السلام عليكم ...

الحمدلله على سلامتك اختي روح الطير واكيد نورت البلد برجعة اهلها ...

تعليقا على موضوعك ..

ما فيه حبة سحرية تاخذينها وتصيرين زي ما قلتي ...

لكن زوجك ضروري يتحمل المسؤولية وما راح يتحملها طالما فيه غيره شايلها فإنتي لازم تقسي قلبك وترفعي يدك وتتفرجي عليه كيف يتصرف ...
ولا يكسر خاطرك ... اكسري خاطر نفسك .. ارحمي نفسك قبل ترحميه من شي واجب عليه ..

وزي ما قلت لك ما فيه وصفة سحرية لازم تجمدين قلبك خصوووصا ...اني أعتقد ان ما عندكم أطفال حاليا الله يرزقكم يا رب ...

فهذه فرصة ذهبية جدا انك تعودينه على المسؤولية قبل الأطفال ولا ترى بيصير قهرك قهرين ..


الله يساعدك ويفرج همك ويسخرلك زوجك على ما تحبين ،،،

ملاحظة:
صفاته الحلوة تكون ميزة، لو إني اشوفه متحمل مسؤوليتي مع مسؤولية ولده

بس ما أبغى أحرق في أعصابي و أقول ليش و متى ... إلخ ؟
أبغى أعيش حياتي و أطننننننننننننشه ..

و إذا حملته مسؤولية شئ ، لازم يسيئ التصرف و لا يجيب مصيبة لا سمح الله

و على فكرة ..
حتى أهله يشتكوا من طباعه هذه و ما عرفت غير بعد ما تزوجته و جربته
حتى مرة أخته قالت له ( أحمد ربك إنه زوجتك متحملتك و لا لو كنت مكانها ما كنت صبرت)
و قالت لي مرة من سنة ( إنت بتدلعي زوجك مرة و تخربيه بدلعك )

بس ما رديت عليها

كلامك صحيح اختي الحياه اما نعيشها صح والا فلا

بالنسبه لي استسلمت واصبحت سلبيه بعد خيانته لي وقبل كنت احب الحياه والتجديد وروحي حلوه

بالنسبه لموضوع زوجك سبحان الله العظيم نسخه من اللي عندي

يقولون غير جبل ولاتغير طبع

طبعا انتي ماتبغين تغيرين طبعه وايضا ماتقدرين تغيرين طبعك

اختي انا مثلك ما احب الزعل والنكد بيننا يزعلني ارضى بسرعه يطنشني اجيه يهيني اتنازل

آخرتها اليوم قال لي انتي مريضه وشكلك متغير قومي المستشفى قلت له مابغى تعبت من المستشفيات كرهتها انا نفسيتي تعبانه وهي الاهم عندي انت السبب قال لاتهتمي فيني انا طنشيني لاتمرضي نفسك وتتعبي عشاني
شي يقهرررررر

اسم زوج والمسئوليه علي لوحدي اطفال وبيت ومدارس وحتى مصاريف

بس خلاص الى متى !!!

اتكالي .. سلبي .. محملني الجمل بماحمل ..

حتى ماديآ ادعمه بلا حدود كنت اقول في نفسي زوجي وابو اطفالي وحبيبي وشريك حياتي بعد خيانته اكتشفت اني كنت هبله وساذجه ومغفله

المفروض اننا نرمي عليهم المسئولية ونطنش ونعيش حياتنا لكن خلاص انا عودني هو اني اتحمل كل شي وما اصبر ولا اعرف اطنش ولا احب الزعل وهذا كله لصالحه طبعآ وضدي لانه كله من اعصابي وصحتي

اتمنى تحصلي حل وتقدري تقوي نفسك وتغيري طبعك وتعيشي حياتك وماتكوني مثلي ضعيفه ومحطمه

__________________

لا اله الا انت سبحانك اني كنت من الظالمين

ياحبي لك يا طير..

عارفة .. أحسك كتضايقة و مو عارفة وش تبين..

على العموم..

أول شي.. انتي تبين تغيرين نفسك عشان ترتاحين ولا عشان تقهرينه؟!!

لو قلتي عشان ارتاح اقولك أوكي انا معاك..
لكن لو قلتي عشان أقهره صدقيني راح تنتكسين..

لأنك تغيرتي عشان تقهرينه وتحسسينه بنفسه.. وراح تشوفين انه بالعكس انبسط أو ما حس فيك انك تغيرتي

فأنتي راح تنقهرين زياااااااادة..

