يعطيك العافيه ماقصرتي 💕

لا حول ولا قوة الا بالله ياربي ضاق صدري

على كلام بنت عمي تقول يمدحونك من ناحيه الطبخ واهتمامي ب ولدي و زوجي شافو تغير بعد زواجنا من لابسه واذا راح لدوام مجهزه له القهوه والشاهي والفطور
يمدحون شكلي امي الله يهديها ما تغطيت الا وانا في ثاني متوسط كل ما تذكريت اجلس ابكي احسني مفضوحه عندهم
تكفون ضايقه فيني الدنيا كيف اتعامل معه اهمل البيت واهمله هو عشان يرتاح ولا وش اسوي مابي توصل للطلاق

بِسْم الله والصلاة والسلام على رسول الله

أختنا سأنصحك إن وفقت فمن الله و إن أخطأت فمن نفسي والشيطان ولا حول ولا قوة إلا بالله

أختاري وقت مناسب عشان تكلمي فيه زوجك وياليت يكون في خارج البيت في مكان مفتوح في الشاطىء مثلاً أو البر إن أمكن ذلك وإن تعذر ففي البيت المهم يكون جو روقان

بلغيه أنكِ أنت عرضه وأنكِ كلك له وحده وأنك لا تحبين أن يمدحك أحد سواه بل على العكس مدح الناس لك يضايقك ولا تفرحين به لأنك لا تحبين تسمعين المدح إلا من حبيبك وغاليك أبو عيالك

وقولي له أنا ضعيفه ولا أقوى على شيء معتمده على الله ثم عليك يا الغالي لنوقف الناس عن مدحي اللي يضايقني ويضايقك ونتاجوز هذه المشكلة اللي مأرقاتني ومأرقاتك

وقوليله الحين يا غالي بسندي بعد الله ما الذي تراه مناسب لنعمله لنتجاوز هذه المشكلة ونوقف كلام هؤلاء الناس ومدحهم لي

واسمعي له واتركيه يقترح مايريد و قولي له اختار اللي تشوفه مناسب و أنا شوري ورأيي ما يطلع من رأيك أنت رجلي الغالي أبو عيالي و امدحيه وامدحي الحل اللي حطه وبإذن الله سيشعر بالأمان والثقة و سيعلم أنكم متشاركان في نفس الهم وأن معاناته معاناتك

وكانت ردته عكس هذا كأن يهاجمك أو يهاجم أهلك بأن يقول أنت السبب أو أهلك يخبرون الناس
أمتصيه وقولي له أنا الآن زوجتك وأنت حبيبي وأنا ما أقوى على شيء الا بك بعد الله وعطيه أحساس بضعفك فعلاً وأنك مالك ذنب وعيدي عليه يعطيك حلول وبإذن الله سيتجاوب معك حينها وسيكون وضعكم أفضل وسكري على الموضوع بعدها في حينها وعيش ليلتكم الجميلة ولكن بيني أنك ضعيفه وأنك لا تقوين بعد الله إلا به

حتى يصدق أن أنت مالك ذنب ويسعى هو في الحلول اللي يحطها

ملاحظة أي حل يضعه قيسيه على الكتاب والسنة لو وافقهم كان بها ولو شككتي في أنه ممكن يكون حرام لا تعترضي عليه مباشرة بس ضعي له سؤال من خوفك عليه لا يقع في الحرام أو يورط نفسه في أشياء محرمه واشيري عليه يستفتي شيخ في ما يريد فعله


أسأل الله أن يشرح الصدور ويفرج الهموم وييسر الأمور ويستر العيوب

طبعاً لا تهمليه

إن شاء الله يتعدل بعد هذه المصارحة

وبشرينا بجديدك في أقرب فرصه بإذن الله

محب السنه
جزاك الله الله يوسع عليك ان شاءالله اسووي اللي قلته لي انشرح صدري بعد كلامك من ضيقه حتى دوامي ما رحت له و مانمت من امس
ان شاءالله ابشرك بالخير يارب

زوجك يمكن يفهم من كلام الناس ...
انه انتي كثيير عليه ..
ويمكن عشان سمعت اهلك جيده هو يتصرف هكذا ..
انت ابحث عن شي في اهله .. مثل انجاز قام به احد اهله حتى اذا كان بسيط ...ابحثي عنه وطلعيه من جد جده ...المهم انت تجدي هذا الشي ..وتمدحيه ...
ابدأ هكذا ....
مثل امدحي قولي له ...كمثال .. انت الرجال محد يقدر عليكم .. مو مثلنا نحنا البنات ينضحك علينا بسرعه ...
وجبي له مثال يكون واضح وحقيقي ...

المدح كذا من دون شي .... كانك تمدحين طفل ... ما يتقبله الشخص البالغ ...وبصراحه طبيعي يشعر بالاهانه

اهم شي يكون الشي اللي راح تمدحينه ..واضح وحقيقي ..
عشان يقدر يشوفه ...
احيانا الانسان لما يشعر بفقد او نقص في شي واااحد من الاشياء اللي عنده
ما يستطيع ان يري باقي الاشياء اللي موجوده عنده ويمتلكها

ومض القمر
انا ما اتكلم عن اهله بخير او بالشر
بس ماشاءالله عنده خوات تقطر السناعه منهم جد جد وقد قلت له مره هو انبسط كثير
انا الحين مو قادره اتكلم معه احس ب ضيقه منه
بس فتحت الموضوع مع امي قالت لي اصبري حلي مشكلتك بالدعاء هذا هو حل امي سكت امي تعبانه نفسيتها وتحسفت اني فتحت الموضوع معها 😔
طيب عادي اروح بيت اهلي اجلس فتره عندهم تعبت منه ابي ارتاح شوي
ولا اجلس في بيتي رايكم !!؟

لا تستهينين بحل امك ابدا
واذا رحتي عند اهلك بيتغير شي؟ ولا يترجعين وهو شايل عليك أكثر
خليك في بيتك وانشغلي بنفسك وولدك
غيري طريقة تعاملك معاه ،، خليك غامضة لا تهملين في البيت شي
لكن خففي من الخدمات والامتيازات اللي كنتي تسوينها له ، خليه يفقدها
وطنشي تصرفاته اللي يستفزك فيها ..لا تدققين على كل صغيرة وكبيرة

__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..


[IMG]http://im67.***********/mg87DX.gif[/IMG]