المساعدات انا ساعدته ب11 الف وقلت انها من امي حتى ماياكلها وللان ماسددها
وكل شهرر مكافأتي عنده وبطاقتي وتوي اخذتها بس مازلت اعطيه ... ومصروفي مايعطيني دايم
واحرم نفسي عششانه اعطيه اياه واجلس بدون شي
واكتشف ان عنده اكثر من الف ...
اما الشكل .. والله مدري كان نظراتي يبين عليها...
بس انا لما اذم شكلي قدامه .. اكشر واتفاعل مع الموقف
بس يمكن مايركب..
يعني مثلا اكون متزينه وشكلي رهيب
وانا اقول العكس ... يمكن هالشيء يخليه يعصب
بس انا متى ماشتقت لكلام حلو منه اذم نفسي
وتركت هالعاده وقلت له لاتجيب سيرة الشكل نهائياً
وانا ماتكلم عن شكلي ابدا من زمان ...
بس تجيه مرات يقولها كذا .. حتى وانا مشغوله عنه ...

ابي اعرف ليه الرجال يتغير على زوجته وحرمها من حبه ودلعه والكلام الحلو
ويقارنها فيه ...؟؟؟
حتى لو قال انا ابيض منك ماهتم صرت اعامله على قد عقله
مرات اقول له هذي خلقة ربي ... الحمدلله على كل شي ..
ويجلس يضحك ..

اما البنت انا شرحت قصتها بالرد اللي قبلك..
وهي من ديرتنا

اختي زوجك عند اسرار هل زوجك كان له علاقه بزوجه السائق الي كان يوصلك وتحرش فيك؟

حبيبتي لا
السائق عزابي

بس من كم شهر كان معذبني كعادته يحبسني لاطلعات ولا جيات ويسافر عني لحاله ويرجع
وان احتاج خذ مكافأتي على انه بيرجعها ثم مايرجعها يصير طيب بنفس اليوم وينقلب علي

كان مكلمني ان صديقه يبغى نعزم زوجته عندنا عشان نتعرف
وكلمتها واتفقت معها وقالت تبي اجيهم بيتهم وانا رفضت
قلت لها تعالي انتي وقالت استحي
قلت لزوجي نتقابل برى قال لا روحي لهم قلت انا اخاف على نفسي
قال اجل كيفهم خليهم يولون
ثم بعدين من كثر ما انا محبوسه ومعذبه جاء مره نسى جواله
وفتحته ولقيت رسايل منها ووحده وسخه ... كاتبه انومك على ذراعي ووووو
انا انقهرت وشفت مكالماته معها الصبح وقت دوامه والعصر لما يكون عندي ومده المكالمات بالدقايق
اما انا يطفش مني يقول لاتدقين علي لاتلزقين فيني ولاتتغزلين
انقهررررت ومسميها خالد ... زعلت عند اهلي بسبب اشياء كثيره وهالشيء فجرني
وماعتذر ولا شي ... واكتشفت انها نفسها زوجه خويه اللي عزمونا
بعد ماقال لي زوجي انهم نفسهم ... بس لما شفت رقمها دقيت من جوال زوجي وردت بنت
ولما كلمتها سكرت
ودقت وتكلمت ولما قلت لها صارحيني سكرت بوجهي
وتأكدت انها علاقه معه وزوجي يقول هذا خويي يتصل من جوال زوجته ويرسل
عاد ماتجي بالعقل ومواقف كثييييييييييره كلها تدل عالخيانه بس تحملت ورجعت له
وبشروطه كمان .... الحين حياتي مقبوله ...احاول اعدي ...واتحمل ليما ربي يحلها ..
انا مختصره كثييييييييير لان قصتي طويله .. وعذابي مع اهل زوجي غير
وتحرش اخوان زوجي فيني شي ثاني والله اشياء كثيره بس اللي بغيته اني اعرف اتصرف مع هالزوج

شوفي يا غالية

مشكلتك و اللي لاحظتها من خلال ردودك :

1 - زوجك بأسلوبه ، خلاك تفقدي الثقة في نفسك
2 - زوجك له علاقة مع زوجة صاحبه
3 - من كثر جلوسك في البيت ، صرتي ما تشوفي غير زوجك ، صرتي تلصقي فيه ، صرتي تستني
رأيه فيك و إعجابه فيك ، يعني لغيتي شخصيتك
4 - بسبب اهتزاز ثقتك بنفسك ، و بسبب ( انقيادك لزوجك ) ، بدأ هو يملّ

الحل :

