المشاركة الأصلية كتبت بواسطة مدن السلام

غلاتي غلط انك ما تزعلين .. يمكن الي نصحتك ماعرفت
توصلها لك بالاسلوب الصحيح ..

لازم تعرفين اول وش الشي الي يستاهل الزعل وش الي مايستاهل
حنا الحريم مصيبة مانعرف نفرق بس لو نفكر شوي بنقدر نميز

ثاني شي اسلوب الزعل لازم يكون ذوق يخلي زوجك ينحرج من سواياه
يعني لو مد لسانه عليك اول مررة اعطيه نظرة عتب سريعة واسكتي
ثاني مرة .. ثالث مرة .. احسبيها ثلاث مرات تسكتين فيها .. اذا
جاك بعدها يراضيك (باساليب كثير ابسطها مزحة دعوة على عشا سوالف )
ردي عليه بشكل طبيعي كانه ما سوى شي .. لو استمر على الغلط
ردي وقولي شكرا وروحي .. غيري المكان عشان ماتعطينه فرصة يتمادى

لكن رد الصاع صاعين صدقيني يشجعه يحطمك زيادة ويتجرا عليك اكثر

بخصوص المزاجية .. لا تقربين منه لا تكلمينه لو معصب .. اسلم لك
واذا حزين وقافلة معه بعد لا تكلمينه بس الفرق : لا تاخذين راحتك بالكلام
وبيني له من بعيد لبعيد انك مهتمة له
يعني لو شفتيه متضايق قولي اساعدك بشي مضايقك بشي ؟ بس كلمتين
لا تطولين حكي . رد عليك وفضفض تمام .. لو رد كلمة وغطاها معناها = ما يبي
يحكي .. احترمي خصوصيته واتركيه لحاله شوي .. لين ترتاح نفسيته

عموما . ...

لسا ما فات الوقت ودايم في فرصة نصحح اغلاطنا
الان لو مد لسانه عليك سوي الخطوات الي قلت لك ..
اذا نفسيتك تعبانة هاليومين روحي عند اهلك كم يوم وغيري جو
لين تهدا نفسيتك .. وارجعي له معنوياتك مرتفعة وانتبهي لاسلوب التعامل ولا تقولين
ماعاد يمدي .. يمدي بس شوي شوي تتغيرين مو بسرعة

واضح ؟