الله يجزاك خير على هاذا الطرح الرائع والطيب وكلامك عين العقل وفعلا لما الزو ج يحترم أم زوجته و يقدرها ويظهر لها معزتها عنده فشيئ
أ كيد إنها بتحبه وتشوفه مثل ولدها وتبادله نفس الشعور
أنا صراحة عن وضع عشته بنفسي يوم كانت أمي عايشه الله يرحمها كانت تحب زوجي مثل ولدها و ماترضى فيه أبد وكان لو قصرت بشئ تنتقدني وكانت إذا تأخرت في طلب لزوجي تقوم الدنيا و تقعدها
وأنتي ماتهتمين وأنتي ماتفكرين إن وراك زو ج ومسؤلية بيت ومن هالكلام وزوجي ينبسط لما يسمعها الإبتسامه تشق وجهه علشان إنها جالسه تهزئ فيه على شانه ولاكن زوجي كان يحترمها و يقدرها وكنا لما نسافر لأهالينا بالإجازه ننزل السوق
ناخذ هدايا والله إ نا كنا ندخل محلات الذهب ويشتري زوجي إما طقمين ذهب متشابهه أو إسوارتين أو خاتمين مثل بعض واحد لأمه وواحد لأمي حتى لوكان هناك إختلاف بسيط في الشكل ماياخذه لازم تكون متشابهه وياخذ قطعتين قماش مثل بعض وقارورتين عطر مثل بعض ويغلف كل هديه على حده ويقدمها هو بنفسه لأمه وأمي حتى وإن وصلنا عند أهله بالأول هدية أمي يحطها بالسياره ماينزلها حتى نرو ح عند أهلي ويعطيها للوالده وألاحظ على زوجي في أثناء تواجدي عنده بوجود أمي ينصرف عني بالكلام ويسولف معاها و لو عنده موضو ع يتشاورها فيه ولو تكلمت معاه يعطيها كامل إهتمامه لوبغت تروح مشوار يوديها له حتى لوكان بنص اليل يخدمها في أي شئ تبغاه والله إنه حتى كوب المويه لوبغى يصب كوب له يسألها بالأول أصب لك يايمه عطشانه وهيه تحبه من تعامله معاها ودائما تمدح فيه لدرجة إن أخواتي المتزوجات قاموا يغاروا يقولوا لي كيف ماتحب أزواجنا مثل ماتحب زوجك .
والحمدالله زوجي ماقد شاف من أمي إلا كل خير وأمي الله يرحمها ويسكنها فسيح جناته
كانت أطيب أم لي ولزوجي .
وهناك بعض الأزواج فعلا هما يتضايقون من أم الزوجه وما يعطونها وجه حتى لو كانت طيبه
بسبب مصطلحات ومفاهيم خاطئه عن أمهات الزوجات وهاذي المفاهيم تعشعش في رأس الزو ج عن أم زوجته مثلا فيه أحد من زملائه يشتكي عليه يقول له أنا زوجتي طيبه ومتفاهمين حنا وياها بس أخ يا أخي إللي مخربتها عليه أمها الحية الرقطى العجوز النحسه الله لايوفقها ولابارك الله فيها من يوم شفت وجهها هالعجوز منغصه عليه عيشتي وأنا أنصحك إنك لو تزوجت إنتبه من أم زوجك لو تعطيها وجه تقلب عيشتك جحيم طبعا الزو ج هاذا إذا كان عقليته وفهمه مش ولابد
تلاقيه يتصور كل أمهات الزوجات شريرات وحشريات وراح يتوقعهم كلهم مثل أم زوجة صديقه بعض الأزواج يعامل أم زوجته بإستعلاء وغرور وهيه المسكينه ماسوت له شئ هو أسلوبه كذا بس علشان يبغى يحسسها إنه شخصيته قويه و علشان ماتفرض نفسها وتدخل في حياته وبعضهم لو ودى زوجته تزور أهلها مع الباب ويرجع مثل ماتفضلت سابقا أخي البليغ في مقدمة موضوعك لاكن بعد مايرجع علشان ياخذها أول ماتركب السياره معاه يسألها وش قالت لك أمك عني لاحظ مايقول أبوك أو أخوك لا على طول المتهمه الرئيسيه في خراب البيوت من وجهة نظره
ولو زوجته إرتكبت أي خطأ عقب جيتها من بيت أهلها ياويلها وسواد ليلها هاذي أمها عبت راسها تبغى تخربها عليه .
صح حنا ماننكر بأن بعض الأمهات سيئات وأنانيات يحشرون أنوفهم في حياة بناتهم
ويتدخلون بكل شئ يخص بناتهم وأحيانا يكون الجزاء من جنس العمل .
أذكر قصة
زوجة عندنا في حارتنا كانت تكره أم زوجها مره ماتطيقها وأمها أرمله جابت أمها و سكنتها عندها في بيتها وزوجها والله كان طيب مع أمها وكان أمها عندها ولد وسبحان الله تزو ج هالولد وزوجته كرهت أمه مثل ما أخته كرهت أم زوجها ويمكن أشد أخوالحرمه اللي تزو ج قدر الله عليه وجاه مرض وتنوم بالمستشفى وجاءت أمه تبغى تزوره وتطمئن عليه بالمستشفى والله إن زوجته طردتها من المستشفى ومن البيت لاتدخله
وجت بنتها تولول وتصيح بين الحريم وتقول زوجة أخوي طردت أمي وأهانتها قدام الناس قالت لها وحده من الجماعه فلانه تحبين أمك تحسين قلبك محروق ومقهور عليها قالت إيه والله أمي مسكينه ماتستاهل قالت لها كما تدين تدان إذا بغيتي زوجة أخوك تحسن لأمك فاأ حسني لأم زوجك المسكينه الحين هاذا صار في أمك بس وبكره زوجة ولدك تسوي فيك أخس من إللي سوته زوجة أخوك في أمك
طبعا هاذي عن زوجات الأبناء
كيف إن الوحده من بعض الحريم تحب أمها و ماترضى عليها بالغلط وأم زوجها تعاملها وكأنها ضرتها مو أم زوجها وجدة عيالها.
ولازم الزو ج يعامل أهل زوجته مثل مازوجته تعامل أهله إلا إذا كان هناك عدم تقبل له من قبل أهل زوجته مثلا لما يرو ح لهم زياره لايستقبلونه ولا يسلمون عليه ولا يعطونه وجه فذاك الوقت يخلي علاقته فيهم رسميه و يبعد عنهم وعن مشاكلهم تفاديا لدرء الأضرار
يمكن يسمع منهم كلمة تجرحه وتكسر خاطره و تغير نفسيته على بنتهم وتصير بينهم مشاكل
مالها أول ولا آخر .
نشكرك أخونا البليغ والله يجزاك خير وربنا يحفظك و يوفقك في كل ماتقد مه في هاذا المنتدى من مواضيع نافعة وهادفه تنفع به إخوانك وأخواتك الأعضاء
بارك الله فيك ونفع بك إخوانك المسلمين .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 25-05-2011 الساعة 01:01 PM