كل هالعيوب فيه و تبين توافقين !!!
عشان زواجك ينجح لازم يبنى على اسس قوية و صحيحة
عشان عندك تجربة سابقة المفروض يكون اختيارك ادق و بوعي اكثر
تتوقعين انسان بهذا المواصفات بيستمر زواجك ؟ بتقدرين تعشين مع عيوبه ؟ هل هو اب صالح لتربية ابنائه؟
و هذا غير عن كلامه في زوجتة الاولى و تاكتي انه كذاب
و كلامه في زوجته الثانية و كيف تكلم في شرفها
كيف تامنين نفسك معه و هو قعد يتكلم في بنات الناس ؟
تتوقعين اش بيقول فيك بعدين ؟

محشش وكذاب وأكيد مضيع صلاته وش ترجين منه؟؟؟
طبعا لا توافقي ،واقطعي تواصلك به،
أخوك رافض بقوة معه كل الحق،،وهذا دليل حبه الشديد لك وحرصه على مصلحتك،والله لو إنك بنتي او أختي تموتين ولا تتزوجينه،

الله هو الرزاق المعطي الوهاب الجئي له وثقي به وبعطاياه وبمنه وكرمه.

انتي من الاول استخرتي وتركتي

شنو تترجي منه
حشيش ورمى بنات العالم بكلام مو فيهم ,, طليقاته
يعني ما يخاف الله

كلامك نفسه واضح انك مو مقتنعه فيه لكن يمكن متعاطفة معاه وكسر خاطرك

اتركيه وربي يعوضك خير منه

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

تبين تتطلقين للمرة الثالثة ؟؟

منتي مجبرة عليه
حتى لو أنتي مطلقة
والناس اللي تعايرك بطلاقك قبل ترتبط بك
ناس قليلة ذوق،
وولدهم زود مطلق :/
خليها تروح تدور لأخوها بنت بنوت
وانتي لاتدفعين نفسك للخسارة
اهم قرار يتخذه الواحد في حياته قرار الزواج

اعتقد انك عارفة انه مطلق مرتين، وكلها عليه ولاهي له
لكنك تحاولين تتجاهلين المعطيات الي وصلت لك
لانك تخافين ماتتزوجين
المفروض تخافين انك تزوجينه وتنجبين منه وتشوفين المر معاه
وبالنهاية طلاق وكنك يأبو زيد ماغزيت

لمن قلت سمعنا كلام عنك حسيته انقلب وقال ليش تسالون عني اسالوني شخصيا واجاوبكم*







مو معقولة بأسأل عن العريس وبسأله شخصيا عن أخلاقه أو تصرفاته
طبيعي بسأل الناس اللي حواليه سواء إمام المسجد أو أصحابه في الدوام
أو جيرانه

للأمانة انا مصدومة من كونك قررتي تكملي معاه بعد كل اللي عرفتيه وسمعتيه
ترمين نفسك للجحيم بزيجة من شخص بهذه الصفات
يا اختي الانسان على نفسه بصيرة ، شخصص يحشش + ويتبلى على بنات كانوا في يوم تحت عصمته + يكذب !!
كيف تأمنين نفسك معاه وكيف تضمني انه مايطلقك او يعنفك او غيره !!
وبكرة لو جاكم اطفال كيف بتربينهم تربية جيدة وصالحة مع شخص هذه مواصفاته ؟!

ما اعرف سبب طلاقك ولا ظروفك لكن مهما كان وضعك ، ماهو من المنطق ترمين نفسك هالرميه