1 - إنت لازم ترجعي ثقتك في نفسك
2 - لا تعطيه فلوس أبدااااااااااااااااااااااااااااااااااااااااااااااا ااااااااااااااااااااااا ، تحججي بأي شئ
3 - دلعي نفسك ، دلعي نفسك ، دلعي نفسسسسسسسك
4 - لا تنتظري منه مديح و لا إعجاب ، تزيني عشان نفسك ( حـبّي نفسك و أعشقيها )
5 - لا تكوني تابعة ، خلي عندك شوية استقلالية ، مو شوية ، إلا كثيييييير
6 - لا تذمي شكلك ، أخسرييييييييييييييييه إذا جاء ينتقدك ، انظري له نظرة غرور و اضحكي و لا ابتسمي ، حسسيه إنه كلامه ما أثر فيك ، و إنه مهما تكلم ، فإنت أهم شئ رأيك إنت في نفسك

هذه الخطوات لازم تتخذيها

مشكووووره ياقلبي

انا سويت مثل حلولك بس المشكله دفع لاهله فلوس عزبه رمضان وماطلبت منه مصروف
وكله يحن عالمكافأه .. وصرفته ان البطاقه ضاعت وزعل وقال يلا نطلع بدل فاقد
عجزت معه بالاخير قلت ماما خلتها عندها ووداني اجيبها
وزعل مني يقول انتي خايفه اكل فلوسك ومن هالكلام وعطيته
شسوي؟؟؟ غصب عني
لما طلبت وظيفه عصب
وقلت له ظروفنا صعبه وانا محتاجه ومتدينه من اهلي
قال عادي اسددهم لك مع ديوني ...

بس بحاول واحاول ...بقت اخر سنه لي كليه وافتك

اما الثقه سويتها مره .. ..وقهرته هههههههههه وسكتت بعدها

تهاوشت معه لما كثر سفريات ...جاء بيسافر ويطلب مكافأتي ويضحك
قلت انا تاكل ...(كلمة قذره) وعصب مني ..قلت له انت اللي علمتني
يعني تاخذ فلوسي وتسافر بدوني هذا الناقص بس اعتذرت له
وهو جالس يسب ويلعن وطلع كل اللي بقلبه وانا ساكته
بعدين هدأ ...
عرفت اتعامل معه بس

اشكي من قلة رومنسيته وكلامه
وش قصدك استغل بنفسي؟؟
يعني اقعد عاللاب توب واشتغل مثلا؟؟
او ما اخبر باخباري؟؟؟

انا اتخذت اسلوب الغموض وعدم الرد وعدم العناد والشكوى
ونفع معه واعترف بهالشيء... انه اعجبه
بس بجرب حلولك
ومشككوووووره حبيبتي

هلا يونا :

بداية الله يعين زوجك عليك , والله يعينيك على زوجك (يعني الله يوفقكم ويهنيكم )

عندي تعليق على نقطتين :

المشكلة وانا اقرأ مشكلتك لقيت عندك الف مشكلة اهم واعمق

خيانة زوجك , حبسك بالمنزل وعدم السماح لك بالترفيه عن نفسك, عدم الصرف, وفوق البيعة ياخذ فلوسك, مافيه احترام كافي لشخصك , علاقة سيئة باهل الزوج

وبعد هذا كله تجي تسألي اسئلة على وزن
يعني الرجال مايحبون يتدلعون بحريمهم؟؟؟

سؤال ثاني:

ليش دوم يقارن بياضه وشكله فيني؟؟


حبيبتي يونا , حلي المشاكل الحقيقية في حياتك , وبعدين التفتي للفروع,

النقطة الثانية :

انتي مو ملاحظة انه الحوار بينك وبين زوجك يكون احيانا بلا معنى !!

ولا ايش يعني يقول انا ابيض منك !!!
وزوجة اخوك احلى منك, وانتي تجاريه وتردي عليه بدل ماتقولي (عيب والله تتكلم عن زوجة اخوي ) وتنهي الحوار العقيم
وانتي احلى من حريم اخواني وارشق ..............الخ (ايش هالكلام)

اتكلمتي عن غيرته وشكه ... وانا اقول (لادخان من غير نار) طبعا انا ما اتكلم عن اخلاقك لانه واضح انك بنت ناس ومتربية ,

لكن الواضح انك (انسانة تحب لفت الانتباه والاستعراض)

اتذكر مرة قلتي (التقيت صدفة باخوانه , واعجبتهم ) ما ادري كيف عرفتي انك عجبتيهم وما ادري ايش المهم اذا عجبتيهم او لا

الحل : تقدري تخلي زوجك يمدح , ومو شرط في الشكل ,

وسعي اهتماتك , اقرأي , اتفرجي برامج, شوفي اخبار, ناقشيه
اطبخي واتفنني ,
حسني علاقتك مع اهله

