ثبات بالعكس
شخصيتي تغيرت واصبح اللي تضرني اخر همي صدقيني ياغاليه
اللي قاهرني المواقف تتجدد وفي الأخير تجي على رآسي واعجز عن الدفاع عن نفسي في نفس الوقت يخوني التعبير وابكي كثير
مايهموني اللي يكرهوني خلاص يكتفون بالكره والحقد لكن لا يخببون ويفسدون علي ناس ربي سخرهم لي ويهتمون لاأمري
ثبات خايفه اخسرهم قلبي يوجعني
مو قادره أتحمل صدمات اكثر يكفيني اللي تعرضت له يكفي
حسبي الله ونعم الوكيل

لايصير لك معهم تعامل عشان لايصير بينكم مواقف يحسبونها عليك ويشتغلون عليها
خليك بعيده عنهم لاتشركينهم بحياتك ولاتنسين المكر السيء لايحيط الا بأهله

اختي ودي اقولك شي لا تتعلقين بالناس او باشخاص معيين بشده ،، كانهم حياتك كلها و ستنتهي بدونهم ...
سبحان الله ، ربما لانك متعلقه بهم كثيرا وخايفه تخسرينهم اكثر من تعلق بالله ، عشام كذا يصير لك ..

شي ثاني باقوله رد على قولك عاجزه عن الدفاع عن نفسي
ان الله يدافع عن الذين آمنوا
انتي مانتي محتاجه تدافعي عن نفسك امام ناس ماهمهم الا ادانتك
فيه ناس يفهمون غلط ويستفسرون عشان لايخلون للشيطان درب وعشان ماودهم يظلمون
وفيه ناس دافعتي عن نفسك ولا مادافعتي هم ماهمهم يفهمون همهم انهم يدينونك وبس
الا اذا كنتي انسانه تحطين نفسك في مواقف تحسب عليك
الصمت ياختي الصمت عليك به وفكري قبل اي موقف

ومض القمر صدقتي
حبيبتي كلامك عين العقل
ماراح اتعلق فيهم لكن السبب اللي يخليني أخاف
لأني لقيت عندهم الحب والإحتواء والخدمه كل هذا يسونه لوجه الله
الحمدلله على كل حال
هذا أجمل شي في حياتي حصلته بس خايفه اخسرهم

خسرت انسانه وابتعدت بسبب كيد وكذب اللي يحاول تفسد علي
وهي مازالت تجري وراي وتركبني أخطاءها
اااه وتحاول كمان تسعى لشخص تكرهه فيني وانا بعيده عن هالشخص كل البعد ومع ذلك ماكفت أذاها من ورى ظهري
بالله عليكم مو شي يخوف اللي يصير

اختي الكريمة ..
اذكري المواقف أفضل من ناحية انك تفرغين ومن ناحية انا نكون منصفين معك ..

السلام عليكم ورحمة الله وبركاته ...
أختي الكريمة من المفترض الذي يعرفك تمام المعرفة ويقفون معك لايسمعون كلام هؤلاء الذين يفسدون حياتك بحقدهم وسمومهم ..
وإذا سمعوا فليواجهه معك ..
عليك بالدعاء ..

عزيزتي الغاليه
المواااقف كثيره
وتقلب الطاوله علي
لاحول ولاقوة الا بالله

وعليكم السلا م ورحمة الله وبركاته
عزيزتي المشكله البعض يصدق
حتى الانسانه اللي ابتعدت عني تقول اللي مايعرفك يقول هذي اكبر كذابه
الله المستعان لساني احيانا ينعقد كيف ابرر
اقسم بالله اتفاجأ كيف يفكرون فيني كذا
سقيا عشان كذا مقهوره وربي