باذكرلك قصة ليومك وانا اعيش حرقتهاعن بنت عمي والله يفرجها بحق هالايام الفضيله

هي بنت خددومة وطيبة جدا على قدر من الجمال تقدم لها شخص وملكت ولاسباب انفصلوا
بعد الانفصال صاروا ينادوها بالمطلقة للاسف بكل جهل وغباء ، امها وبعض اخواتها كانوا في قمة الجبروت معاها
بسبب كبر سنها نسبيا ولكونها الوحيدة اللي ماتزوجت منهم
على الطالعه والنازلة يعايرونها بمزح وغيره بالمطلقة ، كانت مقربة مني جدا رغم فرق السن الشاسع
تتصل علي تبكي وتشكي واهديها واواسيها بعد فترة تقدم لها شخص من الاقارب البعيدين
مطلق لثلاث حريم ومعه اطفال + معروف بسوء اخلاقه
في البداية تقدم عن طريق بنت اخته لانه كانت علاقتها مع بنت عمي جيدة صحبة وغيره
سألتني بنت عمي وقلتلها لا تفكري ابدا وفعلا بعد استخارة وتفكير رفضت - هذا كله بيني وبينها ووبنت اخته -
صارت بنت اخته تتواصل مع بنت عمي بكثرة يعني صحبة وكذا وتمدح في خالها
بنروح معه بنجي معه جاب لنا ودانا مدري ايش المهم علقت بنت عمي فيه بكلامها -طبعا ماكنت ادري بتواصلهم الكثير هذا-
بعد فترة صعقت بخبر تقدمه لها وانها موافقة اتصلت عليها عاتبتها وهاوشتها بالاصح قالتلي انها حبته وهو من كلام بنت اخته
حنون ومن هالحكي وهذي حياتي والعمر يمشي وهو يبي وحدة حنونة على عياله وانا بحبهم ومن هالكلام
المهم في زواجها نص اخوانها ماحضروا معارضين هالزيجة
بعد الزواج اكتشفت ان كل بناته مايدرسون وقاطعهم من الابتدائي وانه عصبي وعنيف جدا
والحين لها سنتين او اقل جابت بنت منه + لاهي بخير ولا عافية تدور الطلاق منه بكل قوة

قابتلها قبل فترة تقولي ليتني سمعت كلامك وكلام اخواني ليتني مت ولا اخذته
طبعا بنت اخته كل ما اشتكتلها تقولها هذا زوجك واانا ما اتدخل باموركم !!!!!!

الله يفرجلها همها ويفكها منه ياااارب
..


والله لو ماعديتك كاخت مادخلت وكتبتلك
هذا اللي عندي وانتي ادرى بمصلحة نفسك
والله يوفقك ..

ياماما عشانك مطلقة ترمين نفسك للتهلكة!! لا ياغالية أي أسرة راح تبنينها مع محشش ويكذب ويقذف بنات كانو على عصمته في يوما ما..هذا ان دل على قلة مرؤته وشيمته فكيف تسلمينة ولاية أمرك!!؟
وبعدين لاتحطمين نغسك بقولك انا تطلقت مرتين لا ي قلبي الطلاق المرة الاولى كان قبل الدخله يعني يسمى فسخ عقد ومالك عدة لانك وقتها بكر وماتعتبرين مطلقة
وحتى لو انك مطلقة 10 مرات بعيد الشر عنك ماترمي نفسك للتهلكة واسمعي كلام اخوك
معليش اذا قسيت عليك بس لمصلحتك الوحده ليه تتزوج الا عشان ترتاح وتريح اللي معها وتكون أسرة مستقيمة صالحة تحت ظل رجل يخاف الله
اكثري من الدعاء فهالايام الفضيلة أسأل الله بأن يرزقك بمن يخاف الله فيك

أختي الكريمة أولاً صححي
ما كتبتي فلا يجوز كتابة وشاء القدر
فالمشيئة خاصة بالله وحده عز وجل

ثانياً ماذا تريدين أنت بالضبط؟
وما هو هدفك في هذه الحياة؟

الله يسلمكم من كل شر فردا فردا وكل واحده ابدت رايها بالموضوع
ابدا مابزعل من خواتي الله يسعدكم بالنهايه نصيحه حلوه منكم واليوم بلغت اهلي بالقرار الرفض
الحمدالله على كل حال وان شاءالله ربي يعوضني

يالغلا ماكنت بعرف شاء القدر حرام ... وماقدرت اعدل فيها
وهدفي بالحياة اعيش بسلام ومستقره مع رجل بحبني واحبه كحلم اي بنت
وانجب واصير ام ربي يحققها لي والرجال يكون صالح يخاف الله فيني ومسؤؤل عني بكل شيء