أنا سمعت والله أعلم أنها نفس المضار بين الدخان والشيشه
لان الشيشه ممكن يمسكها مرة في اليوم لمده نصف ساعه أو ساعه أو أكثر
لكن الدخان طوااااال اليوم وهو يشرب وممكن يخلص بكت بكتين صحيح ماتأخذ وقت لكنها متكررة معه
يعني أحس أنها نفس المضار باختلاف الطريقه ..

أنا اللي فهمت منك أنك خايفه على تصرفاته وأفعاله أنها تكون زي المدمنين
..لا هي ماتأثر في أفعاله بالعكس المدخن وشارب الشيشه عادي يكون أنسان طبيعي .. من ناحيه الكلام والتصرفات
لكن تضل حرمتها ومضارها ..
الله يهديهم يارب ..
الحي بالدعاء ..
ولاتسكتين على الموضوع دامه يتهرب من المناقشه ثقي أنه يشيش..

__________________

هلا حبيبتي أيوه هذا ألي كنت خايفه منه أنها تأثر على أفعاله
أن شاء الله ماراح أسكت بس محتاره كيف ومتى وخايفه أتهور
الله يعطيك العافيه ويحفظلك زوجك واولادك من كل شر
ويشفي أبنك مشكوره على أفادتك لي ولك دعوه أنتي واخوي الكسائي على الفطور لأني صايمه اليوم

والله اختي فالبدايه كنت اشك بزوجي


احيانا لانه يدخل وريحته دخان

فمره من المرات قال انه بيسير عند ربيعه وبيرد

فسار ويوم رد شميته ريحته الشيشه من فمه كانت قويه
واعترف لي انه شفط كمن شفطه
فانتي تقدري تعرفي اذا كان جالس مع ربعه وانتقلت الريحه لملابس وشعره ولا هو لي يدخن

ترى السالفه تنعرف

ومن بعدها ماصار زوجي يدخن بس المشكله قائمه لين الجينه ، يوم يرد من عند الشباب تكون ريحته دخان بس بعد متاكد بطريقتي يكون مب مدخن والريحه بس تنتقل له

اذا الرائحة تخرج من فمه معناها بدخنها
أما اذا فقط عالقة بثيابه معناها كان بمكان يدخن فيه الناس من حوله و علقت الرائحة بملابسه
ليش ما تصارحيه و لو بطريقة مازحة و تشوفي رد فعله

__________________
.
.

استودعتك أهلي في سوريا يا من لا تضيع ودائعه

إذا لم يكن في زوجك سوا هذا العيب (شرب الشيشه)

فتحري الطريقه المثلى في إقناعه بتركها بالكلااام الجميل

وبدون عصبيه او زعل فسوف تجديه يتقبل ذلك واذا فرضنا

انه لم يتركها فلاااتكون هذه المشكله هي شغلك الشاغل

وعيشي حياتك مع زوجك بالحب والحنان وسوف تجديه

يتركها في يوم من الايااام بدون طلب منك

وبالتوووفيق للجميع

malak_3lganah
ماريا 13
مشكورين حبيباتي على الأفاده أنا متأكده أنه يشيش لأن الريحه مره قويه لدرجة أني أدوخ أذا شميتها وهي مش بملابسه لا في أنفاسه كمان الله يهديه

الحمد لله مافيه غيره أن شاء لله وسالفة الأستراحه توها جديده ماكان يروح لها توه بدابالفتره الأخيره يروح لها
بالبدايه ماكان ألا مره بالأسبوع يروح لها والحين صارت مرتين يعني على حسب الظروف والمباريات ومشكور أخوي على الأفاده الله يجزاك الجنه وان شاء الله وراه لحد مايتراكها

أنا من بعد ماكتبت الموضوع أمس قررت أني أستنى لحد مايروح وأذا رجع وشميتها فيه بأكلمه مع أني ماكنت واثقه من اأسلوبي بالكلام لأني خفت أتنرفز ويصير مشكله
شوي الأ اليوم يكلمه واحد ويتكلمون أن فيه مباره ويسأله أذا بيجي ولا لأ ؟
المهم شوي ألا هو يتجهز بيروح وطلع نومت الأولاد واستنيته لحد ماجاء ويوم جاء نفس أسلوبه أمس يدخل مرتبك ويحاول يداري أرتباكه بأبتسامه عريضه المهم بعد ماغير ملابسه جاء جلس جنبي ألا الريحه تدوخ والله العظيم صدع راسي من ريحتها وهوه كان أول لما يدخل الغرفه على طوووووو ل يتعطر لكن مع العطر صارت ألريحه مميته أكثر عطر مع دخاااااان وآآآه على الصداع على طول راسي يصدع
لكن مره لمحتله أف أيش هالريحه فيسألني ليش مو عاجبك ريح العطر قلت وانا معصبه لأ فما صار يتعطر
وبعد ماجاء جلس جنبي شميت الريحه وعلى طول صدع راسي وكان فيني صراع داخلي أكلمه ولا لا ؟
وايش أقول ؟
المهم رحت بأنام شوي ألا قام فرش أسنانه ويغسل يده وجاني ويوم قرب مني
شمينها بفمه بغير شعور قلت أف قال أيش فيك ؟
سكتت
قال ريحة فمي طيب فرشت أسناني
قلت بس الريحه هذي ماتروح حتى لو فرشت أسناناك
قال أيش قصدك وعلى وجهه ضحكه مع شوية خوف ويحاول يلف وجهه عني
دار بيننا كلام طويل لكنه أنكر أن الريحه من الشباب ألي هو جالس معاهم كل هذا وهو يضحك وقلتله ترى مايمشي علي الكلام هذا يعني ماأنتبهت كم مره ألمح لك بكلامي قلت لعل وعسى يحس بس مافيه فايده
قال متى لمحتيي
وذكرته وسكت ماقال شي
وقلتله لو أنك تحب أولادك ماكان سويت كذا
وقلتله يسوي بحث ويقرى عن أضرارها
واني ماتوقعت منه كذا ومن هالكلام
طبعاً كل هالكلام وهو ساكت وبنفس الوقت احسه متفشل
وقلت له أن وجهك تغير صاير ذبلان وكحتك لما تكح غريبه وصاير تتعب من كل شي كل هذا كلام بس عشان يخاف
وقمت وخليته
الله يهديه بس

لحد هنا وخلاص سكري على الموضوع وما باقي لك سواء الدعاء له ليعاند ويسويها قدامك

الله لايقولها ماأتوقع توصل فيه لكذا
وماراح أتكلم معاه بالموضوع أبداً مره ثانيه
بس والله ماأضمن نفسي لو شميتها فيه مره ثانيه بس ماأتوقع أني أشمها فيه مره ثانيه بأذن الله