وانسي موضوع حلوة واحلى وابيض , ومكياج وكشخة (على الاقل فترة )

هههههههههههه

اختي ..الشكل مو اهتمامي ...زوجي دايم يجيب طاري الشكل
اول شي اول ماتزوجني .. كان طاير فيني
بعدين لما تغير .. مامدحني الا بعد ماشاف حريم اخوانه
وانا كنت اقول له مو من حقك وحرام عليك
وكان يعتبره غيره ...
ولعلمك انا اذا التقيت مع اي رجال حتى لو عمره 12 سنه
اقلب الدنيا نواااااح ... ومارضى احد يشوفني ابدااااااا
لدرجه ان زوجي دوم يقول لي
خير ياطير .. زوجة الملك فهد ؟؟
بس لما يصير الموقف قدامه
يعصب ويقول ليش تخلينهم يشوفونك
وبعدين يسوي نفسه مو مهتم

اما البياض وغيره .. هو اللي يجيب طاريه
وانا ماعمري مدحت نفسي عند احد حتى زوجي
ولا عمره قال فلانه احلا منك حتى ارد عليه

لاعايرني .. قلت له خلقة ربك

بس لا جبت له الامور من ناحية دينيه يقول اني اغار منهم
وهو تفكيره حريمي ... يعني يقارن جمال انثى برجال

انا مو متجاهله اموري الكبيره
بس لانها اكبر مماتتصورين
وصعب حلها
ويبغى لها موضوع خاص

اخوان زوجي عرفت اعجابهم عن طريق بنت حماتي
كانت تقول لي .. وانا اتفاجأ واقعد اجننهم طول اليوم
كيف شافني ومتى؟؟ ومايستحي على وجهه ...

صدقيني انتي فهمتيني خطأ
يمكن لاني اكتب احداث ناقصه

انا اخمددت نار زوجي مؤقتاً لكن احاول اعيش بشوية رومنسيه او افهم زوجي اكثر
بدل ما اعيش ساكته وصابره علطول...

مشكلتي مع زوجي وتحرش اخوانه فيني واصدقائه وكل هذا يبي له كلام كثييييييييير
لانها احداث طويله .. انا تصرفت فيها باني ما انزل لاهله الا للحاجه القصوى
حتى ماحتك معهم ... ولا اارد السلام ولا شيء
عكس باقي حريم اخوانه...!!!!!

كلام كثير ياختي سبب غيرة زوجي المبالغه
بس اسألتي ... كنت ابي جواب عليهها حتى افهم شعور زوجي

وشكرا لك عالمداخله حبيبتي

صح نسيت اقول لك اني اطبخ واتعلم كلل شي جديد
وصارت لي سالفه مع اهله برمضان اللي فات وكنت مظلومه فيها
كنت اكرف .. وخلالها شافوني اخوانه مرات كثييييييييييييييير وبعدها صارت مشكله كبيره ماقدر اذكرها
بس بحاول احكي لك جزء من القصه

زوجي مايتحاور معي ولا يكلمني وان تكلم يتكلم بالشكل وبخرابيط

اتمنى يمدح طبخي او مثلا يحترمني او يشكرني على اي شي

برمضان كنت اشتغل حالي حال حريم اخوان زوجي
بس اكثر منهم
انا عمري 21 وهم 31 وفوق ...
جاء يوم وقال زوجي روحي اشتغلي عندهم
قلت انا اشتغل
قال لا
امي تقول ... خلها توقف طبخ
لاتطبخ مانبيها تتعب
بس تساعد اختك وتغسل صحونهم
طبعا هم كثيييييييييييييييييييير وكلنا عوايل وعيال وزحمه
وبرمضان الاطباق كثيره ينترس المطبخ صحون اكثر من 10 امتار ب10 امتار
طول وعرض .......!!!!!

