السلام عليكم صراحه موضوعك عجبني لاول مره وطرحك رائع والنقاط اللي ذكرتها قد تكون فعلا سبب هروب الازواج من المنزل لاكن ليس بالضروره اذا الزوجه لم تقدم على اي سبب من ما سبق ذكرهم ان الزوج لا يخرج للاستراحات يعني ممكن اتكون الزوجه معطيه زوجها كل حقوقه وامدلعته ومع كذا يطلع يسهر كل يوم للحقيقه ان الموضوع فيه نقص لان ممكن الزوج يطلع للاستراحات لانه يتهرب من مسؤوليات ابنائه يعني في ازواج مهنتهم التدريس ويروح يحط مدرس لابنه او مدرسه لبنته عشان يفتك من المسؤوليه انا لا اتحدث عن نفسي لان اطفالي مو بالمدارس لسا صغار
عن نفسي زوجي كل يوم يروح ساعتين للاستراحه يسهر مع اقاربه الثقات وانا لا اتضايق ابدا بالعكس احمله من ما لذ وطاب عشان يسهر وينبسط ويرجعلي رايق ومشتاق

ورده معطره

ماشاء الله .. اسم على مسمى
لا ننكر ان هناك خلل في الازواج ..
ولكن ثقي تماماً أن للزوجة دور في التغيير ..
سعدت بحضوورك .. هنا
لك اجمل التحايا ..

الحمدلله انا زوجي هارب من البيت للعمل لانه طبيعة دوامه تحتم عليه يغيب 7 ايام ويجيني 3 ايام
وال 3 ايام ربعها لي ولابنائي والباقي على موقع كملنا(( بلوت . ايكه . صن ......))
يبالي انا اهرب من البيت ههههههه

أمير الحرف..
كلامك صحيح ولكن لاينطبق على كل الزوجات.. ولا كل الأزواج
الرجل أيضاً مسؤول لما هو حاصل في بيته ..
ومسؤول عن علاقته بزوجته .. وكيفية موزانة مسؤوليات البيت..
( ليش سموهم زوجين؟؟ أو شريكين )
كل واحد واجباته مساوية للتاني

ويا أخي الفاضل..
لكل فعل ردة فعل.. لماذا تغار الزوجة ..؟ او تفتش؟؟
أكيد عارف الإجابة..
لماذا هناك شجار؟؟
لانه لايوجد حلول للمشكلات .. أو مبادرة بروح طيبة لإيجاد الحل..
لأنه ..لايوجد حوار

و أيضاً..كما يشتكي بعض الرجال من الذي ذكرته..
تشكتي بعض النساء منها.. ؟؟ !!

لاتضع كل اللوم على الزوجة.. في مواضيعك
وخليك محضر خير.. زي مايقولو لاتولعها نار إذا هيا والعة عندك

الله يهديك كلامك أحياناً.. يعطي شعور سلبي للقاريء..
وتلاقي حتى الي ماعنده مشاكل .. يفكر فيها ويختلقها من تأثير أسلوبك..

الرجل الذي تحترمة المرأة هو من يواجه المشكلة ولا يتهرب من منها ..

__________________

>> لا إله إلا أنت سبحانك إني كنت من الظالمين <<

معاك حق في كل إللي قلته بس مو كل النسوان كذا بعضهم فقط يسون من الحبه قبه ولاتنسى إن بعض الرجال متعودين على الهياته في الإستراحات من فترة العزوبيه وحتى وإن حاولت زوجته تغيره
وهو مربطه في الإستراحه ماراح يتغير لو تولع أصابعها العشر له شمو ع ماراح يتغير وترى فيه كثير زوجات كتبوا بهاذا القسم عن سهر أزواجهم برى البيت وأذكر وحده من الزوجات إشتكت هنا تقول زوجها يسهر برى البيت ويخلي باب بيتهم مفتوح لدرجة إنها ماعاد تقدر تنام لاهيه ولا طفلها وأذكر وحده تقول إتصلت على زوجها تبغاه يوديها المستشفى عندها ولادة قال لها مانا فاضي الحين إتصلي على أخوك خليه يوديك المستشفى وقفل جواله وتركها
الإستراحه وأصحابه أهم من زوجته وطفله فالحقيقه هناك بعض الأزواج يطفش ويعصب ورافع نخرته بالبيت بس لو راح لإستراحته صوت ضحكه واصل لباب الإستراحه والشيشه تسمعه يكرف فيها مثل كنداسة السياره لم تطيح وأنا ما أقول كذا علشان لاسمح الله تظن إن زوجي واحد من هالنوعيات الحمدالله والشكر لله زوجي رجل سنافي الله يحفظه ويخليه لي مايرو ح إلا لعمله والمسجد والسوق نرو ح مع بعض ويموت على جلسة البيت ومتزوجته لي 21 سنة ماعمره سهر في إستراحه حتى لو عزموه زملائه بمناسبة نقل أو ترقية أحد منهم يرو ح لهم بس بعد ما يستأذني ويرو ح يحضر العزيمه عقب صلاة العشاء وماتجي الساعة 10 إلا وهو في البيت وبعض الأوقات يعتذر زملائه ويجلس بالبيت وزوجي لو على كيفه كان حتى عمله يتركه ويجلس بالبيت وعلى فكره جلسته بالبيت مو كذا عطالي بطالي لا يساعدني يطبخ معاي ويرتب وينظف ويجهز القهوه وأنا أجهز الشاي
عاد جلسة المطبخ تحلى لما الوحده تجلس تقطع الخضار هيه وزوجها وهيه تكبس الرز وهو يقطع السلطه ومرة يذوقها قطعة طماطم بطرف السكين ومرة قطعة خيار ومرة جزره ويطلع المرق ويحطه بصحن و يذوقها بالملعقه وأشياء كثيره لها مذاق خاص بالمطبخ وبعد الأكل يساعدها بنقل السفره ويغسل معاها المواعين والحمدالله هاذا من فضل الله زوجي حتى العشاء في اليل أ كثر مايجهزه هو ويصرفه على السفره ويناديني أتعشى وبعد ما أتعشى أقوم أجلس وهو وعياله ينظفون السفره ويوم الخميس والجمعه عندي إجازه من شغل المطبخ يا إنه يعزمنا نطلع نتمشى ونتغدى برى يا إنه يجيب أ كل من برى ياإنه يجهز أحسن وجبة غداء في حوش البيت يشوي على الفحم و يطبخ ويجهز كل شئ وعياله إذا مرضوا يساعدني فيهم وفي علاجاتهم وقياس حرارتهم ويسهر معاي على راحة عياله
والحمدالله زوجي راحتي وراحة عياله رقم واحد في حياته يفكر فينا أ كثر من نفسه
وأنا أشوفه في نظري أحسن زوج وأحن زو ج وأوفى زو ج بالدنيا كلها أسأل الله أن يطيل في عمره ويحفظه الحين هو مسافر والله إنه يتصل كل لحظه ويتطمن علينا أسأل الله أن يرده بالسلامه .

نشكرك على هاذا الموضو ع بس طال عمرك نبغى قليلا من الإنصاف وحده من جاراتي زوجها ينام الأربعاء والخميس بالإستراحه وهاذا طبعه من قبل ماتتزوجه والزوجه ماهي ساحره علشان تغيره بليلة وضحاها ومن شب على شئ شاب عليه .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

زين موضوعك