حبيبتي ... ما دام انك قلتي انه تغير للاحسن ... فتصرفاتك الحين هي اللي بتخليه يرجع للوضع اللي كان عليه
طلبتي منه يعتذر ويوعدك بأشياء وتغير .. خلاص ليش التصرف السلبي منك الحين ...
غيري اسلوبك زوجك اذا عطيتيه الحب بيتغير ... قلتي انه يستمع لك ... خلاص استغلي هذي النقطة وكلميه وتناقشي
معاه بهدوء ... لا تستحين من موضوع الصلاة ... انصحيه بحب واهتمام مرة مرتين عشرين بالعكس ما فيها حياء
وقبل كل شيء احرصي انك انتي بعد تلتزمين بالصلاة والعبادات واعمال الخير ... علشان يوم تنصحينه ما يمسك عليك
ويقول ترا انتي بعد مقصرة ... اذا الجفا وعدم الاهتمام ما نفعوا مع زوجك جربي الحب والحنان والاهتمام ..

شوفي عن الاغتسال على طول بعد العلاقة قومي طلعي له ملابس وعطريها وقولي له يالله حبيبي اغتسل والبس اللبس
هذا ..
احيانا ادخلي واستحموا مع بعض وعادي حطي له صابون وشامبو مثل الاطفال بكل حب .. يعني قولي له اليوم انا اللي
بسبحك .. وطبعا لا تنسين النصائح والفتاوى بس باسلوب التذكير لان زوجك اكيد يعرف الامور هذي ..
عن الصلاة ولان تركها امر مو هين ابد .. فصارحيه وانصحيه ... وذكريه بالطيب ان اللي يترك الصلاة او يتساهل
فيها عقابه شديد ... اقترحي عليه تروحون العمرة وتبدون حياة جديده بإذن الله ..

بالنسبة لتأخير العلاقة الحميمية معاه ... فاعتقد ان زوجك يعتبرها عدم ثقة فيه ... وهالشيء صعب ..ما لي أي حق
اتدخل في هالشيء لانه قرارك واكيد خذيتيه بعد تفكير ... ولكن اقول استعجلي وانهي من هذا الموضوع لان زوجك
ممكن يصبر ويصبر ويصبر ولكن الصبر له حدود ..

والله يفرج همك يالغاليه ... وادعو لك في هذا الشهر الكريم ان الله يجعل حياتكم كلها خير وعبادة ومحبة وسعادة ياااارب ..