انا ضد ضد ضد ضد ضد ضد ضد ضد رمي الكلام وتسكير الهاتف
وقفله بعد غلط شنيع اكبر
وبعد ضد المسجات لارسال احاسيس مضايقتج

خلج عقلانيه اكثر
وتحملي تتهورين
الحياة الزوجية يبيلها صبر .. وطولة بال
توج باول المشوار
مو من كم شهر تعبانه هالكثر

اذكر قصة وحده عرضت مشكلتها بالمنتدى .. ظروفها غير عن ظروفج تماما
بس غلطت نفس الغلط اللي تفكرين تسوينه
ارسلت مسج لريلها وعاتبته بالاولي والتالي

تدرين شسوى .؟
طنشها
هي تحترق وهو مطنشها

عقب ما ارسلت المسج توقعت ان الكره في ملعبه وهو لازم يراضيها ويشيلها على راسه من فوق
عقب ما قطت اللي بقلبها .. المجمع من ايام او شهور

اضطرت هي ترجع تعدل الخطأ اللي سوته


تحملي تخطأين هالخطأ
ولا تعطين الموضوع اكبر من حجمه

ولا تطيجين في فخ المقارنه .. كل زوجين ولهم طريقه واسلوب في الحياه
انا ما اقول انج تقارينين روحج باحد .. مجرد احتمال .. يطيح فيه الكثير منا


وبعدين ما عرفت لج فديتج
مرة تفولين انه ما يهتم ولا تكلمون بعض بالكم يوم
ومره تقولين هو يترجى ويطلب تظلين معاه على الخط

حبيبتي .. في شي مضايقج مو عارفه توصلينه لنا ..
لأن كلامج فيه تشتت واضح
يمكن نفسيتج تعبانه الحين وتكتبين بانفعال
هدي .. وماراح يصير الا اللي انتي تبينه

تقولين يحبج ويحترمج .. الاهتمام تبينه يزيد
زيدي اهتمامج انتي
ولا تقولين سويت وفعلت
السالفه مو نتيجة فعل لمره وحده وخلاص .. يصير السحر

الموضوع يبيله جهد وصبر
ما فكرتي وشلون بتتعاملين مع المشاكل عقب الزواج ؟

اتمنى اني ما ازعجج بردودي .. بس شدتني مشكلتج واحاول اهديج على اقد تقدير

__________________
اللهم اني اعوذ بك من زوال نعمتك
وتحول عافيتك .. وفُجأةِ نقمتك
وجميع سخطك

ما أدري أحس أن الحركة شوي صعبة,,
أولا لأنك بعدك بس ملكة ,,
ثانيا ترى أبو طبع ما يغير طبعه!!
ممكن يتعدل يومين بعدين يرجع لطبعه
وممكن مايتغير شي,, أنت شنو أستفدتي,, بس راح تنقهرين زيادةوبس,,
ياعمري أبيك تفهميني الرجاااااال مايفكرون مثلنا..
تخيلي لو كان هو تعبان وما أتصلتي عليه تتوقعين راح يزعل؟؟
إذا يزعل أنا أقول معاك حق,, لكن صدقيني ماراح يزعل لأنه يشوف هذا الشي عاااااااادي وماله لزمه..
يا حبيبتي أهم شي يوفر لك الأشياء اللي تبينها وإذا أحتجتي شي قولي له أبي هالشي أو أو أو ..
لكن سالفة أنك تبين تحسين أنك زوجته الحمد لله قاعد يجهزلك ويدور خاطرك يوم خلاك بينه وبين أخوك ,,
ماسوى هذى الشي لأصحابه أو لأحد غيرك..
فأنا أقول لك عيشي حياتك ولا تنكدين على عمرك توك بأول المشوار .. وبعد الزواج راح يخف أكثر وأكثر ..أنت شراح تسوين بتنكدين على عمرك زيادة ولا بتطلبين الطلاق!!!؟؟
ياعمري أنا لي 3 سنين وهذا هو الواقع بيدك تنقهرين وبيدك تطنشين وتنبسطين
كوني مصدر سعادته عشان أنت راح تستانسين ..

كثيررررررر أسعدني ردك.

اللي أقصده ياعمري، هو مقل بالمكالمات والسؤال من حيث الكم، يعني كل كم يوم يكلم مكالمة وحدة، بس في المكالمة هذي يطول معي كثيررررررر، ممكن خمس ساعات. ياحبيبة قلبي اللي خلاني أتأثر بالشكل هذا هو تعبي، توقعت يهتم بتعبي ويسئل عني. يمكن لو ماكنت تعبانة وهو عارف، يمكن ما إهتميت ولا عصبت.

بس بقولك شغلة، ترى سبق إن سويتها وعاتبت بمسج، على طول يراضيني، مايتحمل أرسل له مسج وكم مرة يترجاني يقولي لا تعاتبيني بمسج لإنك كيذا تقسين علي. هو والله ما أظلمه محترم كثير وحنون كثير بس قاهرني الإهمال هذا.

شورك وهداية الله، بإذن الله ماراح أرسله مسج اليوم، بترك الجوال مفتوح وماراح أقفله، بس إذا دق أقول اللي بخاطري؟؟ بقولك شئ عنه، ترى لو بسوي شكلي زعلانة بس بالأسلوب يعني، ماراح يفهم، بيحسب زعلانة من أحد ثاني أو مضغوطة أو أي سبب ثاني بس لا يمكن يفهم إنه زعلانة من عدم سؤاله. لو أكلمه ببرود، بيظن من الشغل أو شئ. فهمه بطئئئئئئئ في الأمور هذي وأنا بصراحة مالي خلق أعاتب وأشرح وأتكلم، يعني الموقف واضح، وش أكثر من سؤال لما تتعب زوجتك؟

رأيك يالغالية يهمني.

