أي واحد من محارمها يرفع قضية عدم تكافؤ يكسبها سلام سلام
مالها علاقة بإنهم يعرفون أو لا
هم ما زوجوه الا عارفينه
ارجعوا لقصص من فرق بينهم بدعوى عدم التكافؤ وبتلاقون العجب العجاب
بعد3 و4 بزارين يطلع عمها والا اخوها اللي من ابوها ويقول ابوي زوجها من ليس بكفأ!!

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

للاسف فيه للان ناس بهالعقليه
شخصيته قويه ولها سلطه

السؤال المهم جدا هل هناك في القضاء الاسلامي شيء اسمه عدم تكافؤ النسب ؟ وهل يمكن التفريق بين الازواج لهذا السبب ؟
مع العلم ان هذه الفكرة تخالف مقاصد الشريعة الكبرى من العدل وان الناس سواسية كأسنان المشط !

__________________
تَلَوْا باطِلاً، وجلَوْا صارِماً، وقالوا: صدَقنا! فقلتم: نعَم!

للاسف يوجد
طيب نسب اهل زوجي افضل من نسبنا
ليه اهله ماعارضو

امس كلمته ومن 4سنوات ماسمعة
صوته ولاشفته
سالته ايش هدفك لما تبغا تفرقنا
يقول ابيلك السمعه الزينه
وازوجك افضل واحد بالعايله
رديت عليه زوجي يسوا الكل عندي وماراح ابدله باحد ولاتحسب اني لما دقيت عليك خايفه
لاوالله بس حبيت ابين لك ان لما ما تكف شرك عني راح ارفع قضيه تخبيب عليك
ادري ان المفروض اكون محترمتك بس انت ماخليت فيها احترام

انت تهمك سمعتك فايش بتتوقع لما يعرفو
كل القبيله انك بتفرق بين زوجين وانو بنت ولدك بترفع عليك قضيه الكل راح يلومك
وبيقولو اذا هذى كبيرنا يبي يفرق بين زوجين ايش خلا لصغار
واوعدك الكلام هذى
مايطلع مني لاني احترمك وتضل جدي
بس ماراح اسكت لو تحاول تفرق بيني وبين اولادي وزوجي


وسكرت الخط
الكلام قبل اقوله كتبته
عشان مااكثر معاه بالكلام ولااخليله فرصه لتبرير

ولانه يخاف على سمعته قدام الكل
قلتله هذى الكلام

الله يستر وحسبي الله ونعمل وكيل

برافو عليج توتي خلج قويــة ودافعي عن حياتج وزوجج بشراسة خلي يعرف إنج ماراح تسكتين !

بس في نقطة أستغربتها قلتي نسب زوجي أفضل من نسينا !
طالما هو من نسب عريق مايقدر يطلقكم شنو حجته عند القاضي ؟ هم حضر وإحنا أبناء قبيلة ؟
جد هالنقطة مافهتها

__________________
الصّمت هو النُقطة الأخَيرة لكُل الأشياء الموُجعَة .!

لاإله الا أنت سبحانك إنِ كنت من الظالمين

اختي فيه شي ماقدرت افهمه بالموضوع
كيف مافيه تكافؤ نسب وهو ولد خالك بنفس الوقت؟
وين راح هالاختلاف في النسب لما ابوك تزوج امك؟!!

وبعدين من الواضح ان فيه مشكله عندكم والدليل ان الجد واللي هو المفروض اول واحد ينوخذ رايه صار اخر واحد بعد ماوافقوا الجميع حتى عمامك ومابقى الا كم يوم على الزواج عطيتوا جدك خبر !!
مدري بس احس الموضوع كله لخبطه

اما عن قضايا تكافؤ النسب نعم يقدر يرفع قضيه ولد العم بعد مو الجد وشفنا وامثله كثيره حصلت
ولكن اللي يبطل القضيه بموضوعك ان الزوج ولد خالك يعني النسب موجود بينكم مو جديد

اول الخطبه ماقلنا له عشان مايروح لاهل الولد ويسبب مشاكل لانه
مايحب اهل الوالده
واتذكر لما يجونا كان يجي يتكلم عن مشاكل قديمه
احنا خبرناه بعد ماخطبو بشهر
اخوي الوحيد
جدتي ام ابوي اخت جدتي ام امي يعني جداتي خوات
وللاسف هاجرها من 20سنه
ومتزوج وعايش عند زوجته الثانيه



اخوي تتوقع كلامي معه يجيب نتيجه

اول مره اسمع بهذي القضايا
مادام البنت راضيه كيف يتم التفريق بينهما لهذه الدرجه الامر سهل توني ادري ــ
الله لايبلانا بس

اختي اذا وصل الامر الى المحكمه صدق
كلمي محامي انتي وزوجك لاتسكتون حتى امك لازم تصف معك
المساله اكبر من مجرد الجد زعلان مادام توصل لخراب بيوت لابد تخربي بيته هو ايضا قبل بيتك
كوني قويه بالله اولا ثم بمن حولك زوجك امك ابوك اخوك عمك خالك خالتك ....الخ
مثل ماهو عنده مؤيدين انتي اعملي نفسه واكثر
وصل للمحكمه اوصلي مثله وابحثي عن محاميين شطار علشان يقدر يدافع عنك

وقولي له عباره كما تدين تدان ــ يعني اي شيء تسوي لي بسوي مثلك واكثر

خبرينا عن احوالك اولا باول

يختي انا ماابيها توصل للمحاكم
عشان كذا كلمته