انا رفضت
وقلت له حنا اتفقنا كل يوم على 2
قال لا وصار مناقشه طويله
قلت له خلاص موافقه ...
قال غصب عنك
انا ماطعته وطبخت لهم عالسريع ونزلت
راحت قالت امه ...قدام الحريم
انتي وين طبخك؟؟؟ باستهزاء.....>تقول لزوجي قل لها لاتطبخ بس تغسل والحين تفشلني
رحت رديت عليها وقلت لها : هذا طبخي سويت نوعين
هي افتشلت وقال : هذا هم؟؟؟ امممممممم
الحمدلله
بعد ماخلصو انا بديت اكنس وانظف واغسل بصحونهم
والله تعبت وكله واقفه وماخلصت الا بعد كم ساعه
وكانت عطلتي الوحيده واكرف للفجر
وجاتني الام برجولي ماعرف اوقف ولا اهتم فيني
صرت مارقى له
حتى لو طلب حقه الشرعي
واخوه كان يجي يساعدني
وانا استحي ماكلمه ولا اكلم اخوانه
قلت له معليه خله
وسكتت لاني استحي
قال معليه ويولع اللمبات لي ويغسل البيالات وكان عليه حركات
زوجي جاء وعصب
قال له روح نظف هناك الصاله
ويقول لي نظفي بعدين
قلت له مافيه وقت ابخلص
حتى اهلي ماشوفهم ...
وظليت يوميا اطبخ وانظف واغسل
وزوجي تعب يطلبني الفراش ورفضت وقلت له لما اخلص شغل بجيك
راح لامه : وكانت تتفرج عالتلفزيون قالت له
زوجتك ماتشتغل ماتسوي شي
كل الشغل على اختك وحريم اخوانك ووووو
زوجي انفجر: قال انتي جالسه هنا تتفرجين ولاتشوفينها تكرف بالمطبخ
انتي ماتحبينها ووووو الخ

بعدها جاني وطلبني ارقى
وانا رفضت لان المواعين ماخلصت ...
حاول معي وكنت ااجل
لما جات 2 ونص وجهزت السحور والعصير والقدور وكل شي
بالنهاية رقيت له
وكان مشتاق لي ... وتاب ..
قال خليهم يولون
وبعدها قال لي لاتغسلين الا بيومك
كل يوم على 2
دامهم يبونك تشتغلين يمسكون ولدنا
ولاتطيعينهم تغسلين لهم مايبين بعينهم

انا بعد التعب خليت هالشغل يبين بعينه
بس وش بعده
كنت اكرف كمان قبل رمضان لان ماعندهم شغاله
بس بارادتي انا

واخوانه يتصيدوني
يقولون لامه من بالمطبخ
تقول زوجة فلان
ويدخلون عناد
والله يتسمرون بوجهي وانا اتخشش اتغطى
بالاخير يتحنحنون

وكم موقف يصير لي

واخوانه يتحججون بالطبخ والشاي
يجون عشان اسوي لهم شاهي ويساعدوني بالشغل ويطالعون بوجهي
انا متغطيه كلي
بس الغطوه تشف شوي

وصارت مشكله كبيره بعدها ماقدر اذكرها
ومشكله ثانيه لاخوه المطوع ..
وتبلو علي ... والشغاله وقفت معي بس ماواجهناهم
لان زوجي خاف عالشغاله وعلى طلاق اخوه من زوجته
حتى زوجته مابقى احد ماتكلمت عني عنده
وكانو يقولون لي ليش دوم مغطيه وجهك مافيه احد

انا من عقدتي مافتح وجهي حتى والباب مقفل

والله سوالف كثيييييييييييييره بس اعجز اقولها

هذا غير ان كرفي وشغلي انقلب علي
صارت ام زوجي تقولل .. زوجة فلان ماتشتغل وتنسب الشغل لغيري

موضوعك وردودك عباره عن ثرثره وكلمات متناثره وجمل غير مترابطه وكأنك تتحدثين الى اشخاص لديهم خلفيه كامله عن حياتك .
لو تحاولي ان تكتبي موضوع مرتب متسلسل وواضح وبعيد عن العاميه
من الممكن ان يكون ذلك اكثر وضوحا وبالتالي تساعدين الناس على مساعدتك

لو كان شاك فيك كان ما قدرتي تكتبين هالموضوع

هو واضح إنه يغار عليك وغيرته بزياده لكن ما اتوقع وصلت مرحلة الشك

وهو يمكن يعتقد إذا مدحك شفتي نفسك وتكبرتي يمكن كذا يناظر لك

وزوجك واضح إنه ما يحب سوالف الحريم فلانه قالت كذا ومعجبه فيني ويمدحون شكلي واضح إنه ما يحبها يعني لاتجيبين سيرتها

بعدين اجلسي معه جلسة مصارحه إذا كان رايق وقولي له وش يعجبك فيني ووش اللي ما يعجبك فيني ما فيه إنسان كامل

يمكن هو يناظر أشياء ما تعجبه فيك وأنتي تشوفينها عاديه وصلحي اللي يغاه منك

وعلى فكره ترى الحياة الزوجيه يصيبها ملل وفتور يعني مو بتله بيتغزل فيك

ويمكن بدا يمل هو يتغزل ويمدح وأنتي ما تتغزلين فيه ولا تمدحين يبغاك تبادلينه الشعور

الزوج طفل عند زوجته يبيها تعطف عليه تهتم فيه <<< عطيه حقوقه وإن شاء الله ما يقصر معك مو كل وقتك مهتمه بولدك وساحبه عليه

الله يوفقك ويسعدك