وبسألكم سؤ ال

اذا تدخل كيف ارد عليه مثلا قال شل نزل او قعد يحوس في بيتي
أو قال ليه ما تتصرف كذا حتى يسوي حركات لزوجته يقالك ييبيني اتعلم
مثلا يفتح باب السياره وينتظرني افتح لزوجتي وانا اطنش
عزيزي ..مثل ماقت لك لاتحاول تستثار عصبيا وكون هادئ جدا وكون دائما حلو اللسان
السوال الثاني

يتكلم ويجيب قصص فيها بذائه ويضحك كانها عادي ما يستحي عند بنته وزوجته كنه قاعد مع ربعه ؟

اذا حسيته يتكلم بالكلام هذا حاول تقطع عليه حديثه بقصه تطرا عليك مثلا مع زوجتك لهي زوجتك معاك ووخل عقلها معاك انت راح يحس بالشي هذا كون ثقه وانت تسوي كذا لاصلاح الاخرين يحتاج فن وصبر ومتعه اتمنى لك حياه حلوه

جزاك الله خير الى الان انا هادي ولساني حلو وما استثار

لكن خوفي من القادم امامي مستقبل وابناء والله لو كنت ادري عنه من قبل لما تقدمت لبنته
\ الله يجزاك خير
مشكوره واغبطك على رجاحة عقلك
المشكله يا اختي اني مضطر بالجلوس معهم اذا رحت لمهم او اذا جوني لا نهم بعيدين هذا الشي يزيد الميانه
المشكله الثانيه ان اهلي بدو يلاحظون هذا الشي من اول يوم بزواجي همس في اذني واحد من خوالي
قال الله يعينك عليه
والمشكله انها تجلس لحالها عندهم احيانا اسبوع واسبوعين وانا بعيد تكون تعبانه جلوسها احس يأثر
مع انه مو منها ما تبي فرقاي بس الظروف وتشجيع اهلها اجبرتها اقصد الا شهر الاولى من الحمل
صمتي لغتيي الله يكتب لك الاجر

