تنجلب نكد لفتره طويله...." كلامي يقووووول ان انتي اللي حاسه انج مهدده بسبب موضوع الحمل.... زوجج ما له علاقه في الموضوع و موضوع خوفج.... قلت لج اذا بيطلقج فالسبب راح يكون النكد و ليس عدم الانجاب.... انتي للي تحسين انه ممكن يتركج و ممكن يفكر بغيرج حتى لو هو طمنج و بين لج ان الوضع عادي... انتي اللي خايفه و حاسه بقلق... الحمل بيد رب العالمين و مافي ردي السابق لي اعتراض عليه... انا بس اوضح توترج بسبب هالموضوع حتى لو ييتي و انكرتي انه ما له علاقه.... من داااااخلج تعرفين انج خايفه يتركج لهالسبب... سواء عدم الحمل منج او منه او حتى بدون اي سبب من الطرفين... انتي اللي حاسه بالتهديد... لهالسبب تبينه يظل حولج انتي و بس... و مخلتنه عالمج الوحيد.. بس زوجج انسان طيب و محترم و كل انسان له عيوب بس في كل المشاكل اللي ذكرتيها في الموضوعين كنتي انتي النكديه و اللي تحب المشاكل و اللي تعمل من الحبه قبه مثل ما يقولون... و بيوصل ليوم من الايام ما يتحمل فيه النكد هذا كله و ينفصل عنج و انتي بيدج الحل... غيري من شخصيتج... بترتاااحييييين ان شا الله... اتمنى تقرين ردي مليوووون مره و تفكرين فيه عدل... |
:*
أختي أنتِ غيورة غيرة مرضية لأنك تجاوزتي الحد الطبيعي في الغيرة
معقولة نظرة من زوجك عادية لامرأة تقلب نهارك بأكمله وتنكدي على المسكين...؟؟
:*
ترى مو حلوة بحقك تظهري لزوجك إن ثقتك بنفسك =صفر
وثقتك فيه معدومة
ومثل ماقالوا لكِ الأخوات بطلي حركات النكد لايطفش الرجل منك ويتركك
ترى كان معنا أخ في المنتدى الله يذكره بالخير زوجته غيرتها زي غيرتك
وانتهت حياتهم بالطلاق بسبب غيرتها ونكدها وطولة لسانها معاه
:*
اضغطي على نفسك شوي وأكبحي جماح غيرتك وأعتادي على الوضع الطبيعي
في الحياة وإن الزوج ممكن يناظر للنساء بشكل عادي ومستحيل يغمض عيونه
كل ماشاف امرأة أمامه بس عشان يرضيك
ترى أي بني آدم طبيعي يطالع في إلي قدامه والنظرة الأولى له والثانية عليه
:*
هذبي السلوكيات الغلط في شخصيتك حتى تحافظي على بيتك وزوجك ومدام زوجك
إنسان طيب ويحبك ويحترمك فلا تخسريه ولاتغتري بمعزتك عنده ترى للصبر حدود
:*
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|