انا اشوف الموضوع عادي وطبيعي، الموضوع ليس اجباري وفرض

انتي تحبين الاكشن ودراما

بعد فترة من الزمن سيتغدى مع أهلك

وليش جارحك ؟ ليش محسسك ولا شيء ؟ قيمتك بتواصله مع اهلك ؟
معليش يحتاج تغيري قناعاتك
مو متواصل مع اهلك اما انه زعلان منهم على ردة فعلهم او متفشل منهم ،، او يشوف انه الاحتكاك معهم ممكن يودي لمشاكل !! المهم انه شيء بين زوجك وبينهم وانت مالك دخل !

ولنفرض اسوا اسوا الاحتمالات يسوي كذا عشان يذلك ويجرحك !

لو قاطعتي اهله هل بيخس بنفس الاحساس ؟ هل بيقول احس اني ولا شيء عشان ما تواصل اهلي ؟ والا بيمسكها عليك ويقول حتى اهلي ما تواصلهم ويسويها قضيه ومشكله ويثبت رايه انه انت مغرورة !!

نصيحة لك في كل حياتك الزوجية ،، قبل اي فعل تتخذينه فكري في اهدافك اولا ،، مكاسبك وخسايرك من فعلك هذا وقارنيها باهدافك

مو تروحين تقلدين زوجك على اساس انه يبقكر زيك وبيحس بالغلط !! ابدا

حصل شخصيا بين زوجي ووالدي خلاف استمر لسنوات ،،
هدفي الاصلاح بينهم عشان عيالنا لما يكبرون يشوفون علاقة جيدة

اروح عند ابوي اقول والله زوجي يمدح تربيتك صار يسوي كذا وكذا مع عياله لانه شاف نتيجة التربية كذا

اروح عند زوجي اقول والله ابوي يثني على تربيتك ويقول الحمد لله وفقت بنتي في زواجها

الان : افضل علاقة بين ابي وازواج بناته ،، ما اقول اصحاب لكن احتران وتقدير من الطرفين

وراء الستاير : لا زوجي مدح تربيه ابوي ولا ابوي مدح تربية زوجي كله كلام من عندي حتى اصلح بينهم !

وقت المشاكل ، تخلي زوجك ( أسوأ رجل بالكون ) ..

و هذه الأفعال الكويسة ( نسيتيها ) ؟؟؟؟؟؟؟؟؟
و ماكنتي تقوليها ..

.
.

بعدي عن النكد و مافي شي يجي بالقوة ..

انت السبب خربتي العلاقة بينهم ، خلاص لا تغصبيه

ياروح ماجيت حتى اسمع: انتي السبب
زوجي كان غلطان معي من ساسه لراسه
والان تعدل وصار يتعذر عن اخطاءه فعلا وكلاما
وطبيعي وقت المشكله ألجأ لاهلي
ما اجرمت

ان شاء الله اكون فاهمه غلط واحب الدراما
يارب كلامك صحيح

لا هو مو قاصد يذاني ويجرحني
ولاهي قصه متفشل منهم
هو اكثر شايل على امي
لانها عطته حظر وهالشي صدمه
واحسه كرههاااااا
علما بأن امي تصرفت من رأسها
انا عرفت بعدين انها عملت حظر له
هالشي خلى زوجي يحقد عليها
حتى اسمها صار مايطيق يسمعه
الاحظ هالشي اذا سولفت بنتي
وانا امي تفدى عندي الكون باللي فيه
فمتضايقه ومابيدي شي

أهم شي كافيهم شره.. مو لازم يحب أمك
إنت أمك بالنسبة لك الكون هذا شيء طبيعي جدا
قاعدة تخلطي موضوعين في بعض ، علاقتك معاه وحياتكم الخاصة، مع علاقته بأمك
طالما ما ذكرها بسوء ولا قل أدبه، فشعوره تجاهها مالك حق تتحكمي فيه ولا تلوميه

ياليت والله
انا احب اهلي وزوجي بنفس الوقت
مو هاين علي هالحرب الصامته

وهو لما اخذني وقتها سلم عليهم كمجامله
بعدها ماعاد شافهم ولا كلمهم

كل هذي الصفات الحلوه بزوجك وكل شويه متمشكله معه على شي ما يسوى!!
لين وصل الحال لما وصل له!! الله المستعان بس والله يعينه

اعطيه فرصه ينسى حتى لو وصلت لشهرين ثلاثه ما بطير الدنيا
ما دام ما سب اهلك ولا اساء لهم احمدي ربك
انتي باندفاعك وتدقيقك وتضخيمك اللي غيرتيه من رجل شبه مثالي الى حاله الان
خلاص اصبري على تعديل اغلاطك

كلامك صحيح لو هو من اول ماتزوجنا كذا
لكنه تغير 180 درجة عليها