عزيزتي انا لا الومك على ردة فعلك فمن الطبيعي حدوث التقصير حال المشاكل
والجو المتوتر بينكما ، لكن حل المشكلة يبدا من الجذور عزيزتي .. من الواضح انك لم تعرفي مالذي يثير غضب زوجك بالضبط منك ، وان عرفتيه فلم تجدي الحل المناسب ، تقولين انه يقول (لسانك يبي له قص ) وهناك مثال اوردتيه بشان احضاره لغرض لا ينقص بيتك ، اذا كان ردك (بان الغرض لا تحتاجينه ) يضايقه فغيري طريقة الرد فحسب ، قولي : ماتقصر والله لكن ليتك معلمني قبل لاننا ما نحتاجه موجود وايضا من الواضح انكما لم تتصارحا منذ وقت طويل بشان ما يزعج كلا منكما من جهة الاخر ، لذلك اراه امرا يخدم مصلحتك ويقوي جانبك ان تبدئي انت بهذه الخطوة ، أي ان تبدئي انتي بتهيئة الجو لفترة زمنية معينة (من خلال التجمل والمعاملة اللطيفة وطبخ مايحبه) ثم تصارحينه بجلسة واحدة ، ما رايك ؟ اختاري عنوانا ترينه مناسبا شرط ان يكون مطابقا لمحتوى موضوعك وساغيره .. |
اختي انا ردي كان بناء علي كلامك بدون زعل
تقولي 12 سنه زواج من 4 سنوات منتي مرتاحه ابدا ابدا ابدا من 1 سنه زادت المشاكل والهجر بسبب اصحابه والسهر ايش الي صار بهالاربع سنوات وغير الحال تقولي من صفاتك،،،سريعة الغضب،،،عنيده،،،متسسسسسرعه وهاذي ابغض الصفات الي يراها الرجل بالمراءه ويخليه يتهرب من الجلوس او الاستئناس بها سردتي احداث بالمشكله وايش قلتي له من ردود مثل قللت من احترامي وقيمتي لما ماقال لك عن سفره مو لااني من عائله غنيه ماتصرف علي ابوي يزعل لو انا اصرف ع البيت بسالفة المصروف قلت له لاتكلف ع نفسك طال عمرك شهور وانت ماتدري عنا جت ع هاذي يعني ،،بسالفة موعد البنت!!!! يا حبيبتي هو غلطان اي والله غلطان بس انتي الي المفروض تكوني ذكيه واذكئ منه وتحرجيه بردود افعالك بقولك شي انا مررره زعلني زوجي زعله جامده وصار فيها مواقف الله لايوريكي وصلت للطلاق وتهديده يأخذ عيالي مني رحت لااخوي ابكي بحرقه وقلت له كل شي ،،،سالني اخوي يضربك قلت لا ،،قالي مقصر معك ولايصرف عليكي قلت لا،،، قالي اجل ارجعي تاسفي انتي منه ولمي السالفه ،،،والله اني رجعت مكسوره بس امثل اني مااستغني عنه ولا انا مجروحه من جوا من موقفه ومشت الامور ورب الكعبه من سبع سنين للحين هو يذكرني بهالموقف ويقولي لو الف الدنيا مالقي مثلك كبرتي بعيني من ذيك السالفه علي انه بوقتها قلب السالفه علي واني رجعت لااني انا الغلطانه وشد علي كثير بس طاطيت له،،،وتري زوجي زي مواصفات زوووجك بس العصبيه ازوووووووووووود وصرت اعرفله الحين وارخي معه،،وبعد يسهر احيان علي حساب وقته معي بس احيان اعض ع اسناني وابلع الكلام وبالعكس ماابين ضيقتي لما يرجع متاخر يلاقني مستنيته يقولي معلش اخرتك معي اقوله المهم انت تغير جو وتستانس لااني ادري جلست البيت تهم القلب ،،، ولا ابين اني محرووقه من جو علي سهره واصحابه بالمقابل معطيني حقوقي وزود ولو اقوله ابي لبن العصفور قال تم الله لايغير علينا انا بعد 12سنه متزوجه ،،يعني اتغاااااااااااضي بكيفي ولا انكد عنفسي ولا عليه ،،،بيقولولك الحين اجلسي معه وحاوريه وخيريه بينك وبين اصحابه ولاترضي عنفسك انتي الخسرااانه تري طولت بالكلام يااااارب فهمتيني وعرفتي ان تغير زوجك من تغييرك انتي وتغير مفاهميك ودققي بااخر سطر انتي كتبتيه بمشكلتك ززززززززين |
ايوووووووه جيتي لمربط الفرس انا قعدت اكثر من شهر وانا اجامل واسوي نفسي مبسوطه واكتشفت ان هو الي مبسوط من الوضع وانا امثل واكل في نفسي انا ابي احد يحترمني يحتويني يحسسني باهميتي يهمه امري لا شافني مريضه اهتم فيني لارحت معه مستشفى وتنومت وطلعت قال لي حمدلله على سلامتك مو لووووووح يرفع ضغطي اكثر ولا ينطق معي كلمه اذا زعلان انا يوم رجعت اقول في نفسي بسلم عليه واكون رسميه هههه طلع سابقني ولا مد يده يصافحني فقط قال سلام عليكم وش ترجين منه هذا
|
والله كانك تتكلمممي عن زوجي عشان كذا مشكلتك مرره شدتني
زعووول وعصبي ،،، بس روووووووووضته وتعبت معه كثير،،،،انتي متسسسرعه وبالك مو طويل اصبررري يابنت الحلال وجاملي تري انا بعد من عائله مبسووووطه ماديآ وعندها خير الحمدلله ومهري كان ريال ومؤخري الف بس والوالد بعد يقول نتششششتري رجال وزوجي الحين منصب وماديآ مرتااااااح ومريحني بعد الشهاده لله مو مقصر غضبه امتصه ولايمكن اني اخليه يطوول احاول لين يرضئ مابي اخلق فجوه بينا اتحامل عنفسي احيان وتعوود هو ع اسلوبي بس صار يشيل بقلبه ليا كل خير بالنسبه تبي واحد يحتويكي يحسسك باهميتك !!! تدري هو يقول بخاطره ماتستاهل احتوتيها ولا مشاعري وهاذا انا بعد مريت فيه وعانيت بس الحين لو اقول اه حجز لي بالمستوصف احيان انا ارووح له اقوله ضمني امانه محتاج حنان يعني انا الي اطلب مو هو او اقوله ترئ. محتاجه عاطفه هالايام خصوصآ اني بشهري التاسع وتعبانه يعني اتعبي شوووي ولاتيآسي ولاتحبطي نفسسك وتقولي وش ارتجي منه باين الي عندك يكابر مثل الي عندي بس علي مين يابابا محاصررررته والله السالفه بس يبي لها ذكاااااء وتحدي وطولت نفسسسس شدي حيلك واسمعي كلاااام مدن السلاااام |
طيب إنتي شايفه أن تصرفكم ذا صح؟
لأبد واحد منكم يتنازل حددي النقاط إللي تبينها من زوجك عشان نساعدك لأزم تتغيرون عشان أولأدكم ع الأقل لأتقولين مو حاسين أكيد شايفين تصرفاتكم مو زي تصرفات الأهل الطبيعيين |
كلامك حلو حسستيني ان الدعوى سهالات لكن مره متضايقه من سالفة سفره بدون ما يقول ومن قل مكالماته يعني اقول اعوذ بالله ما يشتاق لي طيب اعياله ما يفكر فيهم
والله الشيطان صار يجيب لي الف شغله وشغله |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|