كيف هو وضع زوجك المادي؟.

الله كريم ان شاء الله

حالة زوجي المادي الحمدلله

أنا خايفة من المشاكل لأن والد زوجي انسان صعب التعامل معه ولا يقدم أي تنازلات-------------بالاضافة الى انه يريد كل شي متوفر كما هو الحال في بيته!!!

و زوجي لا مبالي زان فتحت معه الموضوع راح يغضب ويثور ويبلغ أهله زوجتي لا تريدكم (لأن زوجي لا يعرف كيف يتعامل مع الناس)

وبالنسبة لاقمتهم ممكن تدوم شهر

__________________

الاخت الفاضله ام فيصل قرات مشكلتك والله اني تفهمتها بشكل كامل لاني مررت خلال هذه المشكله خلال دراستي بالخارج بصراحه الامر صعب شوي خلينا نكون واقعيين بس بعد ما تذكرت الحصار الذي عملته قريش على رسول الله واصحابه لمده 3 سنوات والصحابه من شده النقص في الغذاء تناولو نوى التمر ولله اصبحت المشكله ولا في اسهل منها
اعانك الله على الشهر والضيف بيجي وبتيجي رزقته معاه زي ما بقول المثل

الضيق بالصدور يام فيصل

نوميهم بعيونك وريحيهم لانها ايام معدوده وتكبرين بعين زوجك

شوفي حبيبتي اكيد اهم يايين سياحه يعني كله طلعات والشقه راح تكون بس للنوم وبما ان الديره الي انتي فيها غاليه يعني ماراح يطولون فتحملي لين يروحون وبجذي تكونين ريحتي ضميرج تجاه اهل زوجج وهم راح يحبونج ويقدرون لج هالشي وكسبتي زوجج
ويااختي ابيج تحطين بالج شي واحد (مثل ماراح تخدمينهم راح باجر جنتج (يعني زوجة ولدج تخدمج

والله يوفقج

جزاكم الله خير على النصايح الحلوة

الأخ بايو

ودبدوبة تسلمين

__________________

ان شاء الله مثل ما قلتي أختي زهرا

جزاك الله خير

__________________

عفوا في سؤال محيرني ابي اوجهه للاخ دهن العود عفوا الاخت
فنمت انا بغرفة الضيوف بالحر "و كان مثل العسل على قلبي والله" و زوجي نام مع ابني الصغير بغرفته . .

ليش مانمتي مع ريلج بنفس الغرفة مع ولدج الصغير ؟؟؟

ام فيصل
والله حاسه فيك لاني صار لي نفس الشئ
ويجوني اهل زوجي في الاجازات واحاول اتحمل واقول انشالله اجر لي ان شاءالله
واقوم الفجر واسوي القهوه لابو زوجي ثم الفطور 000الخ
ويكون عندي حالة استنفار في البيت واقول كلها فتره وتروح
والحمدلله تعدي الايام وفي النهايه ارتاح ويروحون وهم راضين وزوجي كمان راضي0

وانا اتوقع اهل زوجك لما يشوفون شقتك ضيقه راح يفهمونها وياخذون لهم شقه اوماراح يطولون الاقامه عندكم0
هونيها وتهون يابنت الحلال0

__________________

عزيزتي /عشان خاطر الغالي كله يهون

وعشان خاطر عين تكرم مدينة

والدنيا سلف ودين فإذا تبغين حريم عيالك يحطونك في عيونهم من الأن حطي أهل زوجك في عيونك

وأعتقد أنهم بيزورونك من حبهم لك.
وإلا لو كانوا مايحبونك ماكان قرروا يزورونك

وصدقيني بتكبرين في عين زوجك أكثر.....وأكثر......وأكثر


وبسألك سؤال / لو قرر أهلك يزورونك ..........هل بتسمحين لزوجك يتذمر ويتعذر ؟؟

__________________