طبعا سياسة الترويض والإخضاع هاذي أحيانا تكون دخيله من الخار ج في حياة الزوجين يجيك شخص قريب من الزو ج من أصدقائه أو أهله يقول له لاتخلي الحرمه تمشيك على كيفها أنت رجل البيت خليها تمشي مثل عقارب الساعه في يدك فيبدأ التأثير على هاذا الزو ج من الخار ج ويبتدي في إصدار الأوامر والتعليمات وكذلك الزوجه قد تأتي لها صديقتها أو أي شخص من أهلها ويبدأون في تعليمها خليك قويه وأفرضي
عليه سيطرتك وخلي كلمتك هيه المسموعه وخليه مثل الخاتم في إصبعك فتبدأ هي في إبراز شخصيتها على زوجها وتبتدي تحاسبه وتعاقبه وكأنه طفل عندها ليش سويت كذا ولاترو ح المكان الفلاني وين طالع وليش تأخرت مارجعت بدري وأبغى تسوي كذا وتعمل كذا
وزوجها أنت وش دخلك أنا الرجل هنا وكلمتي هيه إللي تمشي غصب عنك ولا أشوفك لابسه ولا مسويه كذا وما أبغاك تكلمي صديقاتك أو قريباتك وتطولي معاهم في الكلام ما أبغاك تواصلي تعليمك أنتي بكيفي زوجتي بكيفي أنا حر أمنعك من إللي أبغاه طبعا هي ترد لا ماأنا بكيفك وأنا عندي أهل وماعمره أحد فرض رأيه عليه بالقوه تجي أنت تتحكم فيني لا بعيده عن شواربك وقام صقعها كفين وقال لها روحي بيت أهلك يربونك كيف تحترمي زوجك راحت بيت أهلها وبعد فتره إصطلحو ورجعو لبعضهم لاكن باقي في النفوس بعض الشوائب فتجدهم حياتهم بين مد وجزر وإذا ماتصافت النفوس تلقى حياتهم كلها نكد ومشاكل وكأنهم في معركه كلن يبغى الفوز له والحياة الزوجية إن غاب عنها الإحترام لطرف الآخر وغاب التفاهم والصراحه وكمان التنازلات كل طرف ولابد إن يتنازل لطرف الآخر عن رأيه في بعض الظروف والحالات حتى تبحر سفينه الحياة الزوجية بالسلامه
لابد من التنازلات والتضحيات كل طرف للآخر واللين مادخل في شئ إلا زانه و يجب على أي من الزوجين تقفيل آذانهم من إللي حواليهم وحفض أسرار بيتهم هاذا أولا ثانيا كل طرف يستمع لثاني بإحترام وهدوء وتفاهم وتقبل وجهة نظره حتى وإن لم تعجبك لاتمتعض أمامه و تخليه يحس فيك بعدم تقبلك لرأيه أو طلبه بالسياسه والمشاوره راح توصل لهدفك بأقل الأضرار ونسأل الله أن يسعد كل زوجين مسلمين في الدنيا والآخرة .
أخي سفير القرويين الله يجزاك خير على هاذا الموضوع الطيب
والشيق الذي أستفدنا منه ونسأل الله أن يعطيك حتى يرضيك من خيره و رزقه وواسع فضله اللهم آمين .
31-03-2011, 05:04 AM
ضوابط المشاركة
العرض العادي