فحددي انتي وش تبين؟؟

الشي الثاني.
انتي وش اللي مضايقك منه؟؟
وش الوضع اللي انتي تطالبينه فيه؟؟

طريقته بالحياة ولا التزاماتكم ولا موضوع المعيشة ولا شنو؟؟

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

رسيـــــل

الله يسعدك يارب ، أنا أجلت الدكتوراة فترة ببسيطة عشان ظروف عند أهلي
و بأرجع إن شاء الله للغربة .. بس ماني حابة أتغرب من جديد غير بعد ما أصلح أمور كثيرة

عندي ولد واحد ، و زوجي عشان يكره المسؤوليات
يتمنى ما يجي غيره ؟؟؟

يعني مثلا ..
قبل 10 أيام .. ولدي مسخنننننن و استفراغ الله يعزك و اسهال شديد و زوجي بارد ،،
بس يبين لي إنه مهتم عشان لا أزعل منه ..

و لإني أقلمت حالي على طبع زوجي و عشان لا أحرق في نفسي ..
فقمت تصرفت من حالي و دفيت ولدي و زي كذا .. لإنه زوجي قالي مو لازم مستشفى ، بس دفيه
قلت له الإسهال من 3 أيام عنده و دحين استفراغ و سخونة .. بس كبرت عقلي و عملت اللي قاله لي و دفيت ولدي

تحسن ولدي شوي ، بس 4 أيام و رجع من جديد - و الله يعزك - استفراغ و اسهال بقووووووة من الصبح لحد بعد العشاء
اتصلت على زوجي من بعد العصر ، و كعادته في التسويف .. بعد شوي ، بعد شوي أجي ..
لحد بعد العشاء .. شفت ولدي نايم زي اللي مغمى عليه و بس يرجع ..

خرجت بسرعة و أخذت تاكسي من الشارع ، و رحت للمستشفى بنفسي و زوجي لحقني هناك ..
بعد التحاليل ، طلع عند ولدي ( حساسية في الدم ) ، و الدكتور انفجع من لون وجه ولدي و قال أكيد فقر دم شديد
و زي كذا


و بعدين .. إيش الحل في وضع زي كذا ؟؟؟؟؟
و إذا وقتها قلبت وجهي ، يقوم يزعل هو و يطلعني أنا الغلطانة ..

و يطلع لك بحجة من تحت الأرض ، مشغول ؟ السيارة عطلانة ؟ إلخ
بس لو له مصلحة في شئ ، ينسى كل الحجج و تلقيه مثل البرق ، يتصرف بسرعة ..


ماودي أتعب راسي معاه .. لإنه هو تربى في بيئة زي كذا
الغربة ما غيرته ، فما راح أقدر أغيره بنفسي ..


أبغى أتعلم قسوة القلب ..
و مع العلم إنه قلبي دحين قسي عن زمان 50 في المية

بس أبغى قلبي يقسىى على زوجي و بس
مو على باقي االناس ، لإنه مالهم ذنب

دلوعة مودي حبيبتي

إنت طيبة مرررررررة مرة مررررررة ماشاء الله ، كم مرة قلت لك ..
و الله يعطيك القوة على تحمل الظرف الحالي .. من جد قلوبنا معاك
و ربي ما راح يضيع أجرك إن شاء الله ، بس احتسبي الأجر عند ربنا


أنا ( كنت ) مثلك يمكن ، بس تعلمت أخبي طيبتي و ما أظهرها دايما و أتحكم فيها ..
أتحكم في عواطفي ، بس الصراحة زوجي يحزنني مرات ..
و هو عرف كيف يتحكم بالزر هذا .. عارف كيف يراضيني بكلمة ..

اعترف إنه بدأ من سنة و نص ، بدأ يحاول يسعدني و يرضيني و يتغير ،.
بس هو كذا و هذه طاقته.. لإنه تربيته كذا و هو جنوبي و ما حيتغير ..

زوجي يشبه زوجك في بعض الأمور صحيح ..
من ناحية الإتكالية و السكوت و كذا ..

بس الميزة يمكن و اللي مخليني أسكت ..
إنه هناك أمور تعدلت في زوجي للأفضل يوم أقارنها ببداية الزواج
و يوم يجي يحنن قلبي عليه ، يقول ( شوفيني كيف تغيرت عشانك ؟ )


بس لازم أفضل وراه على طووووووووول ..
و أمشي معاه على شعرة معاوية ، أشد و أرخي .. أشد و أرخي ؟؟؟؟

نفسي أطنننننننشه و لا أفكر فيه

أها الحين فهمت.. زوجك بارد اتكالي في كلللل شي..
وفي نظره مدام زوجتي بتحل الموضوع وشوله اتحرك انا..

