أختي اعود لموضوعك بعد صلاة التراويح ان شاء والله و كل مشكلة إلها حل ان شاء الله سلام عليكم

__________________

بانتظارك حبيبتي..
وشكرا على وقفتك معي ..

أختي بحيرينية

ألم تقولي في موضوعك السابق أنك ستتركينه يفعل مايشاء وتظهري له اللامبالاة

ألم تستمري على هذا المنوال؟

أم أنه لم يجدِ معك؟

أخيتي إرحمي نفسك ولاتعذبيها فيمن لايستحق

إتركيه فلن تستطيعي مراقبة في كل أحواله فهناك من يقوم بالمهمة بدلاً عنك إنهما الملكان

ذكريه أنك لاتعلمين هل تركها أولا ولاتريدين أن تعلمي قولي له يكفي أن الله يعلم وسيأخذ لي حقي منك إن كنت

لي ظالماً

ويكفييييييييييييييييييييييييييييييييي يالغلا حرق لأعصابك

ألم تقولي أنك لاتحبيه فلم تغارين على من لاتحبين؟

__________________

أختي الألمعية ..
يعني لازم هالتحكيرة .. ههههههههههههه

أنا بروحي مادري إذا هذي يسمونها حب وغيرة ..
أنا أشوف إني ما أحبه ولا اغار عليه..
أنا بس أحافظ على كرامتي..
وهذه السوالف مب عدلة في حقي ..
هو غلط في حقي ..
وأنا ما أرضى ..
أنا سكت وايد ..
وتغيرت كثير عن السابق ..
قبل كنت أزعل وأبكي وأتضايق ..
ألحين صار الشي يمر عادي وأتكلم معاه بهدوء..
تدرين ..
هو اللي يفتح موضوعها ..
أنا ماسألته عن شي ..
ولا فتشت من وراه ..

ومهما كان ..
أنا انسانة لي مشاعر..
لا تتوقعين لما أقول لكم ما احبه يعني راح أسكت وأتنازل عن حقي..

وأنا لما قلت جملة ( باخليه يلعب ويسوي اللي يبيه على كيفه ) ..
هذي الجملة أنا قلتها بوقت ضيق..
وأنا معروف عني بوقت الضيق يتوقف مخي عن العمل.. وتتلخبط أفكاري..
وأقول كلام ما اقصده .. وما أستوعبه ..
لكن بعد ما أهدأ .. يرد تفكيري وارجع لصوابي..

وعلى فكرة ..
أحب أقول للأعضاء نقطة مهمة كان المفروض أقولها من زمان بس غفلت عنها..
تذكرون اسلوبي الجديد اللي اتخذته ..؟؟
وهو إني أطنش ولا أهتم وأكون جافة معاه .. بحيث أحسسه إني خلاص ما أغار عليه .. ولا أهتم باللي يسويه ..
بصراحة ..
انا واصلت على هالمنوال لفترة لحد ماكلمني وبين لي ضيقه من هالشي .. وقال إذا ماتحبيني ولا تهتمين فيني ما ارح نقدر نواصل مع بعض ..
وأنا قلت له إنت السبب في هالشي ..
وتصرفاتي هذي كلها نتيجة أخطائك ..
فهو تغير وخلاني أتغير غصب .. لأني مابغيته يدور الحب من بره .. وخصوصا إن عنده لسته احتياط لوقت الأزمات والشدايد ..

والله اذكر شيطونه الله يكفيك شرها والله ماأملك لكي الا الدعاء بان يكفيك شرها ويسخر لك زوجك ويبعد عن الحرام ويرزقك الصبر


وبصراحه شيطونه ماتعرف من هي بحرينيه تلك المراة الصالحه المحبه للخير التى تقف مع كل محتاج بالنصيحه والتوجيه والله لو تعرفينها ياشيطونه كان ماقربت لزوجها بس وش خليتي شيطونه

__________________
اللهم أحفظ اخوننا المسلمين

لا حول و لا قوة الا بالله
شفيه هذه ما تستحي لهذة درجه مرخصة نفسها
الله يعينج اختي ,هو شنو لاقي فيها علشان متمسك فيها جذي
ما اقول الا الله يعطيج صبر

جزاكم الله ألف خير
لمووووووبس ..
ميسونا..
الله يبعد عنا وعن أزواجنا ( شياطين) الأنس والجن ..

أعانك الله وفرج همك .. وجكع بينكما على خير .. هذا أولاً ..

في البداية أحب أحييّ تمسك بزوجك ومنزلك ..

أختي الفاضلة يبدو لي أن زوجك _ هداه الله لا يزال على علاقة بها _

عليك بالصبر وعدم الاستعجال .. فكم امرأة صابرة عوضها الله في صبرها خيراً ..

فالصبر مطلوب لكي نصل إلى الحقيقة ونعطي الفرصة كاملة للطرف الآخر ليصحح وضعه ..

اقتباس:

قبل رمضان بيومين رحنا للديار .. وكنت قد حذرته من معاودة الاتصال بها..

لا تثيرين أهتمامه بها.. بهذه الطريقة ( أخاف يأخذ المسألة عناد ) فعدم الاهتمام قد لا يكون حلاً لكن قد يكون مسكن موضعي بعض الشيء حتى تتوصلان إلى حل بإذن الله ..

بالنسبة للثقة ستعود إليك تدريجياً بعد زوال المشكلة كلياً بإذن الله ..


الله يكشف مصابكم ويوفكم عاجلاً غير أجل ..

__________________

(( سترى حروفي تسير في عقلك !! ))

شكرا أخي الزعيم ..
أنا حذرته بطريقة حلوة .. ( مايحتاج أوصيك )
وقبل أن أكمل هو عرف قصدي ..
وانا كما ذكرت في ردي السابق قلت له هذا لأنه أخبرني بأنه إذا لم يجد مني اهتماما فسيبحث عنه في الخارج..
وهو يحب أن يراني أهتم فيه وأغار عليه ..



أنا محتاااااااااارة ..
ابين له اهتمامي .. وإلا أطنش كما فعلت سابقا وأجد منه تهديدا بأن يبحث عن الاهتمام من غيري ..؟؟

الله يعينك


شوفي أنا ما أبي أحبطك... بس شكله ما تاب! أنا واحدة مريت بتقريباً نفس ظروفك حتي تسلسل الأحداث مشابه... وآخر حل توصلت إليه كان الحرمان العاطفي...


تتوقعين وش كانت النتيجة....؟


تطورت الخيانة للخيانة الجسدية....أنا بعدها عرفت إن مالي قدر ولا قيمة عنده....


قعدت فترة مطنشة بعدين طلبت الطلاق لأسباب أخري غير الخيانة!


وأتطلقنا....!