اذا تصرفين راتبك على نفسك وتوفرين منه وتعطين
وتوجبين
لاتسببين مشكله
ترى معظم او كل الموظفات كذا
المشكله اذا بخيل او استغلالياو عينه على فلوسك
والحمدلله بيتكم ملك
مافي مانع نص ونص السفر
الواحد يونس عمره ومايخلي الفلوس مشكله
ولا تقولين بشيل ايده اذا انتي صارمه ببعض المصاريف
زي البيت ومصاريفه
ماراح يغفل عن مسئوليته

النفقة الشرعية هي الملبس والمأكل والمشرب,,, وكسوة العيدين والصيف والشتاء..
والبيت الشرعي.
هذا الي واجب على الزوج توفيره.. اما انه يتكفل بالصالون والشغلات تبعك. هذي مو ملزوم فيها.. ومثل ما قالك ما يبقى من راتبه شي.. وبما انك موظفة عليك تشيلي نفسك بشغلاتك وهذا الي شفته من اخواتي الموظفات.. او ليش انتي موظفة؟؟؟ مو وظيفتك تسحبك من بيتك وتخليك تقصري في بيتك.. اذا تبي يتحمل مصاريفك كان ياخذ له وحدة ربة بيت احسن..

صحيح ان الزوج ملزوم بالنفقه عليكم وعلى البيت ...
لكن .. الان انتي عندك راتب .. المفروض من نفسك ما تاخذين منه ..
اذا عندك راتب وهو بيصرف عليك .. وراتبك شو تسوين فيه .!!
شاركيه بالمصرف مافيها شي أبدا ..
بالحياه الزوجيه لازم تتقاسمون كل شي ..

شكرا ع الردود شايفه الكل اجمع على اني اساعده بالمصاريف وكدا

انا كنت محتاره صراحه لأن اسمع كثير من البنات يقولو كنا بنساعد ازواجنا وحبه حبه صار يبخل عليا وشال يده من مصاريف البيت
انا بس كنت خايفه اوصل لهذي النتيجه عشان كدا استشرتكم
بالذات الرجال ممكن بيكون تفكيركم بيختلف عننا احنا الحريم

شكرا لكم جميعا 🌺 اقتنعت بكلامكم

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

سؤالك مهم اكيد
انا طبعا عندي ولد من زوجي السابق وولدي عايش مع ابوه
لكن ولدي لما يجي عندي ابوه مايرسل اغراضه ف انا اتواى ملابس ولدي وكل احتياجاته حليب حفاضات ملابس سرير وكل شي يخصه ..
وادفع مصاريف سواقي للدوام ومصاريف خارجيه مثلا عندي حب اني اشتري حاجات غاليه زي ماتقولي احب ادلع تفسي بنفسي الماس ذهب شنط ماركات عالميه اعرف زوجي ماحيقدر يجيبها ف انا اجيبها لنفسي زي كدا ..

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

اتركي الاناية انتي تاركة البيت ثمان ساعات يوميا وترجعين تعبانة على حساب البيت وزوجك واخر شي ما تبين حتى تقومين بنفسك؟!!!!

مالك شغل وش يسوي بالفلوس دامه ما قصر على عياله وعلى بيتكم.

الزواج شراكة ومحبه وليست حرب الزوج من حقة بعض العلماء يقول ياخذ من راتبك مقابل سماحة لك بترك البيت والعمل .

وهو طلب منك بس تقومين بنفسك .

احدي ربك على هالنعمة والقناعة كنز لايفنى وما عليك من اهله من راقب الناس مات هما وفاز بالملذات الجسور

اسمحي لي ميما على هذا الكلام لمصلحتك والله

لو تعرفي قيمة الفلوس كان ماقلتي وش يسوي بالفلوس ولازم يقوم بكل شي!
خلينا نعترف أنه أنتي ماتعرفي قيمة الفلوس، والاعتراف هو بداية الحل والعلاج.
أنتي تقولي تحبي تدلعي نفسك! وإيش هوا مفهوم الدلع!؟ هو أنك تشتري دايماً طقم إلماس وذهب!
في عرف كثير من المجتمعات وخصوصاً (الدول المتقدمة اللي دايم نسعى نتشبه فيهم) أن هذا السلوك الاستهلاكي ومايسمى بالتدليع للنفس هو تخلف وجهل.
في الغرب وفي الدول المتحضرة يضعون الدولار المناسب في المكان المناسب
الكثير من البنات في الدول المتقدمة وبالذات الامريكيات هم الأقل انفاقاً على الكماليات ومايسمى بالتدليع.
إذا أردتي أن تنجحي وتبني مستقبلك وتكوني جاهزة لمواجهة العقبات لابد أن تدركي وتؤمني أن راتبك لا يأتي لكي تنفقيه بالهواء أو بالكماليات، لابد أن تستقطعي كإمرأة وكزوجة ليس لديها تلك المسؤوليات مايعادل 50% من راتبك في حساب خاص وتتركيه للزمن، وعليكِ أيضاً بتقليل الاستهلاك والشراء بال 50% الأخرى
الآن الدولة قاعدة تحاول توفر وتضبط أوضاعها ومزنياتها لمواجهة المخاطر وأنتي وغيرك من بعض أفراد المجتمع ولا همهم ولا يشوفون وش اللي قاعد يصير!!

يجب أن نعترف كمجتمع أننا استهلاكيون بشكلٍ مؤلم وغير مقبول، وأن علينا أن نغير ثقافتنا ونرتب أولوياتنا، وهذا لايعني أن نحرم أنفسنا بل نعرف كيف نسعد بحياتنا ونستمتع دون تكاليف كثيرة وباهضة.

أنا رجل غير متزوج وليس لدي مسؤوليات سوا مساعدة أهلي ببعض المصاريف، ولكن مع ذلك أحاول أن أوفر وأجهز نفسي مستقبلاً لأمور كثيرة منها الزواج والأسرة ولذلك أحاول أن أوفر بعضاً من دخلي، فما بالك لو تزوجت بالتأكيد ستكون المصاريف أكثر وسأكون أكثر حرصاً على مسألة تقنين الإنفاق وترتيب الأولويات، وكل أب وزوج عاقل يجب أن يتصرف بدخله وماله بحكمة وإلا سيجد نفسه يوماً محملاً بالديون وصفر الرصيد.

__________________
ياصبحِ لاتِقبل !!
عط الليل من وقتك..

ميما
تذكرت قصتك بالزواج الاول
حبيبتي
ربي رزقك زوج وبيت
لاتخربي بيتك وتبدي تشككي بنوايا زوجك
مصاريفك جدا عاديه
كل الموظفات يصروفنها على نفسهم
ووفري من راتبك شوي
بكره على قوله نيت مان مايندرى وش بيجي

ما قلنا لك ساعدي زوجك.. قلنا مصاريفك الشخصية ... من كماليات وشغلات الي انتي تبيها لنفسك..
او ليش الشباب ياخذون موظفات الحين؟؟ عشان تشيل نفسها بمصاريفها لأن الدنيا الحين مكلفة والواحد يالله يصرف على بيته وعياله ..

خلي راتبك للصالونات والملابس والذهب والمجوهرات
وايضا للمساهمة في السفر مع زوجك

وبصراحه كثر خيره انو يسدد فاتورة جوالك
لو غيره ما سدد غير هاتف المنزل