هو صعب يتغير ويتحمل مسؤولية وانتي صعب تتخلين عن حرارة طبعك..

الحل بعد ما تستقرون إن شاءالله تحطين لك سواق ..

الاشياء المهمة عليك .. والاشياء الأهم عليه..


مثلا لو انحرقت اللمبة عندك في البيت..
مستحيل هو يركبها؟!!
يا أنتي تركبينها أو خلي السواق اللي قلت لك عليه يركبها لك..

خلاص أغسلي ايدك منه.. إدا استقريتي راح يتصلح الوضع..
مو منه .. لا.. أنتي راح ترتبين امورك أكثر .. بحيث ماتتعبين.. وبنفس الوقت تنجزين أمورك..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

يا حبي لك يا أحلانا كلنا
خليتيني من جد أخجل من حالي

يمكن معاك حق ؟
مو عارفة إيش أبغى بالضبط ؟؟؟؟؟ لو كنت أعرف ، ما كنت جيت طلبت مساعدتكم

أنا في حيرة و أعمل نفسي مطنشة ظاهريا ، بس أكل في نفسي و أحاول أتغافل ..
يوم عجزت ، جيت هنا

و المفروض وزني يزيد ، لاغربة و لا دراسة و لاشئ ..
و شغالة أهلي تقوم بكل شئ و أكل من طبخ أمي أو السوق ؟

---------------------------------------------

أول شي.. انتي تبين تغيرين نفسك عشان ترتاحين ولا عشان تقهرينه؟!!
عشان ارتاح ، و عشان ينقهر ..
لإنه تعبني ، و ما أبغى أفكر فيه .. أبغى أتفرغ لنفسي ..

يعني زوجي يوم أطنشه ، يبدأ يتعلق فيا أكثر و يدور عني ..
فأنا أمثل عليه ( ظاهريا ) إنه و الله ما همني .. بس أنا أتمنى من جد إني أكون كذا ( بدون احساس ).. و أتمنى إنه من جد يكون وجوده و غيابه عني ( واحد و مو فارقة معي ) ..
لإني أنا أصلا كذا مع أي شخص أحطه في البلاك ليست ، بس زوجي ما قدرت أبدا ..

---------------------------------------------

لو قلتي عشان ارتاح اقولك أوكي انا معاك..
أهم شئ عندي عشان أرتاح ، هذا الأهم من جد ..

لكن لو قلتي عشان أقهره صدقيني راح تنتكسين..
لأنك تغيرتي عشان تقهرينه وتحسسينه بنفسه..
وراح تشوفين انه بالعكس انبسط أو ما حس فيك انك تغيرتي
فأنتي راح تنقهرين زياااااااادة..
بديت أحس إنه ( قالب ثلج ) ، لو تنطبق السماء عالأرض ما يهتم ..
يمكن لإنه ( صامت ) ؟

بس بأتغير في الأصل (أو بالأصح .. بأرجع لطبيعتي الحقيقية قبل لا أتزوجه ، يوم كنت لا مبالية أبدا)
عشان أبدأ انتبه لنفسي و اهتم في صلاتي ..

زوجي يحب أصلا إنه هو اللي يهتم ، مو العكس .. فهمتي علي ؟
بس لازم يكون ( بالك أطول من باله ، و أنا بالي قصير )

فمرات أحسسه إنه ما همني ( فيبدأ يهتم فيني ) ،،
يوم يشوفني أبادله الإهتمام .. يطنشننننننننننننننننني للدرجة اللي أجلس أصيح فيها من القهر ..

---------------------------------------------

حددي انتي وش تبين؟؟
أبي أقتل احساسي العاطفي تجاهه + أقتل احساسي باالمسؤولية و أكون أبرد منه

لإنه يستغل الحركات اللي يعملها في وجهه و يخليني أحزن عليه ..
و بعدين انقهر من حالي ..

فيا طبع من صغري ، أحزن مرة على الأيتام و الفقراء و الضعفاء و كذا ..
فزوجي يحسسني إنه هذا أكثر شئ قدر يعمله ( عشاني ) .. و أنا غبية أصدق بسرعة ..

