اهل زوجي سووا غداء عادة عندهم لكل عريس يرجع من شهر العسل
مع انه مو شهر جلسنا كلها أسبوعين بس ..... إخواته وامه و عمته و أولاده الصغار جايبتهم اخته معاها و عمته تسال عن زوجته ليش ما جت ؟؟؟؟ فرحت انها ما جت و انقهرت على اخته اللي جايبة أولاده و عمته اللي بتقهرني على اساس تنصح بالعدل ... رجعنا بيتنا و كان بنفس قسم خاص بنفس بيته يعني زوجته بقسم وانا بقسم ثاني / و بدات حياتنا بشكل جدي .... يوم يروح لزوجته و يوم يبقي معي !!!! لكن أنا ما تحملت شي فوق طاقتي ماااااااقدر على كذا ... كيف اجلس يوم وحدي أنا ابغاه دائماً جنبي و لا ابغاه يكلم غيري !!! اتعذذذذذذب لكن حاولت اتجاهل أنا كنت عارفة انو متزوج بس ما تخيلت هذا الوضع من يروح لها اشعر بغيرة شديدة و اذا جاء انبسط وان راح بكيييييت لكن كان يراعي مشاعرها جدا مع انه كان يقول ما بينهم تفاهم .... حملت و انبسطت خاصة ان ام طليقي الاول كانت تخليني استخدم مانع وانا اسمع كلامها بكل براااااااءة ما كنت فاهمة ؟؟؟؟ لما حملت كنت ابغاه جنبي ما يروح أبدا لكن هو خاف على مشاعر الاولي مع انه يجلس معي و يمر عليه بيومها بعد .... فجت تبارك لي أنا مو متقبلتها أبدا / و هي ذكية و قوية بعد متحكمه بمشاعرها و أعصابها عكسي تماماً ؟؟؟ و تاخذ أمورها بالتفاهم مو مثلي أتحسس و ابكي و اذا زعلت كرهت كل شي جاءت لزوجي بعثة للخارج و أصريت الا اروح معاه قال انتي حامل و ما يصير لكن الا اروح و رحت معاه و زوجته بقت هنا .... ارتحت شوي منها و من الغيرة و انبسطنا كثيييير / لكن صحيت مره و هو قاعد يكلمها و يقول لها كلام حب و يسال عن أولاده .... سالته مين تكلم قال زميلي / قلت له أني سمعته و لا يكذب علي و ليش تتزوجني وانت تحبها كان جلست معاها و قالي هذي زوجتي مثلك فانا تعبت و انعزلت و قلت له يرجعني لكنه رفض و طنشني كم يوم وأجهضت ..... و بعدها تحسنت نفسيتي و لما خلص بعثته رجعنا !!! فكان يحاول يجمعنا ببعض فكان يقولي كم كلمة وانا اصدق و اروح معهم لكن اتعب نفسياً بعدها خاصة لما تكلمه زوجته او تجلس جنبه او يكلمها أنا صريحة و مشاعري واضحة غير عنهم ... هي بعد تغار لكن ما تظهر غيرتها مثلي بشكل واضح لا الى ما جاء زوجي بيوم و قال لي اغير ستايلي باللبس و الشعر و الميك اب و اغير عبايتي كله عشان زوجته الاولي ما تتضايق أنا عصبت و عاندت و قلت له هي حره بنفسها تلبس مثل ما تبغي و تتحجب على طريقتها وانا حره بنفسي و مو من حقها تتدخل ... زعل و راح يعاقبني و يهجرني لكن طنشت و بديت اكرهه راح يشتكي لابويا فجا ابويا يقولي ليش تسوي كذا أنتي كبرتي المفروض تكوني واعية و راعي زوجة زوجك ،، طبعا ابويا مو حاس فيني و لا يعرف ايش معني ان زوجة زوجي !!! راح ابويا و انتهي الموضوع لكن صار عادة عند زوجي كل مشكلة قالها لابويا و ابويا كل مرة جاي الى ما تعبت و رحت لبيت اهلي و قلت لابويا أني مو متحمله أبدا قالي آنتي فاشلة طول عمرك ما تتغيرين / و بكيييييت و رفضت ارجع اعتزلت الناس و ما صرت اطلع من غرفتي نهائيا !!! و زوجي و لاسال يبدو انه ارتاح و كم يوم و طلقني ... تعبت جدا جدا لكن إخواني مقصروا معي و قفوا جنبي الى ما طلعت من ازمتي و رجعت للحياة / و رحت سجلت معهد تدريبي عشان اقضي وقتي كان عمري 23 تقريبا .. ان شاءالله اكمل بعدالبريك ... |
أبدا الى الأبد / حراااام عليك بشويش علي
و كل المداخلات رجاااااااء كلموني بهدو و لطف عشان استوعب وبدون استخدام الفاظ قوية او تجريح ..... رجاااااااء خاص للكل ... |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|