قلت لك اختي تتحدث الإنجليزي بطلاقة
عملية جدا ولبسها محتشم.. وهذا خلانا مطمنين
يعني ان خذ القرار على قياس زوجتك
وانت اعرف فيها من الناس


ونتكلم بصراحة اكثر
ذهابها للدول الغربية افضل بكثير من العربية
هناك الأمور اكثر امن من العالم العربي
كل واحد عارف حدوده.. محد يطالع بالثاني
يخافون من القانون والأنظمة
والشرطة بكل مكان
والفساد بس للي يروح له


بقي نقطة وحدة
انت تقول زوجتك اول مرة تسافر أمريكا
طيب هل سافرت قبل كذا لدول ثانية؟
فرنسا اسبانيا كندا ماليزيا تركيا الخ؟
اذا كانت نهائي ماقد سافرت للخارج
فيمكن تتوتر شوي وترتبك لانها اول تجربة
وهنا فعلا يحق لك تقلق عليها

ايه اول مره وماقد سافرت لأي دولة

الموافقة ارى انها جزء من شهامتك ومرجلتك وموقف يحسب لك ولا ينسى.

لكن كانك تلقي بهم للتهلكة كيف يذهبون بدون احد و اول مرة يسافرون برى.

وبدون محرم فيه مخاطر كثيرة اكمل شهامتك وخذ اجازة واذهب معهم.

اذا قدرت تسافر معهم فانت ماجور ان شاء الله
اما سفرها بدون محرم هذا محرم شرعا ومستنكر عرفا

نعم يمكنك ترتيب كل شي عن طريق الانترنت

*من يستقبلهم في المطار
هناك مواقع تحجز تاكسي للاستقبال من المطار للفندق والعكس
تحدد اليوم والوقت ونوع السيارة وتدفع اون لاين

*تحجز فندق قريب من المستشفى
يوجد الكثير من المواقع تبحث فيها عن فندق قريب من المشفى وتحجز للفترة المطلوبة
انصحك بالابتعاد عن الموتيلات الرخيصة فهي غير امنه اللي تجي ابواب الغرف على الخارج
بعض المستشفيات يكون بينها وبين الفنادق القريبة اتفاقية بحيث المشفى يدل على الفندق والفندق يعطي بسعر مخفض اسالوا المستشفى

*بالنسبه للمال
هنا يمكنهم استخدام البطاقة الاتمانيه في جميع الاماكن حتى التاكسي
لا افضل حملها لاي كاش معها
اعيش هنا منذ سنوات ونادرا ما احتاج كاش

الله يشفيها من كل شر
ام زوجتك وين عيالها وين زوجها وين خوانها!!
بصراحة ما انصح ابدا
حريم يسافرون للخارج واول مرة وبدون محرم شي صعب جدا للغاية
انا لو مكانك ما اوفق ابدا

__________________
سبحان الله وبحمده سبحان الله العظيم

عادي جدا جدا جدا وامريكا امان ويحترمون المرأة أتحدى اذا احد بيضايقهم
وبالمطار لو يعرفون ان امها مريضة يخلونهم ڤي اي بي ومعاملة خاصة انا مجربة👍

ومافي اي تعرض نهااااائي .. اسمع كلام شخص مجرب مو شخص ماعمره شاف امريكا ولا شاف المعاملة طبيعي الشخص بيتخوف اذا ماجرب الشيء

__________________
سبحان الله وبحمده ، سبحان الله العظيم

اجمالاً الأمور سهلة، بس يحتاجون من يساعدهم أول يومين خصوصاً أن اللغة وسط حقت زوجتك
لكن عندي لك رأي وهو في الفيس بوك فيه قروب أسمه سعوديون في شيكاغو
سجل فيه وبس نزل خبر أنه تبي أي وحدة من الأخوات تساعد زوجتك وأمها، واشرح لهم السبب، وأذكر أنهم من الممكن أن تتواصل البنت اللي عندها استعداد مباشرة مع زوجتك.
وصدقني تبي تلقى العشرات من الأخوات اللي يحبون المساعدة
وتطمن البنات هناك شقرديات ويحبن الخير وينشد بهن الضهر الله يحفظهن، راح يضبطن لها سكن ومواصلات وتوجيهات واقتراحات، ويبي يعزمنهن بعد على كبسة
ولو احتجت مزيد من المساعدة قلي فيه صديق هندي امريكي وأمون عليه هناك ساكن وابن حلال يمكن يساعدك هو وزوجته من دون أي تكاليف
الأمور سهلة بس تحتاج أول يومين تضبيط وخلاص تسلك الدعوى

__________________
ياصبحِ لاتِقبل !!
عط الليل من وقتك..

فيه عدة امور يجب اخذها بالاعتبار
هل هي البنت الوحيده او الكبيره؟
ليس لها اخوة ذكور؟
وضع والدها الصحي والعلمي بحيث يقدر يرافقهم؟
شخصية زوجتك تتحمل المسؤليه وتستطيع التصرف لوحدها او خجولة وخوافه؟

__________________
مادمت تنوي الخير..فأنت بخير

معليش تسافر بدون محرم وين الشرع ؟ز وين الغيرة وين رجولتك
كيف تضمن ماتتعرض لاي شيء سواءا فالطيارة او في هذي الدوله
انا زوجتي وهي فالدمام وانا في جدة اذا كانت تبي تجيني احجز تذكره لهم الدمام واخذهم وارجع جده
ولمن يبغو يرجعو اسوي احجز لي ولهم ونرجع سوى
وفي بلد الامان والاسلام
وانت تبغى تخليهم يسافرو دوله الفجور وبدون محرم!!