---------------------------------------------

انتي وش اللي مضايقك منه؟؟
وش الوضع اللي انتي تطالبينه فيه؟؟

طريقته بالحياة ولا التزاماتكم ولا موضوع المعيشة ولا شنو؟؟

هذه لازم أكتب فيها عن اخر الأحداث في الفترة الأخيرة بشكل سريع،
لإنها هي اللي مذبذتني و مخليتني كذا ..

و تعبت و أنا أفكر من جد ..
لحظات و أجي

أختي روح الطير

هدي شوي الله يهدي بالك

الله يهديك صابه سلبيات زوجك كلها ترى لو استمريتي كذا ما راح تقدري تظلي عنده
أحنا اذا تكلمنا عن شخص حتى لو كان اخوي او أختي وجبت كل سلبياته اكيد نظرتي له راح تتغير

غاليتي ابحثي دائما عن جوانب الايجابيه هذا الشيء فقط اللذي سوف يريحك خذي الامور دائما بإيجابيه

جربي والله يبارك في حياتكم ويقر عينك بما تحبي

حيا الله أختنا الغاليه رو ح الطير نورتي المنتدى بطلتك يالطيبه ونر جع لمشكلتك شوفي ياقلبي ترى إذا عاش الزو ج بوادي والزوجه بوادي ترى هاذي ماتسمى حياة زوجيه لأن الحياة الزوجية تكاتف وترابط وتعاون بين إثنين وكل واحد منكم مكلف بمهمه وعليه مسؤليه أنتم توكم في أول مشوار حياتكم وما عندكم إلا طفل واحد و غدا بإذن سترزقون في المستقبل بأكثر من طفل وأنا في وجهة نظري
كل الإحتياجات والطلبات والمسؤليات بتهون وراح تقدري عليها إن شاء الله إلا شئ واحد وهو مشاركة زوجك في تربية أبنائه بكره يجونك عيال أولاد وبنات و حملك بيصير ثقيل والأولاد يحتاجوا أبوهم معاهم يهتم فيهم يعلمهم ويسأل عنهم في مدارسهم إذا الولد قابلته مشكله لا سمح الله في المدرسه أو الشارع
من بيحلها من بيسأل عنه غير أبوه أنت ماراح تقدري تعملي له شئ ولن تجدي من يخدمك في من أقاربك في ظل وجود
زوجك و إذا جاملك مره ماراح يجامل المرة الثانيه فالمسأله ماهي بسيطه أبد و أنا أختك
إذا إبنك مرض وتعب لقدر الله آخر اليل وزوجك عندك ولا حتى طالع برى البيت لازم تتخذين موقف حازم يا أختي هاذا طفل ممكن لا قدر الله من السخونه
يتعرض لتشنجات و الإسهال والإستفراغ يسبب له جفاف
إذا لم يتم نقله بأسر ع وقت للمستشفى وهاذا طفل أمانه في أعناقكم و حتى لوسيارة زوجك خربانه ياخذ ليموزين أجره أو ياخذ سيارة جاره أو صديقه هو رجل يدبر نفسه
والمفروض أنت ماتتساهلي معاه أبد في هاذي الناحية لو لبست إبنك ولبستي عبايتك وقلت له بالحرف الواحد أنا جاهزه قوم ودني المستشفى الولد تعبان بحزم و لاتخلين له منفذ لأنه أنتم عائلته وأسرته وإذا
ما أهتم فيكم زوجك من بيهتم
غيره أنت حاولي إشراكه بكل شئ معاك إشركيه بكل المسؤليات إذا بغيتي السوق خليه هو بنفسه يوديك لسوق ويمسك العربه وتقضون مع بعض إذا جاب لك أعذار قولي له أنت ماتغار عليه من نظرات الناس وأنا لحالي بالسوق أنت ترضى إن زوجتك تنزل لمكان مختلط لحالها بدون محرم وحاولي إنك تأتين له من ناحية الدين والغيرة على الأعراض أشعلي فيه الحراره وخليه يهتم و يحس بأن عليه مسؤليه أشركيه معاك في كل الإحتياجات مرة بحزم وإصرار ومره بلين ومدح وثناء عليه وخليه يشاركك في جميع إختياراتك ومشترياتك أطلبي منه المجئ معاك على أساس إنك تحبي تاخذي رأيه أو ذ وقه
في شئ تودين شرائه لك أوللبيت وقولي له رأيك مهم
