السلام عليكم ..

زوجة حميك ..عايشة معهم ببيت او هي تجي زيك من بيتها وتعمل كل هالحكي؟؟؟؟


الله يعينك ..اذا كنتي واثقة بزوجك فتطمني ماراح ينظر على زوجة اخوه مستحيييل ...

ولابد تتأكدي من موضوع الاعجاب ..لانه الامر خطير تعتبر خيانة لزوجها وتعتبر كالزانية لما تتطيب عمدا لزوجك وتلبس الضيق له ,,,,

__________________

اهلا اختى انا ما اشوف ان عندك مشكله اصلا لكن عليك واجب وواجب مهم وستسألين عنه يوم القيامة لان الساكت عن الحق شيطان اخرس

ماذنب ذلك الرجل المسكين اخو زوجك وزوجته تنظر لغيره انصحك ان تتأكدى من الامر وحاولى ان تعرفى هالشي من خلال زوجك انت وان تأكد لك هذا الشي فصارحيه ولاتترددى وهو سيتصرف بكل تأكيد لان يجب على الزوج ان يعرف ان زوجته قد تقع بالحرام اما مع اخوه او حتى غيره قبل ان يقع الفأس بالرأس لكن اشدد عليك بالتأكد من هالامر لابد ان زوجك سيلحظ منها اهتمام به سواء في دخوله او خروجه

لازم توضحين لهم جميعا الناحية الشرعية في جلوس الرجال والنساء مع بعض وأحضري لهم الفتاوى في ذلك بدون مايبين إنك ملاحظة زوجة حماك وفعايلها

لاتعليق على كلام الاخت ليال كلام جميل ومفيد جدا
الى هذا الحد الناس ماتخاف الله اسال لنا ولكم العافيه

برأيي ان سلفتك تفعل ما تفعل بطيب نية

هي لا تحاول استمالة زوجك أو غيره من رجال العائلة


هي تتزين لانها الظاهر عروس وتريد أن تلفت النظر لأناقتها فقط ليس إلا

حاولي التقرب منها ونصحها .. بدل ان تعاديها لأنها ستفهم حتى من نظرتك لها واسلوب كلامك انك تحملين مشاعر سلبية تجاهها

لا تفتحي على نفسك باب غيرة على زوجك من سلفتك ولا تناقشي أحد بالموضوع

الموضوع جدا جدا جدا حساس وهذا اخوه ومستحيل يفكر ينظر الى زوجته

__________________

دائما لاشفتيها قولي (اللهم اني ادراء بك في نحرها واعوذ بك من شرها اللهم اجعل كيدها في نحرها واجعل تدبيرها في تدميرها )ولااااااازم ينعزل الرجال عن الحريم والافضل تجي من الرجال هم يقولون نبي نجلس بدون حريم يعني لو زوجك يقتنع (حاولي تنمي فيه الجانب الديني )وبتدريج يجلس لحاله وشوي يجي عنده اخوه ثم ابوه ويقول نبي ناخذ راحتنا بعيد عن الحريم وانتي بعد حاولي تجلسي انتي واخت زوجك لحالكم ولسألكم احد قولي نبي ناخذ راحتنا والله استحي من الرجال و شوي شوي بيجون يجلسون باقي الحريم معكم والمفروض العوائل اللي بهذا الشكل يكون الحزم من اهل الزوج الام او اخته يعني اي وحده من حريم اعيالهم تتزين زياده او يظهر منها شي او اجلالها شفاف او قصير هم يقولون لها يافلانه جلالك كذا يافلانه ترا لبسك حلو بس احس صعبه تجين فيه عند العيال البسي عباتك هم اللي المفروض يعلقون لان كلمتهم مسموعه عند حريم اعيالهم وبينفذونها ....
اقترح يوم البسي مثلها علا انك ماكنتي بتجين جمعتهم ولكن جيتوا وانتي ما توقعتي تمرينهم مثلا على انك جايه من عزيمه عند اهلكي المهم ونزلي عباتك علشان يشفون ام زوجك وسلفتك لبسك ولا قالو تعالو نجلس كلنا مع بعض (مع الرجال)البسي عباتك وقولي لا ما اقدر البس اجلال ويني عايشه فيه اجي كذا قدام الرجال!!!! يبين لبسي من تحت الجلل ماقدر.....وبكذا تنتبه ام زوجك وتستحي سلفتك انها تبان قليلة حياء قدامهم وبتصير تخفف من حركاتها وممكن اخو زوجك يسأل زوجته ليش فلانه جالسه في بشتها بتقوله مستحيه من لبسها تقول موساتر وبكذا بيلتفت نظره للبس زوجته ويبدء يدقق ....وسويها بعد فتره بعطر اشتريه جديد وشمميهم العطر لبغوا يتعطرون قولي لا بس صعبه بنروح نجلس عند الرجال او اتفقي مع اخت زوجك انها هي تجيب عطر ولا جات تبخلك قولي لااااااااااا مايجوز بنجلس مع الرجال اصير زانيه (العقوبه المترتبه على شم الرجل لرائحة المرأه)
وممكن تشترين هديه اجلالات (شرشف صلاة او لبس صلاة للي مايعرف معنى الكلمه )محتشمه على انك شفتيها وعجبتكي وجبتي لكي انتي ويها وقولي بنخليها هنا في بيت خالي عشان ما اننساه ولجينا نلقاها.

