وعليكم السلام ورحمة الله وبركاته ..
حياك الله اخوي ..
الإحراج حاصل حاصل لا محاله ..!!
لكن يكون من البداية أفضل ..
الطريقة ابدأ بالتلميح .. لزوجتك ..
إن أصرت أو حاولت تجاهل هذا .. لامانع من التصريح ..
حياتك الخاصة لاشأن للآخرين بها ..
قد تسكت ثم يقع ماكنت تخشى وقوعه ثم تتأذى أنت وتتبدل حياتك ..
حينها تتأفف من حياتك ومع من حولك ..
لا إنت اللي قبلت بنفس سمحه ولا انت اللي عشت مرتاح ..
فاقطع هذا الأمر من بدايته ..
وفقك الله.

__________________
كيف اقاوم الهم والألم. بالسجود راحة واطمئنان.

نهاية نوال..!

بارك الله فيك


هذا الامر مافيه مجاملة والا بيعود على زوجتك نفسها بالندم..

والي المفروض يخجل هو اخوها لانه ما احد يقبل يقعد فبيت أخته.

واذا طلبت منك المساعدة وكان اخوها محتاج ماديا فالأهون انك تعطيها مبلغ بسيط شهريا الى ان يستقر ويتحسن وضعه. اذا تقدر طبعا، وهكذا تساعده هي في الاجار..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

انا اشوف انه عادي
زمن اول الناس بيوتهم مفتوحة و قلوبهم بيضا
وهو اذا كان جيد بيعتبر البيت مثل الفندق يجي فيه فترات قصيرة
بعدها ان شاء الله بيتزوج او بينقل ديرته
انا اشوف انه عيب تطرده خاصة ان البيت كبير
الناس للناس
وانت قد تحتاجه في يوم من الايام
صغرها و تصغر .

شلون يعني تخيل الموقف اخوي يقولي بجلس عندك
واقوله لا والله معليش شف لك مكان ثاني زوجي ما يبي 🙆
عيب عيب عيب اصلا وش نظرت زوجتك لك بعدها
وهي متاكده لو انعكست الادوار ما يردها اخوها بحجة زوجتي والله ما تبيك بالبيت
ولو سواها مافيه خير ولا يسوى
انت بنفسك لو اختك او اخوك بنفس الموقف اتحداك تقول لا والله باخذ راحتي
فيه بعض الاشياء حتى لو انا ما نبيها نصبر عليها
لان ضدها بعرف العرب عيب واستنقاص لقدرنا قبل غيرنا
ترا لو سويتها مستقبلا مالك وجه تستقبل احد من اهلك لفترات طويله لو اضطريت
*
( مثل ما تحب تكون لاهلك كون لاهلها )
🙁

__________________

ياسلام .. يعني خواتك عادي واخوها لا ؟؟؟
و اختك بنت مثلها يعني من ايش بتحميها لو خايف عليها خل اخوها اللي يسكن ويونسها . بس وين الخوف بالموضوع و قولها انا مابي احد لا من اهلي ولا من اهلك مابي احد يشاركنا ببيتنا .. بس حط نفسك مكانها و اختك تبي تسكن وهي ترفض وش يكون موقفك ؟؟؟ و حط نفسك مكانها لما تقول لاخوها لاتجي زوجي رافض .. ترى اذا شافتك تقدر اهلها راح تحبك وتحترمك وتقدر اهلك .. والناس لبعضها و احسن مايسكن لحاله الحمدلله بيت اخته موجود .. و اذا انت علاقتك كويسه معه كلمه و بنص المواضيع قول له انك متضايق من شي واذا سئلك قول اختي تبي تسكن معنا وماتي عارف كيف ارفض يعني صحيح اختي و على عيني و راسي بس نبي ناخذ راحتنا لحالنا و والخ .. وهو اكيد راح يتراجع من نفسه اذا شاف هذا موقفك ..

حمدت الله وشكرته يوم شفت ردودهم
من البارح شايفه الموضوع ولارديت فيه وكنت مستغربه جداً قلت لهالدرجة انا غلط وعايشه زمن ابوي وجدّي وكل الناس صح !؟


فعلاً الواحد يحط نفسه في هالمكان .. أخوي او نسيبي بيجي ديرتي بطرده من بيتي ؟
خل نكون واقعيين ماتبيه و عندكم خصوصية من حقكم وخلاص لاتكلمه وتعزمه وتعزبه عندك اسكت وهو بيفهم
لكن موضوع اللي كون صريح وخلك واضح ولاتسكت ! كيف صريح يعني يكلم نسيبه يقول لاتجيني مابيك
عندنا خصوصيه انا وزوجتي .. يجرح زوجته يقولها اطردي اخوك ويحرجها في نفسها وفي اهلها ؟!
هذه العشره بالمعروف والصبر على الحياة وظروف الحياة ؟