بالنسبه لي و ضروري تأتي معاي و لو وداك لسوق لقضاء إحتياجاتك حاولي تاخذين جميع ماينقصك مرة واحده علشان مايمل من طلباتك له كل شوي ودني السوق ناقص كذا وأبغاك ترو ح معي أحسن شئ قضاء إحتياجاتك مره وحده بالذات مقاضي البيت لأن بعض الرجال ملول مايحب روحات و جيات السوق كل شوي وأفضل شئ إنك تخصصي يوم لمشتريات البيت ويوم آخر لمشترياتك الخاصه
علشان مايتسرب الملل لنفس زوجك بطول الوقت و أنت تقضي و يطفش وقبل كل شئ إتفقي معاه على كذا قولي له
يبو فلان أنا عارفه إنك ماتحب اللفلفه بالسوق و تحمل المشاوير كل يوم فأنا عندي إقتراح ونبغى نتفق عليه من الحين أنا وياك أبغى منك يومين بالشهر يوم تاخذني لسوق أنا وأنت مع بعض وناخذ مقاضي للبيت مرة وحده واليوم الآخر نرو ح مع بعض ناخذ مشترياتي الخاصه أنا وأبني و يومين كافيه بإذن الله تعالى
وأنتي سوي لك ميزانيه وجدول بجميع إحتياجاتك والأشياء إللي ناقصتك للبيت وسجليها بورقه وروحي معاه وأشتري إللي يكفيك لشهر الثاني من جميع الأشياء إللي تحتاجينها ولا تتهاونين معاه بالإتفاق مهما تعذرك أو حاول يراو غ أو يماطل و لاتاخذك طيبتك وحنيتك وتطاوعينه في أعذاره ترى إذا ماحاولتي الإصلاح من الآن ترى في المستقبل بتصير مشكلتك في إصلاحه عويصه وصعبه وفيه مثل يقول إبنك على ماربيتيه وزوجك على ما عودتيه فلا تتساهلي في هاذا الأمر
وخير وسيله لدفاع الهجوم
وأنتي لاتهربي وتستسلمي من أول شئ يواجهك في حياتك
لاتقولي أحبطني و حطمني بتصرفاته وكسر مجاديفي و تحطين كل عبارات اليأس في قاموسك لا خلي عندك ثقه بنفسك وإيمان في داخلك بأنك قادره على تغير زوجك وإصلاحه وإن لا يأس مع الحياة
ومثل ماثابرتي و ذا كرتي وسهرتي و نجحتي في دراستك
حتى و صلتي هاذي المرحله المتقدمه في التعليم و التفوق والنجاح ماشاء الله تبارك الله
فأجتهدي و فكري بعقل وحكمه في سبيل نجاح حياتك الزوجية بالذات إنكم مازلتم في أول المشوار وأنا أعتبر إن بداية المشوار يكون مازال ملئ بالحب و المشاعر والعواطف وكل واحد متعلق بالثاني بشده فعلشان يكبر هالحب و نحافظ عليه لابد أن نهتم فيه و نغذيه حتى يكبر و يزيد في قلوبنا لبعض والإهتمام به و بتغذيته مايكون بالإبتعاد عن شريك حياتك لأن الإبتعاد يولد الجفاف في المشاعر و الأحاسيس تجاه من تحب فلذلك يصير وجوده في حياتك كعدمه سوى حضر أم غاب مرض أو جاع يصير مثل الديكور بس ماله أي وجود في إهتماماتك وإحتمال الرجل إذا أحس بهاذا الإهمال والإبتعاد و التطنيش والحرمان وعدم الإهتمام فيه راح يدور عليه من مصدر ثاني حتى لوكان هو السبب بهاذا الشئ إللي صارله ماراح يعترف بخطئه وراح يحملك أنت المسؤليه كامله بمجرد أول هفوة له لاقدر الله فأنتبهي على حياتك و زوجك و بيتك ولاتغرك طريقة أختك في حياتها مع زوجها ترى الرجال يختلفون عن بعض وإللي ينطبق على زو ج أختك مو معناته ينطبق على زوجك حتى لوتقبل الأمر بالبدايه مع الوقت بيحس بإنه ناقصه شئ
ولو ماحس هناك أناس تفتح العيون المغمضه وأنا أختك
أسأل الله أن يصلح لك زوجك ويجعله لك كما تتمنين و أسأل الله أن يسعدكم و يهنيكم ببعض و يبعد عنكم كل مايكدر صفوكم يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله