والله حللت بلهارسيا فى الوحدة مفيش بلهارسيا بس بكرة حلل فى المستشفى علشان المسالك البولية يوم التلات وان شاء الله يطلع حاجة بسيطة علشان انا قلقان اوى والله

الله يشفيك يا اخي ويطمن قلبك

تعرف انت على الاقل أحسن حالا مني

أنا مثلا أصبت بمثل حالتك وأنا في 13 من عمري ولم أطلب أي مساعده طبيه والان أنا أتذكر مثل هذا الموضوع وأقلق لانها لو كانت بلهارسيا وتحولت إلى عدوى مزمنه فالعواقب وخيمه

ربنا يجيب العواقب سليمه ويطمنا أجمعين

يا جماعة حد مختص يقلى دلوقتى اعمل اية انا معتمد على الله ثم عليكم رحت المستشفى الدكتور بعد العذاب الى شفتو هناك ومشاوير قلى مقدرش اقلك الدم الى بينزل منك بتاع اية لانى انا لما ادتلو العينة منزلش دم اصل الدم مرة ينزل ومرة مينزلش ولسوء حظى منزلش دم بس قلى انت البول عندك فيه
صديد واملاح وكتبلى على يوروسولفين فوار و المضاد الحيوي (الامبيسيلين) بس قلى كمان يمكن الدم لية اسباب تانى قلتلو واية العمل قلى حاول اول متنزل دم خد عينة من البيت وتعالى علطول حللها بس يريت يكون يوم الخميس او التلات بس انا مش ضامن ان الدم ينزل فى الوقت دا

بس سؤالى لحضراتكم
1-هل الصديد والاملاح سبب الدم ولا استنى الدم ينزل واحلل تانى انا تعبان اوى من الحكاية دى لان الدم غالبا بينزل وقت من العصر للفجر بعد كدا فى الاوقات دى مفيش مشتشفيات فاتحها

2-ولا اخد العلاج واستنى يمكن اخف

3-انا اخد العلاج دا لحد امتى يعنى يعنى كام يوم (الدكتور مفهمنيش حسبى ربى) ارجو الرد من مختص

4-انا اسف لانى دوشتكم بحكايتى دى بس الناس للناس ومفيش حد بيقدر يعيش فى الدنيا لوحدة وربنا يكرمكم

زى موقفتو جنبى ومتشكرا جدا على مساعدتكم ليا ارجو الرد على اسئلتى من مختص

والسلام ختام

والله يا اخي انا شاكك انك رحت لاخصائي مسالك

اولا المضاد الحيوي هذا غير مجدي في حالتك .( بإمكانك إستخدامه لمدة ثلاثة أيام وأحيانا يجيب نتيجه ) .. كان الاولى لو وصف لك أوجمنتين وهو الخط الاول لعلاج التهابات المسالك يليه مركبات السلفا co- trimoxazole ثم الكوينولونز Quinolones

ثانيا . أول مره أسمع عن حكاية أنه لازم تجيب له البول وقت نزول الدم .. يمكن أنا ماعندي علم عن هذه النقطه لكن أشوفها مش منطقيه .

أنصحك بالذهاب لاخصائي مسالك وهو سيقرر مالفحص اللازم لك

أسباب نزول الدم في البول كثيره جدا

تبدأ من الالتهابات في المسالك والكلى ( ربما هذه هي حالتك ) وممكن الحصوات وتاريخك المرضي من حيث أخذك لأي أدويه أخرى تسبب نزول الدم أو تلون البول باللون الاحمر أو تعرض لاصابه ( خبطه ) وعندك أمراض الدم والقائمه تطول

لازم تعرض نفسك على أخصائي مسالك وهو يقرر الفحص التالي .. غالبا سيقرر لك مزرعة بول وربما أشعه بالصبغه

طيب دلوقتى انا عندى صديد واملاح تنصحونى باى علاج

ارجو الاجابة من مختص