مهما كانت مدة إقامته ومهما كان رضاك عن الموضوع ياتسكت وتتجاهل ياتطلق حجاجك اما تطرده عيب في حقك انت مو في حقه هو والحياة كلها في النهاية تاريخ لكل شخص وفي تاريخك بتنكتب كل علومك ومواقفك وبيتذكرونها الناس طول عمرك ويذكرون فيها عيالك بعد وهذا الفرق اللي يخلي بعض الرجال سيرته تفوح بالطيب والخير وبعضهم ماله طيب مع الناس يذكر ..
وحتى لو سكن معكم هي ايام بتمر وتخلص ومصيره بيستقر ويعيش حياته يعني مو معضله
ويمكن اخوي ابو البنات هو الرد اللي كان واضح وجميل من البداية الله يعزه ويخليله بناته ..

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

أختي ماحد قال يطرده.. ولا قلنا يعلم نسيبه، زوجته الي تتصرف وقبل لا تدبر من راسها وتواعد اخوها المفروض ترجع لزوجها. اذا جاء وحط رحاله فبيضل ضيف وينشال عالراس.. لكن نصحنا الاخ يكلم زوجته قبل لا تتفق ويا اخوها مو يطرده!



طبعا نفتح ابواب بيتنا ولو ضيقة ترا الضيق في القلب مو بالجدران. لكن فيه عادات واصول ونحن عندنا العرف اهل البنت يوقروا جدا زوجها ولا يمكن يستقروا عندها، الاخ يترفع يسكن ببيت اخته ولو كان وسيع، ممكن يمر يتغذى ويروح بحال سبيله بس، المفروض من نفسه لازم يعرف هالشي عيب عيب عيب جدا.. خلينا من الحاجة الشديدة هذه شيئ ثاني.

كذلك بيت ابوك او ابوي مهو بيت عرسان،، مو نفس الشي..

ونحن اذا نصحناه فهو حرصا على حياته مع زوجته، ودرءا لمشاكل قد تصل الى العداوة بين الزوج واهل زوجته وحتى الانفصال.

لو البنت تقول له يسكن فترة كذا شهر، هنا ممكن يوافق لانها فترة وتعدي، لكن هل يضمن انه فعلا بيكمل كم شهر ويروح؟ واذا استانس ولسبب او اخر ما رضي يروح؟ والزوج تعب من تقييد الحرية والخصوصية، المشكلة هنا انه مايقدر لا هو ولا زوجته يلمحوله او يطردوه لانه هذا الشيئ عيب برضو، وش بيصير هنا؟ الزوج بيتوتر من وجود الضيف ومن هو سبب التوتر؟ --> الزوجة الحبيبة، وهنا نطلع من مشكلة الاخ الى مشاكل زوجية لاحصر لها وتضخيم كل خلاف من قبل الزوج لانه اصلا شايل بقلبه..

وفيه شخص هنا من باب الشهامة اقترح على اخو زوجته يسكن عنده والاخ مستانس ولاراضي يطلع، هنا وين الاجر و وين الكرم كله بيروح وبيحل محله الحقد على الزوجة واهلها مع انه هو السبب.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

------------------

برأيي الحل الوسط انك تتركه يجي في بيتك بشروط

لأنه عيب ترفض يسكن عندك
الشروط اقترح عليك تقول لزوجتك انها ماتخرج مع اخوها الا بإذنك وماتسوي أكشن اذا رفضت انها تخرج
وماتخلي أخوها ياخذ راحته في البيت يعني يدخل غرفة النوم تقفلها وهو بيفهم
ولو جلس في قسم الرجال تروح له هي بنفسها هناك وتجيب له الاكل
اذا دخل معاها المطبخ مو مشكله اهم شي تقدم له الاكل في القسم الي هو فيه
اذا جيت من الدوام تستأذن من أخوها وتقوله انها بتشوف اذا تحتاج شي وتجلس معاك
اذا جاء موعد النوم ماتجلس مع اخوها وتسهر الا في الويكند
وتقفل القسم الي هو فيه عن البيت عشان يفهم إنه في خصوصيات مايتعداها وقت النوم

طبعا الدنيا بخير لما يكون ضيف ولو لشهر او حدته الظروف
لكن اخ يجي يسكن في بيت زوج اخته وهم توهم متزوجين يعتبر طلب جرئ لو كان اولادهم كبار عادي
على الاقل اخواني لا يفعلونها يستاجر ولا يضايق زوج اخته في بيته ولا يجرؤ يطلب هذا الطلب
وحتى امي لا تكثر زيارات لنا البنات تقول عيب
وتبقى قناعات وعقليات مختلفة