الأخ أبو سعود بارك الله فيك ياخوي ماعليه الصبر زين ولأجل عين تكرم مدينه علشان زوجتك تحمل بصراحه بالعاده الزو ج يشتكي من أم زوجته وتدخلاتها لاكن أنت عمك ماخذ الدور كله الله يعينك عليه أحس تصرفات عمك همجيه بزياده لاكن حنا عندنا واحد راح أخذ بنته من بيت زوجها والبنت تحب زوجها وزوجها يحبها ومابينهم شئ متفاهمين بس أبوها أخذها غصبا عنها من بيتها بحجة ليش مايحط لها تلفون بالبيت وجاء الزو ج من دوامه مالقى زوجته بالبيت أتصل على أبوها يسأله قال له تبغى زوجتك تعال البيت ولما راح البيت أحتد بينهم النقاش وقام أبوها وإخوانها بضرب زو ج بنتهم وماشاله إلا الإسعاف من البيت للمستشفى وصل أمرهم لشرطه وحولوهم للمحكمه والقاضي حكم عليهم بالسجن وحكم إن البنت ترجع لزوجها وماتزور أهلها إلا يوم واحد بالأسبوع
وأبوها و أهلها مالهم شغل في حياتها أو بيتها أبد بس الولد زوج بنتهم طلع إبن أصل وسامح أبو زوجته و إخوانها وكل الناس لامو أبوها على تصرفه وقالوا له أنت غلطان بصراحه ياخوي أنا أ كره التدخل من قبل الأهل
من كل الطرفين بين الزوجين
وأنت ياخوي حاول تمدح فيه وتثني عليه وقول ل ياعم عندي زميل يشتكي دايما من عمه أبو زوجته يقول دائما يتدخل بحياتهم و مايحترمه و لايقدره
وسألني وقال ياخوي و ش الحل معاه وسألني قال ياخو ي أنت حياتك مثلي عمك مثل عمي قوله قلت لا وش جاب عمك لعمي عمي سيد الرجال و ماعمره تدخل بحياتي أنا وبنته و يحترمني ويحبني مثل ولده وأكثر و الظاهرأنت عمك من النوع إللي يحب الترزز والفشخره و يحب يسوي نفسه فاهم بكل شئ ويبغى إللي حوله يمشون على كيفه ومايحب شئ إسمه خصوصيه
ويبغى الكلمه الأولى له أهم شئ أنت عليك بزوجتك إحتويها وخلها تتعلق فيك أنت و تسمع كلامك أنت وتعليماتك أنت
علشان ماتتأثر ببيئة أهلها وكلامهم عنك وأنت خلك هادئ ولاتكشر بوجه أ بوها علشان مايقلب رأس بنته عليك وتصير مشاكل بينكم خلك عادي معاه
وخفف زيارتك لبيت عمك ولما تودي زوجتك عندهم إعتذرهم بلطف ورو ح عنهم وصدقني بعد فتره لما يجون عيال لبنته
راح ينشغل بأحفاده وماعاد يركز عليك في شئ وترى شئ أكيد مدام إنه زوجتك وحيدة أبوها أ كيد إنه يحبها ومتعلق فيها بعد وتلقاه يحس بفراغ في البيت من بعدها يعني لاتلومه إن شاء الله ربنا يرزقك الولد والبنت و تشوف حينها قد إيش تتعلق ببنتك و تحبها وماودك تفارقك لحظه ترى أنا عندي ثلاثه أولاد و بنتين وزوجي مجنون بناته حتى دايما أقول له بكره يكبروا ويتزوجوا ويروحوا عنك بعيد يقول لي أنا بكتب شرط بعقد الزواج حقها إن بنتي تسكن عندي للي يبغى يتزوجها
أقول له ليش يقول أخاف ينقصها شئ مايجيبه لها زوجها أو يزعلها بشئ ويضايقها وأزيدك من الشعر بيت كمان بيشرط على العريس مايتزو ج عليها مرة ثانيه علشان مايحرق قلبها بالضره أقول له ياالله عافنا إلين ذاك اليوم يجي الظاهر بناتك يجلسن بحلقك ماخذ بياخذهن و هاذي أ ولتها
يعني ياخوي حب البنات غير عن الأولاد وهم أكثر من بنت فما بالك بوحيدة أبوها وأمها وإخوانها وأنا أبوي الله يرحمه عنده عشرة أولاد ماشاء الله وست بنات كان يفضلنا عليهم بكل شئ حنا البنات حتى الفلوس لورحنا السوق يعطينا ضعف إخوانا الذكور و دائما يردد البنت مسكينه و ضعيفه مالها بعد الله أحد تحتاج إهتمام ورعايه فأنت ياخوي أخذت بنته وحيدته توقع كل شئ بالذات مع زيادة الجرأه والميانه الله يكون بعونك و يسهل لك حياتك
ويصلح عمك و يهديه و يصرف شره عنك أنت و زوجتك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بنت الحكمي


اشكرك الصراحه كفييتي ووفييتي قريت كلامك 7 مرات فعلا هو يحس بفقدها وعلى حسابي ويحب الترزز
وهو الفاهم ولا حطت ان اخوان زوجته مطنشينه كلامك صحيح كنك عارفته


الله يعين والله يصبرني لاني للاسف اصبر اصبر بعدها انفجر مثل البركان الي يخرب كل شي

اشكرك الله يسعدك ويخليلك البنات لا تخافين ما عليهم خوف
على الاقل تتزوج الاولى وينشب له سنه وتجي الثانيه وتتزوج ينسى الاولى ما هو مثلي نااااااااااااشب

والله ساعات اقول انهم محظوظين فيني انامرتبي عالي واموري زينه
وكل شي وكنت مرتاح تزوجت وجاني النكد
وانعرضو علي بنات عز واطيح في واحد يبهذلني ويتسلف مني
نصيحه
اسااااااااااااااااااااااااااالو عن ابوووووووووووووووووووووو الزوجه قبل الزواج اسالو عنه حتى الحصى

