ويهنيج بهــا وبزوجج وعيالج الحلوين .... والله رزقج على نيتج الطيبه فديتج ...
بموضوعج الرووووووعه ذكرتيني بموقف صار لي قبل 3 شهـــور ... احب اذكره بعد اذنج حبيبتي ...
قبل 3 أشهر ... زوجي قال : يالله نروح المول ... طبعا انا استغربت لأنه لا انا ولا زوجي انحب المولات ما نسير لها الا للضرورة ... المهم ما قلت شيء وتجهزت وطلعنا ... يوم وصلنا المواقف ووقفنا عند مرسيدس .. وانا اموت في شيء إسمه مرسيدس ..نزلت وقلت : فدييييت الحلم أنا ... فقال زوجي : تبين السيارة ؟ قلت له : هيه يالله نسرقها ... قال : اقدر اسرقها علشان عيونج ... وانا طبعا اضحك ... فجأة وقف عند السيارة وشوي اسمع صوت فتح السيارة ... وخفت .... وقلت له : يا فلان الله يخليك خلنا نشرد والله ما اباها والله ما اباها ... لحظتها عقلي وقف .. ما فكرت كيف فتح السيارة لأن زوجي محترف بالسيارات .... المهم قال : تعالي بسرعه اركبي السيارة .. وانا ارتجف من الخوف والدمعه شوي وبتنزل .... ويوم ركبت السيارة وجلست .. حضني وقال : مبروووك الترقيه وهذي هديه مني بالمناسبة .... وكسرت خاطره ... ما صدقت لين راواني الاوراق وتأكدت .... والله بكيت من الفرحه والدهشة ومن المفاجأة ... والله فرحتي باهتمام زوجي ورغبته في إسعادي كانت اكبر من فرحتي بالسيارة ..... وتذكرت إني سويت نفس الحركة يوم اهديته سيارة بس على البحر .. يعني وحدة بوحدة حبيت اذكر تجربتي فقط لانها كانت لحظة حلوووه... والسموووحه منج حبوبه