السلام عليكم ورحمه الله وبركاته
اني اتفق كل الاتفاق مع اختي العزيزة ليال كلامها صحيح ميه بالميه
يعطيها الف عافيه
وان شاء الله ربي يهدي الجميع الى الصلاح ويسعد الجميع يارب العالمين

__________________
[rainbow]ياربي احفظ غاليتي[/rainbow]

انا اذكر لما تزوجوا اخواني ، انها من تدخل زوجات اي واحد من البيت يمسكونهم خواتي ويقولون هذي القائمه المسموحات وقائمه الممنوعات، هم قصدهم با الكلام هذا يوصلون لهم بعض الاشياء وطريقة عيش اهلي في البين بحكم بعدي عنهم من زمان.

هم بها الاسلوب يقصدون انهم يوضحون نقاااط مرره صغيره صغيره مررره، والمسأله هنا موب تشكيك بأخلاقهن ، با العكس كلهم ما تزوجوا وانا بعد ما تزوجوت الا بثقه اهلي في ازواج اخواني وزوجتي كذلك.

وعلى سبيل المثال للنقاط الي يوضحونا لهن، انوا الي تبي تشيل شي وتحط شي ما تكون قدامنا ، يعني توصل الغرض للباب وتتوكل على الله ، اذا مررره مررره تبي تدخل وتنزل الاغراض ما تدنق او تنحني قدامنا.

المجل او الجلال يكون الى الركبه الله لا يعوق بشر ، نفس شغل الافغان، الطيب والخراط هذا في شقتك وببيتك مع زوجك وعيالك، حتى ريح الجاوينه مرفوض، اذا مره مره بيسمحون بشيء بيسمحون بـ المشاط اذا تعرفينه.

المهم انا رأيي انك انتي تقدرين تغيرنهم كلهم من الاساس ، وهو انك انتي تبدأين بنفسك ، وهو انك تتسترين مرره وحتى احيانا وانتوا جالسين لحالكم لا تكشفين ، قولي لهم انا مانيب ببيتي عشان اكشف ، انا هنا عابره سبيل ولا يجوز اكشف، هم بها الحاله راح يلاحظون وممكن الحرمه السنعه الفطنه فيهن تأخذ الشيء الحلو فيك وتسويه .

ورأي اختي بكر الشايب ممكن يكون صحيح ، اذا كلامها صحيح وتوها عروس ، روحي السوق واشتري لك ولعمتك ولأخوات زوجك ولها اقصد سلفتك جلال او مجل واهدي كل وحده منهن واحد او حتى ثنين ، منها هديه ومنها انك كسبي اجر فيهن.

الله يوفقنا ويوفقكم.

ادعوا لي تراني محتاج لدعائكم خصوصاً ها الايام الى بعد رمضان. يارب تسهل اموري يارب.

اكيد هي بتصرفاتها هذي غيرانه منك وتحس بالنقص

وزوجها مومعبرها على شان كذا بتخرب عليك؟؟ ولاتديها فرصه وحاولي تكسبين

ام زوجك ولاتحسسيها انك غرتي منها وحاولي تسحبين زوجك شوي شوي وتجييون بوقت موموجوده

الله يعيينك وطنينا عليك يالغاليه

أختي الفاضلة لا تجعلي للشيطان عليك مدخل

كيف تصدقين نمامة ثبتت عليها كبيرة من كبائر الذنوب

في امرأة محصنة و أزعم أنها غافلة ، لأنه من كلامك تبين أنها تلبس الجلال

بسبب أن شئ من ساقها أو لباسها بان عرضا


أما حديث( الحمو الموت ) فيه نهي عن الخلوة

يعني لو جلست أنت و سلفتك محتشمات غير مجاورات و لا مقابلات أزواج بعض

فلا حرج في ذلك و الله أعلم