هو من كثر حبه لبنته يتصرف بهالطريقة
بس اسلوبه جدا غلط
انا كمان اخوي وحيدة لاهلي وجييت بعد عناء ولك ان تتخيل كيف اهلي متعلقين فيني
الحين احيانا اهلي يدققو مررة بس الي شوي مخفف المشاكل اني بمنطقة بعيده عن اهلي
بس لما التقي فيهم ويكون زوجي معي يحترموه وكل شي بس بابا دايما يجرح فيه شوي وكل شوي يذكره انو لو جرحني ولا اساء لي ايش ممكن يسوي فيه
كل هذا يااخوي لانه خايف على بنته بس مايفكر قبل لايتكلم مافي قدامك الا انك تعامله رسمي وتضع خطوط حمراء لاتسمح له بتخطيها
وزوجتك ماشاء الله باين عليها انها من النوع الواعي الي ماتسمع كلامهم وهذا المهم
تحمل عشان زوجتك وكان الله بعونك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

اتذكر عضوة هنا كتبت معناتها مع أبوها وتعامله السيء مع زوجها
أهم شيء أحرص تتفق مع زوجتك أن حياتكم ماتتأثر لا بتدخلات أهلك أو اهلها
وحسسها أنه مو كل الناصحين حكماء وأنكم لابد ترسمون حياتكم بأنفسكم بعيدا عن أي أحد أو أي مقارنة

والامر الآخر
حاول تقلل من احتكاكك فيه
لاتجلس معه إلا سلام وبس
ولما يجي البيت قدم القهوة واستأذن وهكذا

أبو زوجي فيه من أبو زوجتك لدرجة قالي طلعي سيارة لولدي!! وقال اخوك فلان أجمل منك!!
فصرت أسلم عليه ولا أجالسه ولا افتح معه أي حوار من أي نوع وأرتحت صراحة من ميانته الزايدة

ولاتقول أنك طحت بناس كذا أو من هالكلام تأكد الدنيا لابد تنقص
ربي اكرمك بزوجة طيبة وموفق أحسن من أنك مبتلى بزوجة نكدية وأبوها طيب وإلا ماحبيتها إلا غيرها من كدر الدنيا

عاشقه اشكرك والدك يمكن يجرح بطريقه يتقبلها زوجك
لكن الي كل مره واسلوب وطبعه عصبي هواش مع الناس
مشكله. يعني ةضعك بسليم مالي الا الصبر


نبض اشكرك بصير رسمي مع اني مضطر اجلس عندهم
اذا سافرت لهم واذت جوني برضه
والله مشااااعر الكره بينه فيه والغيره انا اقول مايخاف علا بنته
ليه. ينتقد بيتي ولايحترمني يعني كانه يقول هذا الي انتي تحبينه

انت عارف
قاهرني من اول وانت تعيد وتزيد في ابو زوجتك
والله لو تحبها بجد كنت اتحملت
مو ماتشتكي
بس
مرة
مو كل شويه تزيد في الكلام
اسفة ع الاسلوب
بس حط نفسك مكانه
وعندك بنت وحيدة وبتتزوج
ترى والله تجن
بنتك يعني قلبك وروحك
وضناك
تحس مااحد يقدر يسعدها غيرك
بس
الحل اسعدها بجد
مو كلام بس
وهو حيرتاح

كبـــيره بـــعقلها

أولا انا مسعدها سعاده كبيره وهي حاسه بشي هذا وراضيه ومااعجبتها تصرفات ابوها والله قدمت لها كل شي معنوي ومادي وحسي الحب كله لها الدليل انها ترتاح عندي اكثر وتحبني اكثر هذا الشي يخلي والدها يزيد لانه يشوفها متعلقه فيني اكثر
وسبق اني قلت لها خلك على تواصل مع ابوك امدحيه وارفعي قدره بس ماينفع تتضايق من حركاته

أعيد وازيد
يا كبيره بعقلها ؟ مهما كان الرجل لا يرضى احد ينغص حياته واحد يدور عليه الاخطاء ويطلع فيه العلل
ويتظاول بلسانه
لدرجة انه ينتقد اي شي اقدمه لها مهما كان

ينتقد حفل الزواج وينتقد سيارتي واثاثي
وينتقد رحلتي لشهر العسل في النمسا يتمسخر
أحط نفسي مكانه
لو عندي بنت واشوف واحد يغليها وهي مبسوطه معه وما يقصر معها بشي واشوفها مبسوطه ونفسيتها تعدلت
وسمنت والله لا اكون مرتاح وما اتدخل في اي شي ولا انتقد ولا اغار واحب اتسلط

الحمد لله الذي اكرم وشرف الانسان على سائر الخلائق بالعقل اتمنى لك السعاده الله يوفقك بالدارين