الله يفرج همك يالغالية ويجزاك ألف ألف خير

لو ما أسئل عنه خلال تعبه، بيعاتب بشكل خفيف مرة. بيقولي ليش ماسئلتي عني حبيبتي؟؟. أتذكر مرة كان بيسافر وأنا ماكنت أدري بالضبط متى وقت سفرته، طبعا بالسيارة. كلمني قالي كنت متوقع تدقين وتقولين لي لا تسرع وتوصيني على نفسي.

هو يحب أنا أدلعه وأهتم فيه. ينبسط لما أقوله أخاف عليك وينبسط لما أقوله ألبس وأنتبه لأكلك وينبسط لما أسئله كيف مزاجك وإن شاء الله ما أحد ضايقك. ينبسط من الأشياء البسيطة هذي ويحس بقيمتها. طيب أنا؟ مالي حق أحس بقيمتها؟؟

عموما مثل ماقلتي ياعمري، الرجال شكل تفكيرهم شئ ثاني مختلف كليا عن تفكيرنا. الله يسعد قلبك ويوفقك في حياتك ويجزاك ألف خير.

وصلنا حق المشكلة الاساسيه

الريال يحبج وحنون ومحترم وماعليه كلام

اللي مضايقج انج فترة الليكنتي تعبانه ما سأل

اقول لج شي
ترى احلى فتره هي هالفتره ..
كلموا بعض اكثر ..
اخذوا اللي بخاطر بعض اكثر
لا تخلون مكالماتكم كل كم يوم
خلي نفسج بالنسبه له .. ادمان
مايعرف يمكل يومه قبل ما يسمع صوتج ..
مو 24 ساعه التلفون على اذنج .. لا مو هذي القضيه
بس شفتي لو هو يوميا يتطمن عليج .. بيعرف متى تعاتبين ومتى لا
بيعرف من صوتج متى تعبانه ومتى لا
واذا مايلاحظ هالشغلات على الاقل بيكون فيه تواصل يومي بتقولين له ,, وراح يتطمن عليج اكثر


و مدامه مايلاحظ التلميح خبريه اذا كلمج
قولي له وبنبرة زعل .. ما اعرف اسلوبج واسلوبه انتي ادرى
بس ممكن بنبرة طفوليه فيها دلع عن اللي بخاطرج .. والاحسن في وقت مايكون فيه مشغول باي شي
متفرغ لج انتي 100 بالميه
عشان رده يشبع عاطفتج .. وترتاحين من هالموضوع ومن هالضيق


فديتج ما ابغي منج غير دعوه صادقه في ظهر الغيب بان الله ييسر امر خطبتي ويرزقني كل اللي ببالي

__________________
اللهم اني اعوذ بك من زوال نعمتك
وتحول عافيتك .. وفُجأةِ نقمتك
وجميع سخطك

المشكلة الأساسية لديك ياأخت فراولة بالتفاح أنك لا تدركين أنه يوجد فروق جوهرية في التفكير بين الرجل والمرأة
لذا أنصحك بقراءة كتاب ( الرجال من المريخ والنساء من الزهرة )
وكذلك الاستماع إلى مجموعة أشرطة بعنوان ( ماذا يريد الرجل من زوجته ) للدكتور عبدالله هادي
وكتاب اكتشفي السعادة الزوجية ل د . لورا شلسنجر , وكتاب قوة الزوجات الخفية للمؤلفة السابقة .
وإذا رغبت في المزيد من أسماء الكتب المفيدة يمكنني أن أزودك بها لاحقاً
في الختام اتمنى من كل فتاة مقبلة على الزواج أن تهتم بتثقيف نفسها من ناحية معرفة خصائص الزوج والحياة المشتركة
أكثر من اهتمامها بالملابس والمكياج والمجوهرات
ويمكن اكتساب هذه الثقافة من خلال القراءة أو حضور الدورات الخاصة بهذ الأمر .

سأقول لك من خلال ما مررت به

زوجي أو خطيبي شبيه بخطيبك يتصل لمدة لا تصل للمدة التي تتحدثين بها مع

خطيبك لأنه من دولة أخرى وينقطع لأسابيع

كنت أشعر بمثل ما تشعرين به.. وصارحته.. لكن لا حياة لمن تنادي!

وفي أحد المرات صارحته وعاتبته بشدة لكن بأسلوب مهذب ومؤدب ووقتها عرفت

ظروفه الحقيقية منها كانت ظروفه المادية، ومن بعدها لا أعاتبه أبدا

والآن انعكست الآية صار هو من يسأل ويرسل وإن أهملته

الخلاصة هي أن أغلب الرجال يحسون بقيمة الزوجة إذا ابتعدت عنهم وأهملتهم

ونصيحة خذيها مني لا تكبري الموضوع لأن الأيام القادمة ستحمل أمورا أكبر وأعظم

من أمر كهذا .. وفقك الله وأصلح كل أمورك

بس توكم مالكم اسبوعين لاتحكمين علية يمكن هو يمر بظروف مايقدر يكلم او يطول اصبري علية وادعيله

بعد إذن صاحبته الموضوع أختي دروب الصبر ممكن تعطيني اسماء الكتب عن الزواج الله يوفقك .

__________________