لاتشيلين هم ،، مجرد فضول لا اكثر ولا اقل ،، ويوم حس انه تورط حب يلفق السالفه ،، بالله عليك وش تبينه يقول وهو منحرج منك !!! يقول ايييه والله اتصلت وجلست اسمع 5 دقايق ؟؟؟ يا اختي ماهو كل الرجال خونه او لعابين ،،، اسمعي كلامي وانسي السالفه ، ولاتخربين على نفسك وتكبرين السالفه ، ترا والله ماتسوا .

مشكور اخوي خالد والله معاك حق مو معقوله بيقول كذاا

بس الشيطان لعب علي ....

تصدقون رحمته

اتصلت عليه بسأله بيتعشى بالبيت والا لا

قالي سألت واحد من الشباب عن الاتصال هذا وقال ..................... المهم انو مانسى السالفه

عاد انا حاولت انسيه قلت اهم شي لايحسبونها عليك مبلغ كبير .. انسى السالفه

شي طبيعي كل هذي الارقام يروج لها اهل الفساد

انا حصل واتصل علي رقم ولما كلمت صار صداقه

واكثر شي هذولا السحره اللي من افريقيا

اول ما يقول معك الشيخ اقول والله من الخرطي

هههه وسعي صدرك الخربان خربان والصاحي ما تهزه مكالمه

واعتبري زوجك في مكانك وانتي في مكانه

وش راح تسوين ؟؟؟

قال تعالى : ( لَوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنْفُسِهِمْ خَيْرًا وَقَالُوا هَذَا إِفْكٌ مُبِينٌ ) الآية (12) من سورة النور
تناسي الموضوع ولا تتركي للشيطان مجال

__________________
*********

الذنوب جراحات ورُبَ جرح وقع في مقتل 00

**********

شكرا اخوي سفير الروح

ادري ان الصاحي ماتهزه مكالمه

بس دايما اقول كل انسان مو معصوم عن الخطأ ... وهالزمن يخووووووووووف

لو أنا مكانه كان يمكن قعدت أسمع عشر دقائق ألين تخلص الرسالة ويمكن ألين ترد وحدة وأشوف وش تبي

طبعاً أفعل هذا الشئ من باب الغرابة والفضول وحتى أعرف مايدور في عالم الإستغفال

عرفتي الإن زوجك ليش قعد خمس دقائق ..؟؟

والله ياأميرة إنك بطلة

أعجبتيني الله يحفظك ،، مو بسالفة الجوال طبعا

أعجبتيني في سرعة استجابتك واعترافك بإن ظنونك مالها داعي ..!

البنت الي تطرح مشكلة من هالنوع نااااااااااادرا ماتكون متعقلة !! تلاقين العاطفة والغيرة معميتها ومستحيل تتجاوب إلا مع الردود المؤيدة لها !! لكنك ماشاءالله كنت منصفة وعاقلة ..

ماأقول إلا الله يحفظ لك زوجك ويقر عينك فيه يارب ..

عادي حتى لو دق من بابا الفضول اعتقد مو اكثر

و ترا اكيد مادام انه اتصال غالب اكيد ح يلطعوه على الاجهزة عشان اللي يبغى يتصل من اصحاب النفوس الضعيفة يحاولو يطولو المكالمة معاه عشان يغفلوه و يسحبو فلوسه

و انتي عديها لزوجك طالما انه اعترف اكيد ما فيه شي ان شاء الله

__________________
رب لا تذرني فردا و انت خير الوارثين

فالتّجسّس على المسلمين في الأصل حرام منهيّ عنه، لقوله تعالى: «ولا تجسّسوا» لأنّ فيه تتبّع عورات المسلمين ومعايبهم والاستكشاف عمّا ستروه.
وقد قال صلى الله عليه وسلم: «يا معشر مَنْ آمن بلسانه ولم يدخل الإيمانُ إلى قلبه لا تتبّعوا عوراتِ المسلمين. فإنّ من تتبّعَ عوراتِ المسلمين تتبّع اللّهُ عورتَه حتّى يفضحه ولو في جوف بيته» أخرجه الترمذي


هذا بالنسبة للتجسس.. والله اعلم بالفتوى..

وقرأت مره انه الشئ المخفي عنك لا تصير تتبعه.. لانه الله اخفاه.. والشخص المقابل اخفاه.. فلا تبحث انت..عن هذا الشئ.. فقط ادعي الله.. لانه ممكن معرفتك لهذا الشئ تأثر على هذا الانسان بالسلب وليس الايجاب.. وممكن تخليه ينحرف اكثر مما كان.. لكل انسان ذنوب.. والله من حبه لعبادة يستر عليهم.. واذا استغفروه يغفر لهم.. فلا نتعالى ونصر على البحث عن شئ مخفي..


وكتابتي كانت باسلوب مندفع..


اعتذر اذا زعلك.. بس والله من خوفي عليك وقهرني من اللي يصير.. المرأة من تتزوج يصير علقها طاير مع الرجال.. بشكل يشل كل تفكيرها..


وانا ولا عمري شفت حالة شك وظنون وخرابيطة.. دخلت بيت متزوجين.. وعاش هذا البيت في سعادة.. شبعنا نسمع حالات طلاق وفراق وتشتت اطفال.. وخيانه وغيره..


لازم نحمي بيوتنا من دخول الشيطان.. حلو نتسلح بالدعاء.. استودعي الله زوجك كل يوم.. وادعي ربك انه يبعده عن الحرام هو وعيالك.. واسألي الله لهم الحفظ..


لي قريبة كانت تحب زوجها بشكل جنوني.. لدرجة كانت تحبه اكثر من عيالها.. وتقول انا مالي في عيالي هو اهم.. وما تناديه الا بتدليعه.. واذا شرب سجارة قومت مناحه خايفة على صحته.. وطول ماهو يمشي كانها مسحورة فيه.. وحب بدخل حب تملك دخل وسواس دخل شك.. وغيره وغيره.. واليوم والله تتأسفين لحال زوجها.. والله لو عندي مال لازوج زوجها .. هو يحبها ويدللها وهي صارت تفهم كل شئ بالمعكوس..وصارت تغيب عنه بالشهور.. ولاتتكلم مع وباسوء الالفاظ تنعته.. انا صرت ادافع عنه.. لانه والله مسكين هي حبته حب كبير جدا.. وفجأة تحول الحب الى كره.. والحين حياته هو جحيم.. قصته لو اكتبها تبكي .. اسأل الله يرزقه المال ويعوضه بزوجه حنونه عليه.. وتحبه بعقل..



وواحد نعرفه كذا وصل حب زوجته له للطلاق.. لانه ما كان فيه سيطره .. ولا تحكم بالعقل.. كان كله عاطفة في عاطفة.. اخر شئ صارت مريضة نفسيا من وره الحب الغير مقنن.. والحين مطلقة وهو متزوج ثانية.. وهو ما طلقها الا لانه جاه طلب انه يطلقها ويرحم حالها.. يمكن لما يبعد عنها تتحسن نفسيتها..



وكثير كثير قصص حريم مو قرأتها.. لا بالعكس مرت علي وشفتهم قدام عيوني.. كيف لما دخل الشك والغيرة بيوتهم كيف صار البيت.. وسبحان الله حتى شكل الحرمة يتغير..من كثر الهواجيس والتفكير الغير منطقي.. قسما بالله صاروا قبيحات يقززون..

تغيروا لدرجة ما صرت اعرفهم صار لازم تعرفني بنفسها..


والله يبعدك عن هذي الحالة..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء